ʻವೀರಪ್ಪ ನಾಯ್ಕʼ ಸಿನಿಮಾಗೆ ವಿಷ್ಣುವರ್ಧನ್ ಪಡೆದ ಸಂಭಾವನೆ ಎಷ್ಟು ಗೊತ್ತೇ?
ಎಸ್‌. ನಾರಾಯಣ್ ನಿರ್ದೇಶನದಲ್ಲಿ ಮೂಡಿಬಂದ ದೇಶಭಕ್ತಿಯ ಚಿತ್ರ ವೀರಪ್ಪ ನಾಯ್ಕ. ಇದರಲ್ಲಿ ಸಾಹಸಸಿಂಹ ವಿಷ್ಣುವರ್ಧನ್ ಅಭಿನಯವಂತೂ ಪದಗಳಿಗೆ ನಿಲುಕದು.
ತ್ರಿವರ್ಣ ಧ್ವಜ ನೇಯುವ ಧಾರವಾಡದ ಗರಗ ಊರಿನ ಸುತ್ತಾ ಸುತ್ತುವ ಈ ಕತೆ ಪ್ರತಿಯೊಬ್ಬ ವ್ಯಕ್ತಿಯ ಅಂತರಾಲದಲ್ಲಿನ ದೇಶಪ್ರೇಮವನ್ನು ಬಡಿದೆಬ್ಬಿಸುತ್ತದೆ.
ಎಸ್‌. ನಾರಾಯಣ್ ತಮ್ಮದೇ ಬ್ಯಾನರ್‌ನಲ್ಲಿ ವೀರಪ್ಪ ನಾಯ್ಕ ಸಿನಿಮಾವನ್ನು ನಿರ್ಮಿಸಿದ್ದರು.
ವಿಷ್ಣುವರ್ಧನ್ ಅವರು ಎಸ್‌. ನಾರಾಯಣ್ ಅವರಿಗೆ ಕಥೆ ಹೇಳಿ ಸಿನಿಮಾ ಮಾಡೋಣ ಎಂದರಂತೆ.
ಆಗ ಎಸ್‌. ನಾರಾಯಣ್ , ನಾನೇ ನಿರ್ಮಾಪಕ. ನಿಮ್ಮನ್ನು ಇಟ್ಟುಕೊಂಡು ಸಿನಿಮಾ ಮಾಡುವಷ್ಟು ಶಕ್ತಿ ಇಲ್ಲ ಎಂದು ಹೇಳಿದರಂತೆ. ಸಂಭಾವನೆ ಎಷ್ಟು ಕೊಡಬೇಕು ಎಂದು ಎಸ್‌. ನಾರಾಯಣ್ ಕೇಳಿದರಂತೆ.
ಇದಕ್ಕೆ ಪ್ರತಿಯಾಗಿ, ವಿಷ್ಣುವರ್ಧನ್ ಒಂದೇ ಮಾತು ಹೇಳಿದರಂತೆ. ಕಥೆ ನನಗೆ ಇಷ್ಟವಾದರೆ ಸಾಕು ಸಂಭಾವನೆ ಕೊಟ್ಟಷ್ಟು ತಗೋತ್ತೀನಿ ಎಂದು ಬಿಟ್ಟರಂತೆ.