ದೀಪಾವಳಿಗೂ ಮುನ್ನಾ ದಿನ ಈ ವಸ್ತುಗಳು ಕಣ್ಣಿಗೆ ಬಿದ್ದರೆ ಧನಲಕ್ಷ್ಮೀ ಬಾಳು ಪ್ರವೇಶಿಸುತ್ತಾಳೆ ಎಂದರ್ಥ

Dhanatrayodashi 2023 Lucky Things : ಹಿಂದೂ ಧರ್ಮದಲ್ಲಿ  ದೀಪಾವಳಿಗೂ ಮುನ್ನಾ ದಿನ ಅಂದರೆ ಧನತ್ರಯೋದಶಿಗೆ  ವಿಶೇಷ ಮಹತ್ವ ಇದೆ. ಈ ದಿನದಂದು, ಜನರು ಲಕ್ಷ್ಮಿ ದೇವಿಯ ವಿಶೇಷ ಆಶೀರ್ವಾದವನ್ನು ಪಡೆಯಲು ಅನೇಕ ಹೊಸ ವಸ್ತುಗಳನ್ನು ಖರೀದಿಸುತ್ತಾರೆ.  ಇದರಿಂದ ಮನೆಯಲ್ಲಿ ಸುಖ ಸಮೃದ್ಧಿ ನೆಲೆಯಾಗುತ್ತದೆ ಮಾತ್ರವಲ್ಲ ಕುಬೇರನ ಆಶೀರ್ವಾದವೂ ಸಿಗುತ್ತದೆ ಎಂದು ಹೇಳಲಾಗುತ್ತದೆ. 

ಕಾರ್ತಿಕ ಮಾಸದ ಕೃಷ್ಣ ಪಕ್ಷದ ತ್ರಯೋದಶಿಯಂದು ಆಚರಿಸಲಾಗುವ ಧನತ್ರಯೋದಶಿಯನ್ನು ಈ ವರ್ಷ ನವೆಂಬರ್ 10 ರಂದು ಆಚರಿಸಲಾಗುತ್ತದೆ. ಜ್ಯೋತಿಷ್ಯದ ಪ್ರಕಾರ, ಈ ದಿನ ಹೊಸ ವಸ್ತುಗಳನ್ನು ಖರೀದಿಸುವುದು ಮಂಗಳಕರ. ಇದಲ್ಲದೆ, ಧನತ್ರಯೋದಶಿ ದಿನದಂದು ಕೆಲವೊಂದು ವಸ್ತುಗಳು ಕಣ್ಣಿಗೆ ಬೀಳುವುದು ಕೂಡಾ ಶುಭ ಎನ್ನಲಾಗಿದೆ. ಈ ವಸ್ತುಗಳು ಕಣ್ಣಿಗೆ ಬೀಳುವ ಮೂಲಕ ಜೀವನದಲ್ಲಿ ಲಕ್ಷ್ಮೀ ದೇವಿಯ ಪ್ರವೇಶವಾಗುತ್ತಿದೆ ಎನ್ನುವ ಸೂಚನೆ ಸಿಕ್ಕಂತೆ ಎಂದು ಹೇಳಲಾಗುತ್ತದೆ.

ಇದನ್ನೂ ಓದಿ : Mercury Rise: ದೀಪಾವಳಿಯ ಮರುದಿನವೇ ಖುಲಾಯಿಸಲಿದೆ ಈ ರಾಶಿಯವರ ಅದೃಷ್ಟ, ಬೆಳಗಲಿದೆ ಭಾಗ್ಯ

ಧನತ್ರಯೋದಶಿ ದಿನದಂದು ಯಾವ ವಸ್ತುಗಳನ್ನು ನೋಡಿದರೆ ಶುಭ : 
ತೃತೀಯ ಲಿಂಗಿಗಳು ಕಂಡರೆ  : 
ಧನತ್ರಯೋದಶಿ ದಿನದಂದು ತೃತೀಯ ಲಿಂಗಿಗಳು ಕಣ್ಣಿಗೆ ಬಿದ್ದರೆ ಅದು ಶುಭ ಮಾತ್ರವಲ್ಲ, ಅವರ ಕೈಗೆ ಆ ದಿನ ಮನಸಾರೆ ಕೆಲವು ನಾಣ್ಯಗಳನ್ನು ನೀಡಿದರೆ ನಿಮ್ಮ ಜೀವನದಲ್ಲಿ ಎಂದಿಗೂ ಹಣದ ಕೊರತೆ ಕಾಡುವುದಿಲ್ಲ ಎನ್ನಲಾಗುತ್ತದೆ. 

ಹಲ್ಲಿ  ಕಂಡರೆ : 
ಶಾಸ್ತ್ರಗಳ ಪ್ರಕಾರ, ಹಲ್ಲಿಯು ತಾಯಿ ಲಕ್ಷ್ಮೀಯ  ಸಂಕೇತವಾಗಿದೆ. ಆದ್ದರಿಂದ  ಧನತ್ರಯೋದಶಿ  ದಿನದಂದು ಹಳ್ಳಿ ಕಣ್ಣಿಗೆ ಬಿದ್ದರೆ ನಿಮ್ಮ ಜೀವನದಲ್ಲಿ ಲಕ್ಷ್ಮೀ ದೇವಿಯ ಆಗಮನವಾಗಿದೆ ಎನ್ನುವುದನ್ನು ಸೂಚಿಸುತ್ತದೆ. 

ಗೂಬೆ ಕಣ್ಣಿಗೆ ಬಿದ್ದರೆ :  
ಧನತ್ರಯೋದಶಿ ದಿನದಂದು ಗೂಬೆ ಕಂಡರೆ ಶುಭ. ಗೂಬೆಯು ಲಕ್ಷ್ಮಿ ದೇವಿಯ ವಾಹನವಾಗಿದೆ. ಇಂತಹ ಪರಿಸ್ಥಿತಿಯಲ್ಲಿ ಗೂಬೆಯನ್ನು ನೋಡುವುದು ಲಕ್ಷ್ಮಿ ದೇವಿಯ ಆಗಮನದ ಸಂದೇಶವನ್ನು ನೀಡುತ್ತದೆ.

ಇದನ್ನೂ ಓದಿ : ಕೇಂದ್ರ ತ್ರಿಕೋನ ರಾಜಯೋಗ.. 100 ವರ್ಷ ಬಳಿಕ ಈ 3 ರಾಶಿಗೆ ಅದೃಷ್ಟ, ಪಾಪ ಕಳೆದು ಸೌಭಾಗ್ಯ ನೀಡುವ ಶನಿ !

ಬಿಳಿ ಬೆಕ್ಕು : 
ಧನತ್ರಯೋದಶಿ ದಿನ ಬಿಳಿ ಬೆಕ್ಕು ಕಾಣಿಸಿಕೊಂಡರೆ, ಬಾಕಿ ಉಳಿದಿರುವ ಎಲ್ಲಾ ಕೆಲಸಗಳು ಪೂರ್ಣಗೊಳ್ಳಲಿವೆ ಎಂದರ್ಥ. 

ರಸ್ತೆಯಲ್ಲಿ ಬಿದ್ದಿರುವ ನಾಣ್ಯ : 
ಒಬ್ಬ ವ್ಯಕ್ತಿಯು ರಸ್ತೆಯ ಮೇಲೆ ಬಿದ್ದಿರುವ ನಾಣ್ಯಗಳನ್ನು ನೋಡಿದರೆ, ಅದು  ಮಂಗಳಕರ. ನಾಣ್ಯಗಳು ಲಕ್ಷ್ಮೀ ದೇವಿಯ ಸಂಕೇತವಾಗಿದೆ. ವ್ಯಕ್ತಿಯು ಮುಂದಿನ ದಿನಗಳಲ್ಲಿ ಹಣವನ್ನು ಗಳಿಸುವ ಸಂಕೇತವಾಗಿದೆ.