World Most Expensive Shoes: ಇವೇ ನೋಡಿ ವಿಶ್ವದ ಅತ್ಯಂತ ದುಬಾರಿ ಶೂಗಳು, ಬೆಲೆ ಎಷ್ಟು ಗೊತ್ತಾ?

ಘನ ಚಿನ್ನದ OVO x ಏರ್ ಜೋರ್ಡಾನ್ಸ್ ಶೂಗಳ ಬೆಲೆ $2 ಮಿಲಿಯನ್ (ಸುಮಾರು 16 ಕೋಟಿ ರೂ.). ಈ ಶೂಗಳು ಅಮೇರಿಕನ್ ಪಾಪ್ ತಾರೆ ಡ್ರೇಕ್ ಒಡೆತನದಲ್ಲಿದೆ.

ಇವು 2008ರ ಗ್ರ್ಯಾಮಿ ಪ್ರಶಸ್ತಿಗಳಲ್ಲಿ ಕಾನ್ಯೆ ವೆಸ್ಟ್ (USA) ಧರಿಸಿದ ನೈಕ್ ಏರ್ ಯೀಜಿ ಮಾದರಿ ಶೂಗಳು. ಈ ಜೋಡಿ ಶೂಗಳನ್ನು 2021ರ ಏಪ್ರಿಲ್ 26ರಂದು 1.8 ಮಿಲಿಯನ್ ಅಮೆರಿಕನ್ ಡಾಲರ್ (ಸುಮಾರು14.76 ಕೋಟಿ ರೂ.)ಗೆ ಮಾರಾಟ ಮಾಡಲಾಯಿತು.

ಮೈಕ್ ಜೋರ್ಡಾನ್ ಅವರ ಸ್ನೀಕರ್ಸ್ 1.47 ಮಿಲಿಯನ್ ಅಮೆರಿಕನ್ ಡಾಲರ್ (ಸುಮಾರು 12 ಕೋಟಿ)ಗೆ ಮಾರಾಟವಾಗಿದೆ. ಈ ಬೂಟುಗಳನ್ನು ಹರಾಜಿನ ಸಮಯದಲ್ಲಿ ಮಾರಾಟ ಮಾಡಲಾಗಿದೆ. 2021ರ ಅಕ್ಟೋಬರ್ 24ರಂದು ಲಾಸ್ ವೇಗಾಸ್‌ನಲ್ಲಿರುವ ಸೋಥೆಬೈಸ್‌ನಲ್ಲಿ ಮೈಕ್ ಜೋರ್ಡಾನ್ ಅವರ ಸ್ನೀಕರ್‌ಗಳಿಗಾಗಿ ಕಲೆಕ್ಟರ್ ನಿಕ್ ಫಿಯೊರೆಲ್ಲಾ $1.47 ಮಿಲಿಯನ್ ಪಾವತಿಸಿದ್ದಾರೆ.

1985ರಲ್ಲಿ ಕ್ರೀಡಾ ಪ್ರದರ್ಶನದ ಸಂದರ್ಭದಲ್ಲಿ ಚಿಕಾಗೋ ಬುಲ್ಸ್ ತಾರೆ ಧರಿಸಿದ್ದ ಬೂಟುಗಳನ್ನು 'ಅಪರೂಪದಲ್ಲಿಯೇ ಅಪರೂಪ'ವೆಂದು ಹೆಸರಿಸಲಾಗಿದೆ. ಈ ಬೂಟುಗಳನ್ನು ಆಗಸ್ಟ್ 2020ರಲ್ಲಿ ಆನ್‌ಲೈನ್ ಹರಾಜಿನಲ್ಲಿ $615,000 (ಸುಮಾರು 5 ಕೋಟಿ ರೂ)ಗೆ ಮಾರಾಟ ಮಾಡಲಾಗಿದೆ.

ನೈಕ್ ಏರ್ ಜೋರ್ಡಾನ್ 1ನ್ನು 2020ರಲ್ಲಿ ನ್ಯೂಯಾರ್ಕ್‌ನಲ್ಲಿ ಸೋಥೆಬೈಸ್ ಹರಾಜಿನಲ್ಲಿ $0.5 ಮಿಲಿಯನ್‌ಗೆ ಮಾರಾಟ ಮಾಡಿತು. ಜೋರ್ಡಾನ್ ಸಹಿ ಮಾಡಿದ ಈ ಸ್ನೀಕರ್ಸ್ ಅನ್ನು 1985ರ ಆಟದಲ್ಲಿ ಧರಿಸಲಾಗಿತ್ತು.

ಮೈಕೆಲ್ ಜೋರ್ಡಾನ್ ಅವರ ಏರ್ ಜೋರ್ಡಾನ್ 11 'ಸ್ಪೇಸ್ ಜಾಮ್'ನ ಶೂ ಮಾದರಿಯನ್ನು ಸೋಥೆಬೈಸ್ ಜುಲೈ 2021ರಲ್ಲಿ $176,400ಗೆ ಹರಾಜಿನಲ್ಲಿ ಮಾರಾಟ ಮಾಡಿದೆ. 1996ರ ಚಲನಚಿತ್ರ ‘ಸ್ಪೇಸ್ ಜಾಮ್‌’ನಲ್ಲಿ ಮೈಕೆಲ್ ಜೋರ್ಡಾನ್ ಧರಿಸಲು ಈ ಸ್ನೀಕರ್‌ಗಳನ್ನು ತಯಾರಿಸಲಾಗಿತ್ತು.