ನೀವು ಲಕ್ಷ್ಮಿದೇವಿ ಮತ್ತು ಗಣೇಶನನ್ನು ಒಟ್ಟಿಗೆ ಪೂಜಿಸುತ್ತೀರಾ..? ಕೂಡಲೇ ಈ ನಿಯಮ ತಿಳಿಯಿರಿ

ನವದೆಹಲಿ: ಸನಾತನ ಧರ್ಮದಲ್ಲಿ ತಾಯಿ ಲಕ್ಷ್ಮಿದೇವಿ ಮತ್ತು ಭಗವಾನ್ ಗಣೇಶನ ವಿಗ್ರಹಗಳನ್ನು ಮನೆಯ ಪೂಜಾ ಕೋಣೆಯಲ್ಲಿ ಸ್ಥಾಪಿಸುವುದು ಮಂಗಳಕರವೆಂದು ಪರಿಗಣಿಸಲಾಗಿದೆ. ಪೂಜಾ ಮನೆಯಲ್ಲಿ ಇಬ್ಬರ ವಿಗ್ರಹವನ್ನು ಇಡುವುದರಿಂದ ಮನೆಯಲ್ಲಿ ಯಾವುದೇ ದುಷ್ಟ ಶಕ್ತಿಗಳ ಪ್ರಭಾವವಿರುವುದಿಲ್ಲ ಮತ್ತು ಕುಟುಂಬದಲ್ಲಿ ಸಂತೋಷ ಮತ್ತು ಸಮೃದ್ಧಿ ಇರುತ್ತದೆ ಎಂದು ನಂಬಲಾಗಿದೆ.

ಲಕ್ಷ್ಮಿ ಮತ್ತು ಗಣೇಶನ ವಿಗ್ರಹಗಳನ್ನು ಪೂಜಾ ಕೋಣೆಯಲ್ಲಿ ಇರಿಸಲು ವಿಶೇಷ ನಿಯಮಗಳಿವೆ. ಆ ನಿಮಯಗಳ ಬಗ್ಗೆ ತಿಳಿದುಕೊಳ್ಳುವುದು ಬಹಳ ಮುಖ್ಯ. ಆ ನಿಯಮಗಳನ್ನು ಪಾಲಿಸದೆ ವಿಗ್ರಹ ಪ್ರತಿಷ್ಠಾಪಿಸಿದರೆ ನಿಮ್ಮ ಕುಟುಂಬಕ್ಕೆ ತೊಂದರೆ ಬರಬಹುದು. ಇದರಿಂದ ನೀವು ಬಡವರಾಗಬಹದು, ನಿಮ್ಮ ಪ್ರತಿಷ್ಠೆ ಸಹ ಕಡಿಮೆಯಾಗಬಹುದು. ಆ ವಿಶೇಷ ನಿಯಮಗಳು ಯಾವುವು ಎಂದು ತಿಳಿಯಿರಿ.

ಭಗವಾನ್ ವಿಷ್ಣು ಜೊತೆ ತಾಯಿ ಲಕ್ಷ್ಮಿದೇವಿ ಇರಬೇಕು 

ಶಾಸ್ತ್ರಗಳ ಪ್ರಕಾರ ದೀಪಾವಳಿಯಂದು ಹೊರತುಪಡಿಸಿ ಗಣೇಶ ಮತ್ತು ತಾಯಿ ಲಕ್ಷ್ಮಿದೇವಿಯ ವಿಗ್ರಹವನ್ನು ಒಟ್ಟಿಗೆ ಪೂಜಿಸಬಾರದು. ವಾಸ್ತವವಾಗಿ ತಾಯಿ ಲಕ್ಷ್ಮಿಯು ಭಗವಾನ್ ವಿಷ್ಣುವಿನ ಪತ್ನಿ. ಆದ್ದರಿಂದ ಲಕ್ಷ್ಮಿದೇವಿಯನ್ನು ಯಾವಾಗಲೂ ವಿಷ್ಣುವಿನೊಂದಿಗೆ ಪೂಜಿಸಬೇಕು. ಮನೆಯ ಪೂಜಾಮಂದಿರದಲ್ಲಿ ವಿಷ್ಣು ಮತ್ತು ತಾಯಿ ಲಕ್ಷ್ಮಿಯ ಜೋಡಿಯ ವಿಗ್ರಹವನ್ನು ಮಾತ್ರ ಪ್ರತಿಷ್ಠಾಪಿಸಬೇಕು. ಹೀಗೆ ಮಾಡದಿದ್ದರೆ ದುರಾದೃಷ್ಟಕ್ಕೆ ಕಾರಣವಾಗುತ್ತದೆ. ಹೀಗಾಗಿ ಅಪ್ಪಿತಪ್ಪಿಯೂ ಈ ತಪ್ಪನ್ನು ಮಾಡಬಾರದು.

ಇದನ್ನೂ ಓದಿ: Friday Remedies : ಮನೆಯ ಆರ್ಥಿಕ ಸಮಸ್ಯೆಗೆ ಇಂದೆ ಈ ಕೆಲಸ ಮಾಡಿ, ಶೀಘ್ರದಲ್ಲೇ ಶ್ರೀಮಂತರಾಗುತ್ತೀರಿ!

ವಿಗ್ರಹಗಳ ನಿರ್ದೇಶನಗಳನ್ನು ನೆನಪಿನಲ್ಲಿಡಿ

ಮನೆಯ ದೇವಸ್ಥಾನದಲ್ಲಿ ಲಕ್ಷ್ಮಿದೇವಿ ಮತ್ತು ಗಣೇಶನ ವಿಗ್ರಹಗಳನ್ನು ಪ್ರತಿಷ್ಠಾಪಿಸುವಾಗ ನಿರ್ದೇಶನಗಳನ್ನು ನೋಡಿಕೊಳ್ಳುವುದು ಬಹಳ ಮುಖ್ಯ. ಮಾತಾ ಲಕ್ಷ್ಮಿದೇವಿಯ ವಿಗ್ರಹವನ್ನು ಗಣೇಶನ ಎಡಭಾಗದಲ್ಲಿ ಇಡಬಾರದು. ವಾಸ್ತವವಾಗಿ ಎಡಕ್ಕೆ ಇರುವ ದಿಕ್ಕನ್ನು ಹೆಂಡತಿಯದ್ದು ಎಂದು ಪರಿಗಣಿಸಲಾಗುತ್ತದೆ. ಆದರೆ ಲಕ್ಷ್ಮಿದೇವಿಯು ಗಣೇಶನಿಗೆ ತಾಯಿಯಂತೆ. ಹೀಗಾಗಿ ಇಂತಹ ತಪ್ಪನ್ನು ಎಂದಿಗೂ ಮಾಡಬೇಡಿ.

ಪ್ರತಿಮೆ ಸ್ಥಾಪನೆಯಲ್ಲಿ ಈ ನಿಯಮ ಅನುಸರಿಸಿ

ಮನೆಯಲ್ಲಿರುವ ಲಕ್ಷ್ಮಿದೇವಿಯ ವಿಗ್ರಹವು ಯಾವಾಗಲೂ ಉತ್ತರ ದಿಕ್ಕಿಗೆ ಮುಖ ಮಾಡಿರಬೇಕು ಎಂಬುದನ್ನು ನೆನಪಿನಲ್ಲಿಡಿ. ಒಂದು ಕೈಯಲ್ಲಿ ಕಮಲ ಹಿಡಿದು ಕುಳಿತಿರುವಾಗ ಲಕ್ಷ್ಮಿದೇವಿ ಸಂಪತ್ತನ್ನು ಸುರಿಸುತ್ತಿರುವ ವಿಗ್ರಹವನ್ನೇ ಮನೆಯಲ್ಲಿಡಬೇಕು. ಮನೆಯಲ್ಲಿ ಗೂಬೆಯ ಮೇಲೆ ಕುಳಿತಿರುವ ಲಕ್ಷ್ಮಿ ದೇವಿಯ ವಿಗ್ರಹವನ್ನು ಎಂದಿಗೂ ಸ್ಥಾಪಿಸಬಾರದು. ಹಾಗೆಯೇ ಲಕ್ಷ್ಮಿ ದೇವಿಯ ವಿಗ್ರಹವನ್ನು ಗೋಡೆಯ ಪಕ್ಕದಲ್ಲಿ ಇಡಬಾರದು ಎಂಬುದನ್ನು ನೆನಪಿನಲ್ಲಿಡಿ.

ಇದನ್ನೂ ಓದಿ: ಈ ರಾಶಿಯವರು ತಮ್ಮ ಪರಿಶ್ರಮದಿಂದ ಯಶಸ್ಸಿನ ಉತ್ತುಂಗಕ್ಕೆ ಏರುತ್ತಾರೆ

ಅಲಂಕಾರಕ್ಕೆ ಗಣೇಶ ಮೂರ್ತಿ ಬಳಸಬೇಡಿ

ನೀವು ಮನೆಯಲ್ಲಿ ಗಣೇಶನ ವಿಗ್ರಹವನ್ನು ತರುತ್ತಿದ್ದರೆ, ಅದರ ಗಾತ್ರವು ಯಾವುದೇ ಸಂದರ್ಭದಲ್ಲಿ ಒಂದು ಅಡಿಗಿಂತ ಹೆಚ್ಚು ಇರಬಾರದು. ಗಣೇಶನ ವಿಗ್ರಹವು ಅವನ ಸೊಂಡಿಲು ಎಡಕ್ಕೆ ತಿರುಗುವಂತೆ ಕಾಣುವಂತೆ ಇರಬೇಕು. ದೊಡ್ಡ ಗಾತ್ರದ ವಿನಾಯಕನ ವಿಗ್ರಹವನ್ನು ಮನೆಯಲ್ಲಿ ಪ್ರತಿಷ್ಠಾಪಿಸಬಾರದು. ಗಣೇಶನ ವಿಗ್ರಹವನ್ನು ಅಲಂಕಾರಕ್ಕಾಗಿ ಬಳಸಲಾಗುವುದಿಲ್ಲ ಮತ್ತು ಪೂಜಾ ಕೋಣೆಯನ್ನು ಹೊರತುಪಡಿಸಿ ಮನೆಯ ಕೋಣೆ ಅಥವಾ ಇತರ ಯಾವುದೇ ಕೋಣೆಯಲ್ಲಿ ಇಡಬಾರದು ಎಂಬುದನ್ನು ಸಹ ನೀವು ನೆನಪಿನಲ್ಲಿಡಬೇಕು.