Vivo Y100i 5G Smartphone: ಅದ್ಭುತ ವೈಶಿಷ್ಟ್ಯ ಹೊಂದಿರುವ ಅಗ್ಗದ ಸ್ಮಾರ್ಟ್‌ಫೋನ್!

Vivo ಚೀನಾದಲ್ಲಿ Vivo Y100i 5G ಹೆಸರಿನ ಹೊಸ Y-ಸರಣಿ ಫೋನ್ ಬಿಡುಗಡೆ ಮಾಡಿದೆ. ಯುವಕರನ್ನು ಗಮನದಲ್ಲಿಟ್ಟುಕೊಂಡು ಈ ಫೋನ್ ಪರಿಚಯಿಸಲಾಗಿದೆ. ಇದು ಮಧ್ಯಮ ಶ್ರೇಣಿಯ ಸ್ಮಾರ್ಟ್‌ಫೋನ್ ಆಗಿದ್ದು, 12GB RAM ಮತ್ತು 512GB ಸ್ಟೋರೇಜ್‍ನೊಂದಿಗೆ ಬರುತ್ತದೆ. ಇದರಲ್ಲಿ ನೀವು ಫೈಲ್‌ಗಳು ಮತ್ತು ಡಾಕ್ಯುಮೆಂಟ್‌ಗಳನ್ನು ಸುಲಭವಾಗಿ ಸೇವ್ ಮಾಡಿಕೊಳ್ಳಲು ಸಾಧ್ಯವಾಗುತ್ತದೆ.

ಸ್ಟೋರೇಜ್ ಮತ್ತು RAM ಸಂರಚನೆಯ ಹೊರತಾಗಿ ಸ್ಮರ್ಟ್‍ಫೋನ್ ಬೆಲೆ, ಕ್ಯಾಮೆರಾ ಸೆಟ್‍ಅಪ್, ವಿನ್ಯಾಸ ಮತ್ತು ವಿವಿಧ ಬಣ್ಣಗಳಲ್ಲಿ ಲಭ್ಯವಿದೆ. Vivo Y100i 5G ಡ್ಯುಯಲ್ ಕ್ಯಾಮೆರಾ ಸೆಟಪ್ ಹೊಂದಿರುತ್ತದೆ. ಆದರೆ ಬ್ರ್ಯಾಂಡ್ ಇಲ್ಲಿಯವರೆಗೆ ಯಾವುದೇ ಹೆಚ್ಚಿನ ಮಾಹಿತಿಯನ್ನು ಹಂಚಿಕೊಂಡಿಲ್ಲ. ಈ ಸಾಧನದ ಸಂಪೂರ್ಣ ವಿಶೇಷಣಗಳನ್ನು ತಿಳಿಯಲು ನಾವು ನವೆಂಬರ್ 28ರವರೆಗೆ ಕಾಯಬೇಕಾಗಿದೆ.

Vivo Y100i 5G ಮೂಲತಃ Vivo Y78 T1ನ ರೀಬ್ರಾಂಡೆಡ್ ಆವೃತ್ತಿಯಾಗಿದೆ ಎಂದು ಹಲವು ವರದಿಗಳು ಹೇಳಿಕೊಂಡಿವೆ. ಇದು ನಿಜವಾದರೆ Vivo Y100i 5Gನ್ನು MediaTek ಡೈಮೆನ್ಸಿಟಿ 6020 ಚಿಪ್‌ಸೆಟ್‌ನಿಂದ ನಿಯಂತ್ರಿಸಲಾಗುತ್ತದೆ. ಇದು 6.64-ಇಂಚಿನ LCD ಡಿಸ್ಪ್ಲೇ ಜೊತೆಗೆ FHD+ (2388 x 1080 ಪಿಕ್ಸೆಲ್‌ಗಳು) ರೆಸಲ್ಯೂಶನ್ ಮತ್ತು 240Hz ಟಚ್ ಸ್ಯಾಂಪ್ಲಿಂಗ್ ದರವನ್ನು ಹೊಂದಿರುತ್ತದೆ.

ಈ ಸಾಧನವು 50MP + 2MP AI ಡ್ಯುಯಲ್ ರಿಯರ್ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿರುತ್ತದೆ. ಇದು ಮುಂಭಾಗದಲ್ಲಿ 8MP ಸೆಲ್ಫಿ ಕ್ಯಾಮೆರಾವನ್ನು ಹೊಂದಿರುತ್ತದೆ. Vivo Y100i 5G 44W ವೇಗದ ಚಾರ್ಜಿಂಗ್ ಅನ್ನು ಬೆಂಬಲಿಸುವ ದೊಡ್ಡ 5000mAh ಬ್ಯಾಟರಿಯನ್ನು ಹೊಂದಿರುತ್ತದೆ. ಚಾರ್ಜ್ ಮಾಡದೆಯೇ ಇಡೀದಿನ ಈ ಬ್ಯಾಟರಿ ನಿಮಗೆ ಸಹಾಯ ಮಾಡುತ್ತದೆ. Vivo Y100i 5G 7.98mm ದಪ್ಪ ಮತ್ತು ಸುಮಾರು 190 ಗ್ರಾಂ ತೂಗುತ್ತದೆ. ಇದು ಹಗುರವಾದ ಮತ್ತು ಆರಾಮದಾಯಕ ಫೋನ್ ಮಾಡುತ್ತದೆ.

Vivo Y100i 5G ನೀಲಿ ಮತ್ತು ಗುಲಾಬಿ ಎರಡು ಬಣ್ಣಗಳಲ್ಲಿ ಬರುತ್ತದೆ. ಇದರ ಬೆಲೆ 1,599 ಯುವಾನ್ (ಸುಮಾರು 18 ಸಾವಿರ ರೂ.) ಆಗಿದೆ. ಇದರ ಮೊದಲ ಮಾರಾಟವು ನವೆಂಬರ್ 28ರಿಂದ ಪ್ರಾರಂಭವಾಗಲಿದೆ.