ಬಿಗ್‌ ಬಾಸ್‌ ಮನೆಯಲ್ಲಿ ಮಸ್ತ್‌ ಆಗಿ ಆಡುತ್ತಿರುವ ಹನುಮಂತ್‌ ಗರ್ಲ್‌ಫ್ರೆಂಡ್‌ ಯಾರು ಗೊತ್ತಾ? ಕಿಚ್ಚನ ಮುಂದೆಯೇ ಫೋಟೋ ಸಮೇತ ಹೆಸರು ರಿವೀಲ್‌ ಮಾಡಿದ ಹಳ್ಳಿಹೈದ
ಬಿಗ್‌ ಬಾಸ್‌ ಮನೆಗೆ ವೈಲ್ಡ್‌ ಕಾರ್ಡ್‌ ಮೂಲಕ ಎಂಟ್ರಿಯಾಗಿ ಭರ್ಜರಿಯಾಗಿ ಆಡುತ್ತಿರುವ ಹನುಮಂತ್‌, ಎಲ್ಲರ ಫೇವರೇಟ್‌ ಕಂಟೆಸ್ಟೆಂಟ್‌ ಆಗಿದ್ದಾರೆ. ಇನ್ನೊಂದೆಡೆ ಇವರು ದೊಡ್ಮನೆಯಲ್ಲಿ ಸ್ವಲ್ಪವೂ ಹಿಂಜರಿಕೆಯಿಲ್ಲದೆ ಹೂಸು ಬಿಡುತ್ತಿದ್ದು, ಈ ಹಿಂದೊಮ್ಮೆ ಕಿಚ್ಚ ತಮ್ಮ ಪಂಚಾಯ್ತಿಯಲ್ಲಿ ಈ ವಿಚಾರದ ಬಗ್ಗೆಯೂ ಪ್ರಸ್ತಾಪ ಮಾಡುವಂತಾಗಿತ್ತು.
ಈ ವಿಚಾರದಿಂದಲೇ ತಮಾಷೆಗೀಡಾಗುತ್ತಿದ್ದ ಹನುಮಂತ್‌, ತಮ್ಮ ಚಾಣಾಕ್ಷತನದಿಂದ ಜನರ ಮನಸ್ಸನ್ನು ಕೂಡ ಗೆದ್ದಿದ್ದಾರೆ. ಇನ್ನೊಂದೆಡೆ ಕಳೆದ ವಾರ ದೊಡ್ಮನೆಯ ಕ್ಯಾಪ್ಟನ್‌ ಕೂಡ ಆಗಿದ್ದರು.
ಪಕ್ಕಾ ಹಳ್ಳಿ ಸೊಗಡಿನಲ್ಲೇ ಜೀವನ ನಡೆಸುತ್ತಿರುವ ಹನುಮಂತ್‌ ಅವರಿಗೆ ಗರ್ಲ್‌ಫ್ರೆಂಡ್‌ ಇದ್ದಾರಂತೆ. ಸ್ವತಃ ಅವರೇ ಈ ಬಗ್ಗೆ ಗೌತಮಿ ಮುಂದೆ ಹೇಳಿಕೊಂಡಿದ್ದರು. ಅಷ್ಟೇ ಅಲ್ಲದೆ, ಕಳೆದ ದಿನ ಬಾದ್‌ ಷಾ ಕಿಚ್ಚನ ಜೊತೆ ವಾರದ ಕಥೆಯಲ್ಲೂ ಮಾತನಾಡಿದ್ದರು.
ಒಂದೆರಡು ದಿನಗಳ ಹಿಂದೆ ಕಾಡಿಸಿ ಪೀಡಿಸಿ, ಹನುಮಂತು ಅವರ ಪ್ರೇಯಸಿ ಹೆಸರು ಹೇಳುವಂತೆ ಕೇಳಿಕೊಂಡಿದ್ದರು ಗೌತಮಿ. ಕೊನೆಗೂ ಆಕೆ ಕಾಟ ತಪ್ಪಿಸಲು "ಪವಿತ್ರಾ ನಮ್ಮ ಪ್ರೀತಿ" ಎಂದು ಉದ್ದವಾಗಿ ಹಾಡು ಹಾಡಿದ್ದರು. ಈ ಹಾಡನ್ನು ಕೇಳಿಸಿಕೊಂಡ ನೆಟ್ಟಿಗರು ಹನುಮಂತ್‌ ಪ್ರೇಯಸಿ ಹೆಸರು ಈ ಹಾಡಿನಲ್ಲೇ ಅಡಗಿರಬೇಕು ಎಂದು ಅನುಮಾನ ವ್ಯಕ್ತಪಡಿಸಿದ್ದಾರೆ.
ಇನ್ನೊಂದೆಡೆ ಕಳೆದ ದಿನ ಕಿಚ್ಚ ಸುದೀಪ್‌ ಅವರ ಮುಂದೆಯೂ ಹನುಮಂತ್‌ ಪ್ರೇಯಸಿ ಬಗ್ಗೆ ಚರ್ಚೆ ನಡೆದಿತ್ತು. ಆಕೆ ಚಿತ್ರ ಬಿಡಿಸುವಂತೆ ಗೋಲ್ಡ್‌ ಸುರೇಶ್‌ ಮತ್ತು ಗೌತಮಿ ಅವರಿಗೆ ಕಿಚ್ಚ ಸೂಚಿಸಿದ್ದರು. ಅದೇ ವೇಳೆ ಆಕೆ ಬಗ್ಗೆ ವರ್ಣನೆ ಮಾಡುವಂತೆ ಕಿಚ್ಚ ಹೇಳಿದ್ದರು.
ಅಂತೆಯೇ ಹನುಮಂತು ತಮ್ಮ ಹುಡುಗಿ ಬಗ್ಗೆ ವರ್ಣನೆ ಮಾಡಿದರೆ, ಗೋಲ್ಡ್‌ ಸುರೇಶ್‌ ಮತ್ತು ಗೌತಮಿ ತಮಗೆ ತೋಚಿದಂತೆ ಚಿತ್ರ ಬರೆದಿದ್ದರು. ಇದನ್ನು ಕಂಡ ಮನೆಮಂದಿಯೆಲ್ಲಾ ಕಿಚ್ಚ ಸುದೀಪ್‌ ಸೇರಿದಂತೆ ಜೋರಾಗಿ ನಕ್ಕಿದ್ದಾರೆ. ಒಟ್ಟಾರೆಯಾಗಿ ಕಳೆದ ದಿನದ ಬಿಗ್‌ ಬಾಸ್‌ ಎಪಿಸೋಡ್‌ ಸಖತ್‌ ಮನರಂಜನೆ ನೀಡಿದ್ದಂತು ಸುಳ್ಳಲ್ಲ.