Chandra Grahan 2023: ಅ.28ರಂದು ಈ ಸಮಯದಲ್ಲಿ ಭಾರತದಲ್ಲಿ ಚಂದ್ರಗ್ರಹಣ ಸಂಭವಿಸಲಿದೆ!

ಭಾರತದಲ್ಲಿ ಚಂದ್ರ ಗ್ರಹಣದ ದಿನಾಂಕ ಮತ್ತು ಸಮಯ: ಚಂದ್ರಗ್ರಹಣ, ಸೂರ್ಯಗ್ರಹಣ ಪ್ರಮುಖ ಖಗೋಳ ಘಟನೆಗಳು. ಆದರೆ ಹಿಂದೂ ಧರ್ಮ ಮತ್ತು ಜ್ಯೋತಿಷ್ಯದಲ್ಲಿ ಇವುಗಳನ್ನು ಬಹಳ ಮುಖ್ಯವೆಂದು ಪರಿಗಣಿಸಲಾಗುತ್ತದೆ. ಧರ್ಮದಲ್ಲಿ ಸೂರ್ಯಗ್ರಹಣ ಮತ್ತು ಚಂದ್ರಗ್ರಹಣದ ಸಮಯವನ್ನು ಶುಭ ಕಾರ್ಯಗಳಿಗೆ ಮಂಗಳಕರ ಮತ್ತು ಅಶುಭವೆಂದು ಪರಿಗಣಿಸಲಾಗುತ್ತದೆ. ಈ ಕಾರಣಕ್ಕಾಗಿಯೇ ಸೂರ್ಯಗ್ರಹಣ ಮತ್ತು ಚಂದ್ರಗ್ರಹಣದ ಸಮಯದಲ್ಲಿ ಪೂಜಾ ವಿಧಿಗಳನ್ನು ನಡೆಸಲಾಗುವುದಿಲ್ಲ ಅಥವಾ ದೇವಾಲಯಗಳ ಬಾಗಿಲುಗಳನ್ನು ತೆರೆಯಲಾಗುವುದಿಲ್ಲ.

ಗ್ರಹಣದ ಸಮಯದಲ್ಲಿ ನಿಷೇಧಿಸಿರುವ ಅನೇಕ ಕೆಲಸಗಳಿವೆ. ಇತ್ತೀಚೆಗೆ ವರ್ಷದ ಕೊನೆಯ ಸೂರ್ಯಗ್ರಹಣವು ಅ.14 ರಂದು ಸಂಭವಿಸಿತು. ಇದೀಗ ನಿಖರವಾಗಿ 15 ದಿನಗಳ ನಂತರ ವರ್ಷದ ಕೊನೆಯ ಚಂದ್ರಗ್ರಹಣ ಅ.28ರಂದು ಸಂಭವಿಸಲಿದೆ. ಈ ಚಂದ್ರಗ್ರಹಣ ಭಾರತದಲ್ಲಿ ಗೋಚರಿಸಲಿದೆ.

ಇದನ್ನೂ ಓದಿ: ನವರಾತ್ರಿಯ ವೇಳೆ ಹಸಿ ಬಾಳೆಹಣ್ಣಿನ ಬರ್ಫಿ ಸಿದ್ದಪಡಿಸಿ ರುಚಿಯ ಜೊತೆಗೆ ಶಕ್ತಿ ನಿಮ್ಮದಾಗಿಸಿಕೊಳ್ಳಿ.. 

ಈ ಸಮಯದಲ್ಲಿ ಚಂದ್ರಗ್ರಹಣ ಗೋಚರಿಸಲಿದೆ

ಶರದ್ ಪೂರ್ಣಿಮೆಯ ರಾತ್ರಿ ಸಂಭವಿಸುವ ವರ್ಷದ ಕೊನೆಯ ಚಂದ್ರಗ್ರಹಣವು ತುಂಬಾ ವಿಶೇಷವಾಗಿದೆ. ಏಕೆಂದರೆ ಶರದ್ ಪೂರ್ಣಿಮೆಯ ದಿನದಂದು ಚಂದ್ರನು ತನ್ನ 16 ಹಂತಗಳಿಂದ ತುಂಬಿರುತ್ತಾನೆ. ಈ ವರ್ಷದ ಕೊನೆಯ ಚಂದ್ರಗ್ರಹಣವು ಮೇಷ ರಾಶಿಯಲ್ಲಿ ಇರುತ್ತದೆ. ವರ್ಷದ ಕೊನೆಯ ಚಂದ್ರಗ್ರಹಣವು ಅ.28ರ ಶನಿವಾರದಂದು ಮಧ್ಯಾಹ್ನ 1:05 ರಿಂದ 2:24ರವರೆಗೆ ಇರುತ್ತದೆ. ಅಂದರೆ ಈ ಗ್ರಹಣವು 1 ಗಂಟೆ 18 ನಿಮಿಷಗಳ ಕಾಲ ಇರುತ್ತದೆ.

ಈ ಸಮಯದಲ್ಲಿ ಚಂದ್ರನು ಉದಯಿಸುತ್ತಾನೆ ಮತ್ತು ಈ ಗ್ರಹಣವು ಭಾರತದಾದ್ಯಂತ ಗೋಚರಿಸುತ್ತದೆ. ನಮ್ಮ ದೇಶದಲ್ಲಿ ಚಂದ್ರಗ್ರಹಣ ಗೋಚರಿಸುವುದರಿಂದ ಅದರ ಸೂತಕ ಕಾಲವೂ ಮಾನ್ಯವಾಗಿರುತ್ತದೆ. ಭಾರತೀಯ ಕಾಲಮಾನದ ಪ್ರಕಾರ ಚಂದ್ರಗ್ರಹಣದ ಸೂತಕವು ಸಂಜೆ 4.05ಕ್ಕೆ ಪ್ರಾರಂಭವಾಗುತ್ತದೆ.

ಇದನ್ನೂ ಓದಿ: Rahu Ketu Transit 2023: ಹತ್ತು ದಿನಗಳಲ್ಲಿ ರಾಹು-ಕೇತು ಸಂಕ್ರಮಣ, ಈ ರಾಶಿಯವರಿಗೆ ಅಪಾರ ಸಂಪತ್ತು

ಈ ದೇಶಗಳಲ್ಲೂ ಚಂದ್ರಗ್ರಹಣ ಗೋಚರಿಸಲಿದೆ

ಭಾರತವನ್ನು ಹೊರತುಪಡಿಸಿ ಈ ಗ್ರಹಣವು ಆಸ್ಟ್ರೇಲಿಯಾ, ಇಡೀ ಏಷ್ಯಾ, ಯುರೋಪ್, ಆಫ್ರಿಕಾ, ಆಗ್ನೇಯ ಅಮೆರಿಕ, ಉತ್ತರ ಅಮೆರಿಕ, ಕೆನಡಾ, ಬ್ರೆಜಿಲ್ ಮತ್ತು ಅಟ್ಲಾಂಟಿಕ್ ಸಾಗರದಲ್ಲಿ ಗೋಚರಿಸುತ್ತದೆ. ವಿಶೇಷವೆಂದರೆ ಈ ಚಂದ್ರಗ್ರಹಣ ಭಾರತದಲ್ಲಿ ಆರಂಭದಿಂದ ಕೊನೆಯವರೆಗೂ ಗೋಚರಿಸಲಿದೆ.

(ಗಮನಿಸಿರಿ: ಇಲ್ಲಿ ನೀಡಲಾದ ಮಾಹಿತಿಯು ಸಾಮಾನ್ಯ ನಂಬಿಕೆಗಳು ಮತ್ತು ಮಾಹಿತಿಯನ್ನು ಆಧರಿಸಿದೆ. ZEE NEWS ಇದನ್ನು ದೃಢಪಡಿಸುವುದಿಲ್ಲ.)