ಕೊಹ್ಲಿ ಮುಖಕ್ಕೆ ಗಂಭೀರ ಗಾಯ! ಬ್ಯಾಂಡೇಜ್ ಹಾಕಿರೋ ಫೋಟೋ ಹಂಚಿಕೊಂಡ ವಿರಾಟ್
ಭಾರತ ಕಂಡ ಅದ್ಭುತ ಬ್ಯಾಟ್ಸ್’ಮನ್’ಗಳಲ್ಲಿ ಒಬ್ಬರಾದ ವಿರಾಟ್ ಕೊಹ್ಲಿ ವಿಶ್ವಕಪ್’ನಲ್ಲಿ ಅಬ್ಬರಿಸಿ ಮಿಂಚಿದ್ದರು. ಆದರೆ ಫೈನಲ್ ಪಂದ್ಯದಲ್ಲಿ ಟೀಂ ಇಂಡಿಯಾ ಸೋಲು ಕಂಡಿತ್ತು. ಈ ಬಳಿಕ ವಿರಾಟ್ ನೋವಿನಲ್ಲಿದ್ದದ್ದು ಕಂಡುಬಂದಿತ್ತು.
ಇದೀಗ ತಮ್ಮ ಸೋಶಿಯಲ್ ಮೀಡಿಯಾದಲ್ಲಿ ಸ್ಟೋರಿಯೊಂದನ್ನು ಪೋಸ್ಟ್ ಮಾಡಿರುವ ಅವರು, ಅಭಿಮಾನಿಗಳಿಗೆ ಶಾಕ್ ನೀಡಿದ್ದಾರೆ. ಈ ಫೋಟೋದಲ್ಲಿ ವಿರಾಟ್ ಅವರ ಮುಖಕ್ಕೆ ಗಂಭೀರ ಗಾಯವಾಗಿದೆ. ಅಷ್ಟಕ್ಕೂ ಆ ಗಾಯಗಳೇನು? ವಿರಾಟ್’ಗೆ ಏನಾಯ್ತು ಅಂತಾ ಜನರು ಪ್ರಶ್ನೆ ಮಾಡ್ತಿದ್ದಾರೆ.
ವಿರಾಟ್ ಕೊಹ್ಲಿ ಶೇರ್ ಮಾಡಿಕೊಂಡ ಫೋಟೋದಲ್ಲಿ ಅವರ ಮೂಗಿನ ಮೇಲೆ ಬ್ಯಾಂಡೇಜ್ ಹಾಕಿರುವುದು ಕಾಣಿಸುತ್ತಿದೆ. ಜೊತೆಗೆ ಹಣೆ ಮತ್ತು ಕೆನ್ನೆಯ ಮೇಲೆ ಗಾಯದ ಗುರುತುಗಳಿವೆ. ಕಣ್ಣುಗಳೂ ಊದಿಕೊಂಡಿವೆ. ಆದರೂ ಆ ಫೋಟೋದಲ್ಲಿ ಕೊಹ್ಲಿ ನಗುತ್ತಾ ಗೆಲುವಿನ ಚಿಹ್ನೆ ತೋರಿಸುತ್ತಿದ್ದಾರೆ.
ಆದರೆ ಫ್ಯಾನ್ಸ್ ಈ ಬಗ್ಗೆ ಚಿಂತಿಸಬೇಕಿಲ್ಲ. ಇದು ಪ್ರತಿಷ್ಠಿತ ಕಂಪನಿಯೊಂದಿಗೆ ಪೈಡ್ ಪಾರ್ಟನರ್’ಶಿಪ್’ಗಾಗಿ ಅವರು ಈ ಫೋಟೋವನ್ನು ಪೋಸ್ಟ್ ಮಾಡಿದ್ದಾರೆ. ಈ ಫೋಟೋ ಪ್ರಚಾರಕ್ಕಾಗಿ ಮಾತ್ರ.
ವಿಶ್ವಕಪ್’ನಲ್ಲಿ ವಿರಾಟ್ ಕೊಹ್ಲಿ ಅದ್ಭುತ ಪ್ರದರ್ಶನ ನೀಡಿದ್ದಾರೆ. ಏಕದಿನ ಕ್ರಿಕೆಟ್‌’ನಲ್ಲಿ ಅತಿ ಹೆಚ್ಚು ಶತಕ ಸಿಡಿಸಿದ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಅವರ ದಾಖಲೆಯನ್ನೂ ಮುರಿದಿದ್ದಾರೆ. ಅಂದಹಾಗೆ ಈ ಟೂರ್ನಿಯಲ್ಲಿ ಸರಣಿಯ ಆಟಗಾರ ಪ್ರಶಸ್ತಿಯನ್ನೂ ಪಡೆದಿದ್ದರು.