ಈ ಬಾರಿ ಈ ಮೂರು ರಾಶಿಯವರನ್ನೇ ಹೆಚ್ಚಾಗಿ ಕಾಡುವುದು ರಾಹು ಮತ್ತು ಕೇತು

ಬೆಂಗಳೂರು : ರಾಹು ಮತ್ತು ಕೇತು ಗ್ರಹಗಳು ಒಂದೂವರೆ ವರ್ಷ ಅಥವಾ 18 ತಿಂಗಳುಗಳಲ್ಲಿ ತಮ್ಮ ರಾಶಿಯನ್ನು ಬದಲಾಯಿಸುತ್ತವೆ. ಇದಲ್ಲದೆ, ನವಗ್ರಹಗಳ ಪೈಕಿ ರಾಹು-ಕೇತು ಮಾತ್ರ ಹಿಮ್ಮುಖವಾಗಿ ಚಲಿಸುತ್ತಿರುತ್ತವೆ. 2023ರ ವರ್ಷವು ಗ್ರಹಗಳ ಸಂಕ್ರಮಣದ ವಿಷಯದಲ್ಲಿ ಬಹಳ ವಿಶೇಷವಾಗಿದೆ. ವರ್ಷದ ಆರಂಭದಲ್ಲಿಯೇ ಶನಿಯು ಸಂಕ್ರಮಿಸಿದೆ. ರಾಹು ಮತ್ತು ಕೇತು ಗ್ರಹಗಳು ಕೂಡಾ 2023 ರಲ್ಲಿ ತಮ್ಮ ರಾಶಿಯನ್ನು ಬದಲಿಸಲಿವೆ. ರಾಹು-ಕೇತು ತನ್ನ ರಾಶಿಯನ್ನು   ಅಕ್ಟೋಬರ್ 30 ರಂದು ಬದಲಾಯಿಸುತ್ತದೆ. ರಾಹು ಮೀನ ರಾಶಿಯಿಂದ ಹೊರಬಂದು ಮೇಷ ರಾಶಿಯನ್ನು ಪ್ರವೇಶಿಸಿದರೆ, ಕೇತು ತುಲಾ ರಾಶಿಯಿಂದ ಹೊರ ಬಂದು ಕನ್ಯಾರಾಶಿಯನ್ನು ಪ್ರವೇಶಿಸಲಿದ್ದಾನೆ. ರಾಹು-ಕೇತುಗಳ ರಾಶಿಯ ಬದಲಾವಣೆಯಿಂದ ಮೂರು ರಾಶಿಯವರ ಜೀವನದಲ್ಲಿ ಸಮಸ್ಯೆಗಳು ಹೆಚ್ಚಲಿವೆ. 

ಮೇಷ ರಾಶಿ : ಮೇಷ ರಾಶಿಯ ಜನರು ಅಕ್ಟೋಬರ್ 30 ರ ನಂತರ ಜಾಗರೂಕರಾಗಿರಬೇಕು. ಇವರ ಜೀವನದಲ್ಲಿ ಹಣಕಾಸಿನ ಸಮಸ್ಯೆಗಳು ಎದುರಾಗಬಹುದು. ಮಾನಸಿಕ ಒತ್ತಡ ಉಂಟಾಗಬಹುದು. ವಿವಾದಗಳು ಸುತ್ತಿಕೊಳ್ಳಬಹುದು. ಕೆಲಸದ ಸ್ಥಳದಲ್ಲಿ ಹಲವು ರೀತಿಯ ಸಮಸ್ಯೆಗಳನ್ನು ಎದುರಿಸಬೇಕಾಗಬಹುದು. ಈ ಸಮಯವನ್ನು ತಾಳ್ಮೆಯಿಂದ ಕಳೆಯುವುದು ಉತ್ತಮ. 

ಇದನ್ನೂ ಓದಿ : Guru Uday 2023: ಗುರು ಗ್ರಹದ ಉದಯದಿಂದ ಈ ರಾಶಿಯವರ ಭಾಗ್ಯದ ಬಾಗಿಲು ತೆರೆಯಲಿದೆ

ವೃಷಭ ರಾಶಿ : ವೃಷಭ ರಾಶಿಯವರಿಗೆ ರಾಹು-ಕೇತು ಸಂಕ್ರಮಣ ಮಂಗಳಕರವಾಗಿರುವುದಿಲ್ಲ. ಈ ಜನರು ಒಂದೇ ಸಮಯದಲ್ಲಿ ಅನೇಕ ಸಮಸ್ಯೆಗಳನ್ನು ಎದುರಿಸಬೇಕಾಗಬಹುದು. ಹಣಕಾಸಿನ ಸಮಸ್ಯೆಗಳು ಹೆಚ್ಚಾಗಬಹುದು. ಬುದ್ಧಿವಂತಿಕೆ ಮತ್ತು ವಿವೇಚನೆಯನ್ನು ಸರಿಯಾಗಿ ಬಳಸಲು ಸಾಧ್ಯವಾಗುವುದಿಲ್ಲ. ಹಾಗಾಗಿ ನಿರ್ಧಾರಗಳನ್ನು ತೆಗೆದುಕೊಳ್ಳುವಲ್ಲಿ ಕೂಡಾ ತೊಂದರೆ ಉಂಟಾಗುತ್ತದೆ. 

ಮಕರ ರಾಶಿ : ರಾಹು-ಕೇತು ಸಂಕ್ರಮಣದ ಕಾರಣದಿಂದ ಮಕರ ರಾಶಿಯವರ ಜೀವನದಲ್ಲಿ  ಸಮಸ್ಯೆಗಳು ಎದುರಾಗಲಿವೆ. ಅನಗತ್ಯ ಚರ್ಚೆಗಳು ನಡೆಯಲಿವೆ. ರೋಗಗಳು ಮಕರ ರಾಶಿಯವರನ್ನು ಕಾಡಲಿವೆ. ಕೆಲಸದಲ್ಲಿ ಆಸಕ್ತಿಯ ಕೊರತೆಯಿಂದ ತೊಂದರೆಯಾಗಲಿದೆ. ಶ್ರಮಕ್ಕೆ ತಕ್ಕ ಫಲ ಸಿಗದೇ ಇರುವುದರಿಂದ ಮನಸ್ಸು ಖಿನ್ನತೆಗೆ ಒಳಗಾಗಬಹುದು.  

ಇದನ್ನೂ ಓದಿ : ಭೂಮಿ, ವಾಹನ ಇತ್ಯಾದಿಗಳ ಖರೀದಿಗೆ ಅತ್ಯಂತ ಶುಭ ಯೋಗ ಇದು, ಕೇವಲ 7 ದಿನ ನಿರೀಕ್ಷಿಸಿ