ಅಪರೂಪದ ದಿನಕ್ಕೆ ಸಾಕ್ಷಿಯಾಗಲಿದೆ ಶನಿವಾರ..! ನಾಳೆ ಉಪವಾಸ ವ್ರತ ಮಾಡಿದ್ರೆ ಕಷ್ಟಗಳಿಂದ ಶಾಶ್ವತ ಮುಕ್ತಿ

Parivartini Ekadashi 2024 : ಭಾದ್ರಪದ ಮಾಸದ ಶುಕ್ಲ ಪಕ್ಷದ ಹನ್ನೊಂದನೇ ದಿನದಂದು (ಏಕಾದಶಿ) ಬರುವ ಪಾರ್ಶ್ವ ಏಕಾದಶಿಯನ್ನು ಪರಿವರ್ತಿನಿ ಏಕಾದಶಿ ಎಂದೂ ಕರೆಯುತ್ತಾರೆ. ಇದು ಹಿಂದೂಗಳಿಗೆ ಒಂದು ಪ್ರಮುಖ ಧಾರ್ಮಿಕ ಆಚರಣೆಯಾಗಿದೆ. 2024 ರಲ್ಲಿ, ಪಾರ್ಶ್ವ ಏಕಾದಶಿಯನ್ನು ಸೆಪ್ಟೆಂಬರ್ 14 ರ ಶನಿವಾರದಂದು ಆಚರಿಸಲಾಗುತ್ತದೆ. ವಿಷ್ಣುವಿಗೆ ಸಮರ್ಪಿತವಾದ ಈ ದಿನದಂದು ಉಪವಾಸ ಮಾಡುವುದು ಬಹಳ ಒಳ್ಳೆಯದು. 

ಏಕಾದಶಿ ಶನಿವಾರ, ಸೆಪ್ಟೆಂಬರ್ 14, 2024 ಸಮಯ: 06:07 AM ನಿಂದ 08:35 AM ಸೆಪ್ಟೆಂಬರ್ 15 ದ್ವಾದಶಿಯ ಅಂತ್ಯವರೆಗೆ ಇರುತ್ತದೆ. ದ್ವಾದಶಿಯಂದು ಸೂರ್ಯೋದಯದ ನಂತರ ಉಪವಾಸ ಅಂತ್ಯ ಮಾಡಬೇಕು. ಮುಂಜಾನೆ ಉಪವಾಸ ಮುರಿಯಲು ಸಾಧ್ಯವಾಗದಿದ್ದರೆ, ಮಧ್ಯಾಹ್ನ ಕೊನೆಗೊಳಿಸಬಹುದು. 

ಇದನ್ನೂ ಓದಿ: ಮಾಲವ್ಯ ಯೋಗದಿಂದ ಈ 3 ರಾಶಿಯವರಿಗೆ ಹಣ & ಅದೃಷ್ಟ ಪ್ರಾಪ್ತಿಯಾಗಲಿದೆ!

ಪಾರ್ಶ್ವ ಏಕಾದಶಿಯ ಪ್ರಾಮುಖ್ಯತೆ : ಪಾರ್ಶ್ವ ಏಕಾದಶಿಯು ಬಹಳ ಪ್ರಾಮುಖ್ಯತೆಯನ್ನು ಹೊಂದಿದೆ. ಏಕೆಂದರೆ ಇದು ಪವಿತ್ರ ಚಾತುರ್ಮಾಸ್ ಅವಧಿಯ ಭಾಗವಾಗಿದೆ, ಈ ಸಮಯದಲ್ಲಿ ವಿಷ್ಣುವು ವಿಶ್ರಾಂತಿ ಸ್ಥಿತಿಯಲ್ಲಿರುತ್ತಾನೆ ಎಂದು ನಂಬಲಾಗಿದೆ. ಈ ದಿನ, ಭಗವಾನ್ ವಿಷ್ಣುವು ತನ್ನ ಸ್ಥಾನವನ್ನು ಬದಲಾಯಿಸುತ್ತಾನೆ. ಎಡದಿಂದ ಬಲಕ್ಕೆ ಬದಲಾಯಿಸುತ್ತಾನೆ ಎಂದು ಹೇಳಲಾಗುತ್ತದೆ. 

ಹಿಂದೂ ನಂಬಿಕೆಗಳ ಪ್ರಕಾರ, ಪಾರ್ಶ್ವ ಏಕಾದಶಿ ದಿನದಂದು ವ್ರತವನ್ನು ಭಕ್ತಿಯಿಂದ ಆಚರಿಸುವವರ ಹಿಂದಿನ ಜನ್ಮಗಳ ಪಾಪಗಳು ನಾಶವಾಗುತ್ತವೆ ಎನ್ನಲಾಗಿದೆ. ಅಲ್ಲದೆ ಭಗವಾನ್‌ ವಿಷ್ಣು ಭಕ್ತರ ವ್ರತಕ್ಕೆ ಒಲಿದು ಅವರಿಗೆ ಸಮೃದ್ಧಿ ಮತ್ತು ಸಂತೋಷ ನೀಡುತ್ತಾನೆ ಎಂಬ ಅಚಲ ನಂಬಿಕೆ ಇದೆ.

ಇದನ್ನೂ ಓದಿ:ಮನೆಯಲ್ಲಿ ಆ ಜಾಗದಲ್ಲಿ ನವಿಲು ಗರಿ ಇಟ್ಟರೆ.. ಆರ್ಥಿಕ ಲಾಭ, ಗಂಡ-ಹೆಂಡತಿ ನಡುವೆ ಸಮಸ್ಯೆಗಳೇ ಬರೋದಿಲ್ಲ!!

ಪಾರ್ಶ್ವ ಏಕಾದಶಿ ವ್ರತವನ್ನು ಭಾರತದ ವಿವಿಧ ಭಾಗಗಳಲ್ಲಿ ವಿವಿಧ ಹೆಸರುಗಳಿಂದ ಆಚರಿಸಲಾಗುತ್ತದೆ. ಈ ಏಕಾದಶಿ, ಪರಿವರ್ತನಿ ಏಕಾದಶಿ, ಜಲಜುಲಿನಿ ಏಕಾದಶಿ ಮತ್ತು ವಾಮನ ಏಕಾದಶಿ ಎಂಬ ಹೆಸರಿನಿಂದ ವಿವಿಧ ಪ್ರದೇಶಗಳಲ್ಲಿ ಆಚರಿಸಲಾಗುತ್ತದೆ. ಈ ದಿನ ಉಪವಾಸ ಮಾಡಿದರೆ, ಪಾಪಗಳಿಂದ ಮುಕ್ತಿ ಪಡೆಯಬಹುದು..