ನವದೆಹಲಿ: ಇಂದು 2022ರ 3ನೇ ಶನಿವಾರ ಕೊನೆಗೊಳ್ಳಲಿದೆ. ಧರ್ಮಗ್ರಂಥಗಳಲ್ಲಿ ಶನಿವಾರವನ್ನು ಶನಿದೇವನ ದಿನವೆಂದು ಪರಿಗಣಿಸಲಾಗಿದೆ. ಶನಿದೇವನು ನ್ಯಾಯದ ದೇವರು ಎಂದು ಹೇಳಲಾಗುತ್ತದೆ. ಕಾರ್ಯಗಳ ಆಧಾರದ ಮೇಲೆ ಜನರಿಗೆ ಶನಿದೇವ ಸರಿಯಾದ ಶಿಕ್ಷೆ ಅಥವಾ ಪ್ರತಿಫಲ ನೀಡುತ್ತಾನೆಂಬ ನಂಬಿಕೆಯಿದೆ. ಶನಿದೇವ ಯಾರಿಂದ ಸಂತೋಷ ಪಡೆಯುತ್ತಾರೋ ಅವರ ಅದೃಷ್ಟ ಬೆಳಗಲು ಹೆಚ್ಚು ಸಮಯ ತೆಗೆದುಕೊಳ್ಳುವುದಿಲ್ಲ. ಮತ್ತೊಂದೆಡೆ ಶನಿದೇವ ಕೋಪಗೊಂಡರೆ ಎಲ್ಲವೂ ಹಾಳಾಗುತ್ತದೆ. ಶನಿದೇವನ ಆಶೀರ್ವಾದ ನಿಮ್ಮ ಮೇಲಿರಬೇಕೆಂದು ಬಯಸಿದರೆ ಈ ದಿನ ಅಪ್ಪಿತಪ್ಪಿಯೂ 5 ಕೆಲಸಗಳನ್ನು ಮಾಡಬಾರದು. ಇಲ್ಲದಿದ್ದರೆ ಆರ್ಥಿಕ ಅನಾಹುತ ಸಂಭವಿಸಬಹುದು. ಆ 5 ವಿಷಯಗಳ ಬಗ್ಗೆ ತಿಳಿಯಿರಿ.


COMMERCIAL BREAK
SCROLL TO CONTINUE READING

ಶನಿವಾರದಂದು ಈ ಕೆಲಸ ಮಾಡಬೇಡಿ


ಕಬ್ಬಿಣ ಖರೀದಿಸಬೇಡಿ


ಶನಿವಾರದಂದು ಅಪ್ಪಿತಪ್ಪಿಯೂ ಕಬ್ಬಿಣ ಅಥವಾ ಕಬ್ಬಿಣದ ಉತ್ಪನ್ನಗಳನ್ನು ಖರೀದಿಸಬಾರದು ಎಂದು ಜ್ಯೋತಿಷ್ಯ ಶಾಸ್ತ್ರಗಳಲ್ಲಿ ಹೇಳಲಾಗಿದೆ. ಇದನ್ನು ಮಾಡುವುದು ಅಶುಭವೆಂದು ಪರಿಗಣಿಸಲಾಗುತ್ತದೆ ಮತ್ತು ಶನಿದೇವನ ಅಸಮಾಧಾನಕ್ಕೆ ಒಳಗಾಗಬೇಕಾಗುತ್ತದೆ. ಆದಾಗ್ಯೂ, ಈ ದಿನ ನೀವು ಖಂಡಿತವಾಗಿಯೂ ಕಬ್ಬಿಣವನ್ನು ದಾನ ಮಾಡಬಹುದು. ಹೀಗೆ ಮಾಡುವುದರಿಂದ ಶುಭ ಫಲ ಸಿಗುತ್ತದೆ.


ಇದನ್ನೂ ಓದಿ: Horoscope Today: ಈ ರಾಶಿಯವರು ಬುದ್ಧಿವಂತಿಕೆಯಿಂದ ನಿರ್ಧಾರ ತೆಗೆದುಕೊಳ್ಳಬೇಕು


ಕಪ್ಪು ಎಳ್ಳು ಖರೀದಿಸಬೇಡಿ


ಶನಿವಾರದಂದು ಸಾಸಿವೆ ಎಣ್ಣೆಯ ಜೊತೆಗೆ ಕಪ್ಪು ಎಳ್ಳನ್ನು ಅಗತ್ಯವಿರುವವರಿಗೆ ದಾನ ಮಾಡುವುದು ಒಳ್ಳೆಯದು ಎಂದು ಪರಿಗಣಿಸಲಾಗಿದೆ. ಆದರೆ ಶನಿವಾರದಂದು ಎಣ್ಣೆಯನ್ನು ಖರೀದಿಸಬಹುದು. ಕಪ್ಪು ಎಳ್ಳನ್ನು ಒಂದು ಅಥವಾ ಎರಡು ದಿನ ಮೊದಲು ಖರೀದಿಸಬೇಕು. ಈ ರೀತಿ ಮಾಡದಿದ್ದಲ್ಲಿ ಪುಣ್ಯ ಫಲಗಳ ಬದಲು ಶನಿದೇವನ ಅಸಮಾಧಾನವನ್ನು ಎದುರಿಸಬೇಕಾಗುತ್ತದೆ.


ಈ ದಿಕ್ಕುಗಳಲ್ಲಿ ಪ್ರಯಾಣಿಸುವುದನ್ನು ತಪ್ಪಿಸಿ


ಶಾಸ್ತ್ರಗಳ ಪ್ರಕಾರ ಶನಿವಾರದಂದು ಪೂರ್ವ ಅಥವಾ ಉತ್ತರ ದಿಕ್ಕಿನಲ್ಲಿ ಪ್ರಯಾಣಿಸುವುದನ್ನು ತಪ್ಪಿಸಬೇಕು. ನಿಮಗೆ ಅಗತ್ಯವಿದ್ದರೆ ಮಾತ್ರ ಈ ದಿಕ್ಕುಗಳಲ್ಲಿ ಪ್ರಯಾಣಿಸಿ, ಇಲ್ಲದಿದ್ದರೆ ಅದನ್ನು ಆದಷ್ಟು ತಪ್ಪಿಸಿ. ಹೀಗೆ ಮಾಡುವುದರಿಂದ ನಿಮ್ಮ ಜೀವನದಲ್ಲಿ ತೊಂದರೆ ಉಂಟಾಗಬಹುದು. ಇದು ನಿಮ್ಮ ಆರೋಗ್ಯ ಮತ್ತು ಮನೆಯ ಸಂತೋಷ -ಸಮೃದ್ಧಿಯ ಮೇಲೆ ಪರಿಣಾಮ ಬೀರಬಹುದು.


ಇದನ್ನೂ ಓದಿ: Relationship Tips: ಹುಡುಗಿಯರು ಈ 5 ಗುಣಗಳಿಗೆ ಆಕರ್ಷಿತರಾಗುತ್ತಾರೆ, ನೀವೂ ಪ್ರಯತ್ನಿಸಿ!


ಇದರಿಂದ ಶನಿ ದೋಷ ಉಂಟಾಗುತ್ತದೆ


ಶನಿವಾರದಂದು ನಿರ್ಗತಿಕರಿಗೆ ಶುಭ್ರವಾದ ಪಾದರಕ್ಷೆ ಅಥವಾ ಚಪ್ಪಲಿಯನ್ನು ದಾನ ಮಾಡುವುದರಿಂದ ಶನಿ ದೋಷಗಳು ದೂರವಾಗುತ್ತವೆ. ಆದರೆ ಅಪ್ಪಿತಪ್ಪಿಯೂ ಈ ದಿನ ಪಾದರಕ್ಷೆ ಮತ್ತು ಚಪ್ಪಲಿಯನ್ನು ಉಡುಗೊರೆಯಾಗಿ ತೆಗೆದುಕೊಳ್ಳಬಾರದು, ಇಲ್ಲದಿದ್ದರೆ ನಕಾರಾತ್ಮಕ ಶಕ್ತಿ ನಿಮ್ಮ ಮನೆಗೆ ಪ್ರವೇಶಿಸುತ್ತದೆ. ಈ ದಿನದಂದು ಯಾವುದೇ ಅಸಹಾಯಕ, ಬಡ ಅಥವಾ ವೃದ್ಧರನ್ನು ಅಪ್ಪಿತಪ್ಪಿಯೂ ಅವಮಾನಿಸಬಾರದು. ಈ ರೀತಿ ಮಾಡುವುದರಿಂದ ಶನಿದೇವನು ಎಂದಿಗೂ ಸಂತುಷ್ಟನಾಗುವುದಿಲ್ಲ.


ಮನೆಯಲ್ಲಿಟ್ಟಿರುವ ಎಣ್ಣೆಯಿಂದ ದೀಪ ಹಚ್ಚಿ


ಜ್ಯೋತಿಷಿಗಳ ಪ್ರಕಾರ ಶನಿದೇವನನ್ನು ಮೆಚ್ಚಿಸಲು ಶನಿವಾರದಂದು ಸಾಸಿವೆ ಎಣ್ಣೆಯ ದೀಪವನ್ನು ಹಚ್ಚುವುದು ಮಂಗಳಕರ. ಆದರೆ ಇದಕ್ಕಾಗಿ ಈ ದಿನದಂದು ಅಪ್ಪಿತಪ್ಪಿಯೂ ಸಾಸಿವೆ ಎಣ್ಣೆ ಖರೀದಿಸಬಾರದು. ಬದಲಿಗೆ ನೀವು ಈಗಾಗಲೇ ಮನೆಯಲ್ಲಿ ಇಟ್ಟಿರುವ ಸಾಸಿವೆ ಎಣ್ಣೆಯನ್ನೇ ಬಳಸಬೇಕು.


(ವಿಶೇಷ ಸೂಚನೆ: ಇಲ್ಲಿ ನೀಡಲಾಗಿರುವ ಮಾಹಿತಿಯು ಸಾಮಾನ್ಯ ನಂಬಿಕೆಗಳು ಮತ್ತು ಮಾಹಿತಿ ಆಧರಿಸಿದೆ. Zee Kannada News ಇದನ್ನು ದೃಢಪಡಿಸುವುದಿಲ್ಲ.)


https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.