ಎಂತೆಂಥಾ ಬೌಲರ್‌ಗಳ ಎದೆಯಲ್ಲೂ ಭಯ ಹುಟ್ಟಿಸೋ ವಿರಾಟ್ ಕೊಹ್ಲಿಗೆ ಆ ಒಂದು ವಿಚಾರ ಅಂದ್ರೆ ತುಂಬಾ ಹೆದರಿಕೆಯಂತೆ!
ವಿರಾಟ್ ಕೊಹ್ಲಿ... ವಿಶ್ವಕ್ರಿಕೆಟ್‌ ಕಂಡ ಅತ್ಯದ್ಭುತ ಕ್ರಿಕೆಟಿಗ. ಭಾರತದ ಈ ದಿಗ್ಗಜ ಮೈದಾನಕ್ಕೆ ಬರ್ತಿದ್ದಾರೆ ಅಂದ್ರೆ ಎಂಥಹವರ ಎದೆಯಲ್ಲೂ ನಡುಕ ಶುರುವಾಗುತ್ತೆ. ಆದ್ರೆ ಅಂತಹ ಕ್ರಿಕೆಟಿಗನಿಗೆ ಒಂದು ವಿಚಾರದಲ್ಲಿ ತುಂಬಾ ಹೆದರಿಕೆ ಇದೆಯಂತೆ.
ತಮಗಿರುವ ಭಯದ ಬಗ್ಗೆ ಆರ್‌ಸಿಬಿ ಪಾಡ್‌ಕಾಸ್ಟ್‌ನಲ್ಲಿ ವಿರಾಟ್ ಕೊಹ್ಲಿಯವರೇ ಸ್ವತಃ ಬಹಿರಂಗಪಡಿಸಿದ್ದಾರೆ.
“ನನಗೆ ವಿಮಾನದಲ್ಲಿ ಹೋಗುವಾಗ ತುಂಬಾ ಭಯವಾಗುತ್ತದೆ. ವಿಮಾನ ಕೊಂಚ ಅಲುಗಾಡಿದ್ರೂ ಸೀಟ್‌ನ್ನು ಗಟ್ಟಿಯಾಗಿ ಹಿಡಿದುಕೊಳ್ಳುತ್ತೇನೆ. ಒಮ್ಮೊಮ್ಮೆ ನನಗೆ ಇದು ಫನ್ನಿ ಅನಿಸುತ್ತದೆ, ಆದ್ರೆ ಆಗ ನನಗೆ ಪ್ರಾಣ ಭಯ ಕಾಡುತ್ತದೆ” ಎಂದಿದ್ದಾರೆ.
ಸದ್ಯ ವಿರಾಟ್ ಕೊಹ್ಲಿ ಆಸ್ಟ್ರೇಲಿಯಾಗೆ ಪ್ರಯಾಣ ಬೆಳೆಸಿದ್ದಾರೆ. ಇನ್ನು ಐಪಿಎಲ್‌ ಮೆಗಾ ಆಕ್ಷನ್‌ ಕೂಡ ನಡೆಯಲಿದ್ದು, ಕೊಹ್ಲಿ ಆರ್‌ಸಿಬಿಯಲ್ಲೇ ಉಳಿದುಕೊಳ್ಳಲಿದ್ದಾರೆ ಎಂದು ತಿಳಿದುವಬಂದಿದೆ.
ಇತ್ತೀಚೆಗೆ ಮುಂಬೈ ವಿಮಾನ ನಿಲ್ದಾಣದಲ್ಲಿ ಟೀಂ ಇಂಡಿಯಾ ದಿಗ್ಗಜ ಆಟಗಾರ ವಿರಾಟ್ ಕೊಹ್ಲಿ ಕಾಣಿಸಿಕೊಂಡಿದ್ದರು. ಇವರ ಫೋಟೋಗಳು ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿತ್ತು.