Ramayan Updates: ಯಶ್ ಸಂಭಾವನೆಯಲ್ಲಿ 4 ಪಟ್ಟು ಹೆಚ್ಚಳ! ಬಾಲಿವುಡ್ ನಟರನ್ನೇ ಮೀರಿಸಿದ ರಾಕಿಂಗ್‌ ಸ್ಟಾರ್‌ ಮುಂದಿನ ಚಿತ್ರಕ್ಕೆ ಪಡೆಯುತ್ತಿರುವ ಹಣವೆಷ್ಟು?
'ರಾಮಾಯಣ' ಸಿನಿಮಾದಲ್ಲಿ ಯಶ್ ರಾವಣನ ಪಾತ್ರದಲ್ಲಿ ನಟಿಸಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಈ ಚಿತ್ರಕ್ಕಾಗಿ ಯಶ್ ಭಾರೀ ಸಂಭಾವನೆ ಪಡೆಯುತ್ತಿದ್ದಾರೆ ಎನ್ನಲಾಗಿದೆ.
ಕೆಜಿಎಫ್ ಚಾಪ್ಟರ್‌ 1 ಮತ್ತು ಕೆಜಿಎಫ್ ಚಾಪ್ಟರ್‌ 2 ನಂತರ ಯಶ್ ತಮ್ಮ ಸಂಭಾವನೆಯನ್ನು ಹೆಚ್ಚಿಸಿದ್ದಾರೆ ಎನ್ನಲಾಗಿದೆ. ತಮ್ಮ ಶುಲ್ಕವನ್ನು 4 ಪಟ್ಟು ಹೆಚ್ಚಿಸಿಕೊಂಡಿದ್ದಾರೆ ಎಂದು ಹೇಳಲಾಗ್ತಿದೆ.
ನಿತೇಶ್ ತಿವಾರಿ ಅವರ ರಾಮಾಯಣದ ರಾವಣನ ಪಾತ್ರಕ್ಕಾಗಿ ಯಶ್ ಸಂಭಾವನೆ ತಿಳಿದು ಅನೇಕರು ಅಚ್ಚರಿ ಪಟ್ಟಿದ್ದಾರೆ. ಕೆಜಿಎಫ್ 2 ಸಿನಿಮಾಗೆ ಯಶ್ 30 ಕೋಟಿ ರೂಪಾಯಿ ಸಂಭಾಚನೆ ಪಡೆದಿದ್ದರು. ಈಗ ಯಶ್ ಸಂಭಾವನೆ ನಾಲ್ಕು ಪಟ್ಟ ಏರಿದೆ.
‘ರಾಮಾಯಾಣ’ ಸಿನಿಮಾಗೆ ಯಶ್ ಸಂಭಾವನೆ ವಿಚಾರ ನಿಜವೇ ಆದರೆ, ಕನ್ನಡದಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆದ ನಟ ಎಂಬ ಖ್ಯಾತಿ ರಾಕಿಭಾಯ್‌ ಪಾಲಾಗಲಿದೆ.
ರಾಮಾಯಣ ಸಿನಿಮಾ ಮೂರು ಸರಣಿಗಳಲ್ಲಿ ಬರಲಿದೆ ಎನ್ನಲಾಗಿದೆ. ಮೂರು ಸರಣಿಗಳಿಂದ ಯಶ್ 150 ಕೋಟಿ ರೂಪಾಯಿ ಬೇಡಿಕೆ ಇಟ್ಟಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿದೆ.
ಯಶ್ ಸದ್ಯ ‘ಟಾಕ್ಸಿಕ್’ ಸಿನಿಮಾ ಕೆಲಸಗಳಲ್ಲಿ ತೊಡಗಿದ್ದಾರೆ. ಮಲಯಾಳಂನ ಗೀತು ಮೋಹನ್ ದಾಸ್ ಟಾಕ್ಸಿಕ್ ಸಿನಿಮಾ ನಿರ್ದೇಶನ ಮಾಡುತ್ತಿದ್ದಾರೆ.