ನವರಾತ್ರಿ, ಕರ್ವಾಚೌತ್ & ದೀಪಾವಳಿ ಸೇರಿ ಅಕ್ಟೋಬರ್‌ನಲ್ಲಿ ಸಾಲು ಸಾಲು ಹಬ್ಬಗಳ ಸಂಭ್ರಮ; ಯಾವ ದಿನ ಯಾವ ಹಬ್ಬ ತಿಳಿಯಿರಿ

October 2024 Festivals Calendar: ಅಕ್ಟೋಬರ್ ತಿಂಗಳನ್ನು ಹಿಂದೂ ಧರ್ಮದಲ್ಲಿ ಬಹಳ ಮುಖ್ಯವೆಂದು ಪರಿಗಣಿಸಲಾಗಿದೆ. ಅಕ್ಟೋಬರ್ ಅನ್ನು ಹಿಂದೂ ಕ್ಯಾಲೆಂಡರ್ನಲ್ಲಿ ಅಶ್ವಿನ ತಿಂಗಳು ಎಂದು ಕರೆಯಲಾಗುತ್ತದೆ. ತಾಯಿ ದುರ್ಗಾದೇವಿ ಅಶ್ವಿನದಲ್ಲಿ ಮಾತ್ರ ಆಗಮಿಸುತ್ತಾಳೆ. ಅದೇ ರೀತಿ ಕಾರ್ತಿಕ ಮಾಸವು ಅಕ್ಟೋಬರ್‌ನಲ್ಲಿ ಪ್ರಾರಂಭವಾಗುತ್ತದೆ, ಇದು ಧಾರ್ಮಿಕ ದೃಷ್ಟಿಕೋನದಿಂದ ವಿಶೇಷ ಮಹತ್ವವನ್ನು ಹೊಂದಿದೆ. ಈ ವರ್ಷದ ಅಕ್ಟೋಬರ್‌ನಲ್ಲಿ ಅನೇಕ ದೊಡ್ಡ ಮತ್ತು ಪ್ರಮುಖ ಹಬ್ಬಗಳು ಬರಲಿವೆ. ನವರಾತ್ರಿಯ ಪವಿತ್ರ ಹಬ್ಬ ಪ್ರಾರಂಭವಾಗುವುದು ಇದೇ ತಿಂಗಳಿನಲ್ಲಿ. ಅದೇ ರೀತಿ ಕರ್ವಾ ಚೌತ್, ಶರದ್ ಪೂರ್ಣಿಮಾ, ಧನ್ತೇರಸ್ ಮತ್ತು ದೀಪಾವಳಿಯಂತಹ ಹಬ್ಬಗಳು ಬರಲಿವೆ. ಹಾಗಾದರೆ ಅಕ್ಟೋಬರ್‌ನಲ್ಲಿ ಎಲ್ಲಾ ಪ್ರಮುಖ ಹಬ್ಬಗಳು ಮತ್ತು ಉಪವಾಸಗಳ ದಿನಾಂಕಗಳು ಯಾವುವು ಎಂದು ಈಗ ತಿಳಿಯೋಣ. ಅಕ್ಟೋಬರ್ ತಿಂಗಳ ಸಂಪೂರ್ಣ ಹಬ್ಬದ ಕ್ಯಾಲೆಂಡರ್ ಇಲ್ಲಿದೆ ನೋಡಿ.

ಇದನ್ನೂ ಓದಿ: ದಸರಾ ಹಬ್ಬದಿಂದ ಈ ರಾಶಿಗಳಿಗೆ ಹಣದ ಹೊಳೆ.. ಗುರು ವಕ್ರಿಯಿಂದ ಅಪಾರ ಸಂಪತ್ತು, ಹುಡುಕಿ ಬರುತ್ತೆ ಲಕ್ಷಾಧಿಪತಿ ಭಾಗ್ಯ.. ನಿಮ್ಮ ಬದುಕನ್ನೇ ಬದಲಿಸುವುದು ನವರಾತ್ರಿ !

ಅಕ್ಟೋಬರ್ ತಿಂಗಳ ಹಬ್ಬಗಳ ಪಟ್ಟಿ

• ಸೂರ್ಯಗ್ರಹಣ, ಸರ್ವಪಿತೃ ಅಮವಾಸ್ಯೆ - 2 ಅಕ್ಟೋಬರ್ 2024

• ಶಾರದೀಯ ನವರಾತ್ರಿ, ಘಟಸ್ಥಾಪನೆ-  3 ಅಕ್ಟೋಬರ್ 2024

• ಲಲಿತಾ ಪಂಚಮಿ, ಉಪಾಂಗ ಲಲಿತಾ- 7 ಅಕ್ಟೋಬರ್ 2024

• ದುರ್ಗಾ ಮಹಾನವಮಿ ಪೂಜೆ, ದುರ್ಗಾ ಮಹಾಷ್ಟಮಿ ಪೂಜೆ- 11 ಅಕ್ಟೋಬರ್ 2024

• ವಿಜಯದಶಮಿ, ದಸರಾ, ಶಾರದೀಯ ನವರಾತ್ರಿ ಪರಣ, ದುರ್ಗಾ ವಿಸರ್ಜನೆ- 12 ಅಕ್ಟೋಬರ್ 2024

• ಪಾಪಾಂಕುಶ ಏಕಾದಶಿ- 14 ಅಕ್ಟೋಬರ್ 2024

• ಪ್ರದೋಷ ವ್ರತ (ಶುಕ್ಲ)- 15 ಅಕ್ಟೋಬರ್ 2024

• ಕೋಜಗರ ಪೂಜೆ, ಶರದ್ ಪೂರ್ಣಿಮಾ- 16 ಅಕ್ಟೋಬರ್ 2024

• ಅಶ್ವಿನ ಪೂರ್ಣಿಮಾ ವ್ರತ - 17 ಅಕ್ಟೋಬರ್ 2024 

• ಕಾರ್ತಿಕ ಮಾಸ ಪ್ರಾರಂಭ - 18 ಅಕ್ಟೋಬರ್ 2024

• ಕರ್ವಾಚೌತ್, ಕಾರ್ತಿಕ ಸಂಕಷ್ಟ ಚತುರ್ಥಿ- 20 ಅಕ್ಟೋಬರ್ 2024

• ಅಹೋಯಿ ಅಷ್ಟಮಿ- 24 ಅಕ್ಟೋಬರ್ 2024

• ರಾಮ ಏಕಾದಶಿ - 28 ಅಕ್ಟೋಬರ್ 2024

• ಧನ್ತೇರಸ್, ಪ್ರದೋಷ ವ್ರತ (ಕೃಷ್ಣ) - 29 ಅಕ್ಟೋಬರ್ 2024

• ನರಕ ಚತುರ್ದಶಿ, ಛೋಟಿ ದೀಪಾವಳಿ- 31 ಅಕ್ಟೋಬರ್ 2024

• ಮಾಸಿಕ ಶಿವರಾತ್ರಿ - 30 ಅಕ್ಟೋಬರ್ 202

ನವರಾತ್ರಿ 2024: ಶಾರದೀಯ ನವರಾತ್ರಿಯು ಅಶ್ವಿನ ಮಾಸದ ಶುಕ್ಲ ಪಕ್ಷದ ಪ್ರತಿಪದ ದಿನಾಂಕದಿಂದ ಅಂದರೆ ಅಕ್ಟೋಬರ್ 3ರಂದು ಪ್ರಾರಂಭವಾಗಿ ಅಕ್ಟೋಬರ್ 12ರಂದು ಕೊನೆಗೊಳ್ಳುತ್ತದೆ. ಅಕ್ಟೋಬರ್ 12ರಂದು ದಸರಾ ಅಂದರೆ ವಿಜಯದಶಮಿಯನ್ನು ಸಹ ಆಚರಿಸಲಾಗುತ್ತದೆ. ನವರಾತ್ರಿಯ ಮೊದಲ ದಿನ ಘಟಸ್ಥಾಪನೆ ಮಾಡಲಾಗುತ್ತದೆ. ಇಡೀ 9 ದಿನಗಳ ಕಾಲ ಭಗವತಿ ದೇವಿಯ ವಿವಿಧ ರೂಪಗಳನ್ನು ಪೂಜಿಸಲಾಗುತ್ತದೆ.

ಶರದ್ ಪೂರ್ಣಿಮಾ 2024: ಅಶ್ವಿನ ಮಾಸದ ಹುಣ್ಣಿಮೆಯನ್ನು ಶರದ್ ಪೂರ್ಣಿಮಾ ಎಂದೂ ಕರೆಯುತ್ತಾರೆ. ಈ ವರ್ಷ ಶರದ್ ಪೂರ್ಣಿಮೆ ಅಕ್ಟೋಬರ್ 16ರಂದು. ಈ ದಿನದಂದು ಚಂದ್ರನ ಬೆಳಕನ್ನು ಬಹಳ ಮುಖ್ಯವೆಂದು ಪರಿಗಣಿಸಲಾಗುತ್ತದೆ. ಶರದ್ ಪೂರ್ಣಿಮೆಯ ರಾತ್ರಿ ಹಾಲು ಮತ್ತು ಅನ್ನದಿಂದ ಖೀರ್ ಮಾಡಿ ಚಂದ್ರನ ಬೆಳಕಿನಲ್ಲಿ ಇಡುವ ಸಂಪ್ರದಾಯವಿದೆ. 

ಸೂರ್ಯಗ್ರಹಣ 2024: ವರ್ಷದ ಕೊನೆಯ ಸೂರ್ಯಗ್ರಹಣ ಅಕ್ಟೋಬರ್ 2ರಂದು ಸಂಭವಿಸಲಿದೆ. ಭಾರತದಲ್ಲಿ ಸೂರ್ಯಗ್ರಹಣವು ಗೋಚರಿಸುವುದಿಲ್ಲ, ಆದ್ದರಿಂದ ಸೂತಕ ಅವಧಿಯು ಸಹ ಮಾನ್ಯವಾಗಿರುವುದಿಲ್ಲ. ಸೂತಕ ಅವಧಿಯಲ್ಲಿ ಆಹಾರವನ್ನು ಬೇಯಿಸುವುದು ಮತ್ತು ತಿನ್ನುವುದನ್ನು ನಿಷೇಧಿಸಲಾಗಿದೆ. ಇದರೊಂದಿಗೆ ಸೂತಕ ಅವಧಿಯಲ್ಲಿ ಯಾವುದೇ ಶುಭ ಕಾರ್ಯಗಳನ್ನು ಮಾಡುವುದನ್ನು ಸಹ ನಿಷೇಧಿಸಲಾಗಿದೆ. ಸೂತಕ ಕಾಲವು ಗ್ರಹಣದೊಂದಿಗೆ ಕೊನೆಗೊಳ್ಳುತ್ತದೆ. 

ಕರ್ವಾ ಚೌತ್ 2024: ಕರ್ವಾ ಚೌತ್ ಅನ್ನು ವಿವಾಹಿತ ಮಹಿಳೆಯರ ಪ್ರಮುಖ ಹಬ್ಬವೆಂದು ಪರಿಗಣಿಸಲಾಗಿದೆ. ಈ ದಿನ ವಿವಾಹಿತ ಮಹಿಳೆಯರು ತಮ್ಮ ಗಂಡನ ದೀರ್ಘಾಯುಷ್ಯಕ್ಕಾಗಿ ತೊಟ್ಟು ನೀರು ಸೇವಿಸದೆ ಉಪವಾಸವನ್ನು ಮಾಡುತ್ತಾರೆ. ಕರ್ವಾ ಚೌತ್‌ನಲ್ಲಿ ಚಂದ್ರನಿಗೆ ವಿಶೇಷ ಮಹತ್ವವಿದೆ. ಈ ದಿನ ಉಪವಾಸ ಮಾಡುವ ಮಹಿಳೆಯರು ಚಂದ್ರನನ್ನು ನೋಡಿ ಅರ್ಘ್ಯವನ್ನು ಅರ್ಪಿಸಿದ ನಂತರವೇ ಪಾರಣ ಮಾಡುತ್ತಾರೆ. 

ದೀಪಾವಳಿ 2024: ಈ ವರ್ಷ ದೀಪಾವಳಿಯ ದಿನಾಂಕದ ಬಗ್ಗೆ ಜನರಲ್ಲಿ ಗೊಂದಲವಿದೆ. ಆದರೆ ದೀಪಾವಳಿಯ ದೊಡ್ಡ ಹಬ್ಬ ಅಂದರೆ ದೀಪಾವಳಿಯನ್ನು ನವೆಂಬರ್ 1ರಂದು ಆಚರಿಸಲಾಗುತ್ತದೆ. ಛೋಟಿ ದೀಪಾವಳಿಯನ್ನು ಅಕ್ಟೋಬರ್ 31ರಂದು ಆಚರಿಸಲಾಗುತ್ತದೆ, ಇದನ್ನು ನರಕ ಚತುರ್ದಶಿ ಎಂತಲೂ ಕರೆಯಲಾಗುತ್ತದೆ. 

ಇದನ್ನೂ ಓದಿ: ಶುಕ್ರ ದೆಸೆಯಿಂದ ಈ ರಾಶಿಯವರಿಗೆ ರಾಜಯೋಗ ! ದೀಪಾವಳಿಗೂ ಮುನ್ನವೇ ಅಷ್ಟೈಶ್ವರ್ಯ ಹೊತ್ತು ತರುವಳು ಧನಲಕ್ಷ್ಮೀ ! ಇನ್ನು ರಾಜವೈಭೋಗದ ಜೀವನ ನಿಮ್ಮದು

(ಗಮನಿಸಿರಿ: ಇಲ್ಲಿ ನೀಡಲಾದ ಮಾಹಿತಿಯು ಧಾರ್ಮಿಕ ನಂಬಿಕೆ ಮತ್ತು ಜಾನಪದ ನಂಬಿಕೆಗಳನ್ನು ಆಧರಿಸಿದೆ. ಇದಕ್ಕೆ ಯಾವುದೇ ವೈಜ್ಞಾನಿಕ ಪುರಾವೆಗಳಿಲ್ಲ. Zee Kannada News ಇದನ್ನು ದೃಢಪಡಿಸುವುದಿಲ್ಲ.)