Solar Eclipse 2024: ಏಪ್ರಿಲ್‌ 8ರಂದು 1000 ವರ್ಷಕ್ಕೊಮ್ಮೆ ಸಂಭವಿಸುವ ಅಪರೂಪದ ಸೂರ್ಯಗ್ರಹಣ

Solar Eclipse 2024: 1000 ವರ್ಷಕ್ಕೊಮ್ಮೆ ಸಂಭವಿಸುವ ಅಪರೂಪದ ಸಂಪೂರ್ಣ ಸೂರ್ಯಗ್ರಹಣವು ಏಪ್ರಿಲ್ 8ರಂದು ಸಂಭವಿಸಲಿದೆ. ಈ ಅಪರೂಪದ ಗ್ರಹಣ ವೀಕ್ಷಣೆಗೆ ಜಗತ್ತಿನ ಹಲವು ದೇಶಗಳ ಜನರು ಕಾತುರದಿಂದ ಕಾಯುತ್ತಿದ್ದಾರೆ.  

2024ರ ಏಪ್ರಿಲ್ 8ರಂದು ಚಂದ್ರ ಸಂಪೂರ್ಣವಾಗಿ ಸೂರ್ಯನನ್ನು ಆವರಿಸಿಕೊಳ್ಳಲಿದ್ದಾನೆ. ಈ ಮೂಲಕ ಇದರ ನೆರಳು ಭೂಮಿಯ ಮೇಲೆ ಬೀಳಲಿದ್ದು, ಹಲವು ಅಪರೂಪದ ಘಟನೆಗಳು ಸಂಭವಿಸಲಿವೆ ಅಂತಾ ಖಗೋಳ ಶಾಸ್ತ್ರಜ್ಞರು ಹೇಳಿದ್ದಾರೆ.

ಇದನ್ನೂ ಓದಿ: Health Benefits Of Sleeping On Floor: ಕುರ್ಚಿ, ಬೆಡ್ ಬೀಟ್ಹಾಕಿ ನೆಲದ ಮೇಲೆಯೇ ಇದೆ ಸ್ವರ್ಗ ಸುಖ, ನಂಬಿಕೆ ಇಲ್ಲಾ ಅಂದ್ರೆ ಈ ಲೇಖನ ಒಮ್ಮೆ ಓದಿ!

ಈ ರೀತಿಯ ಸಂಪೂರ್ಣ ಸೂರ್ಯಗ್ರಹಣ ಸಂಭವಿಸುವುದು 400ರಿಂದ 1000 ವರ್ಷಗಳಿಗೆ ಒಮ್ಮೆ ಮಾತ್ರ. ಇದು ಮೆಕ್ಸಿಕೊದಿಂದ ಅಮೆರಿಕದ ಮತ್ತೊಂದು ತುದಿಯಾದ ಕೆನಡಾವರೆಗೆ ಸಂಪೂರ್ಣ ಗೋಚರವಾಗಲಿದೆ. ಅಂದು ಆ ಭೂಪ್ರದೇಶದ ಮೇಲೆ ಸಂಪೂರ್ಣ ಕತ್ತಲು ಆವರಿಸಲಿದೆ ಎಂದು ತಜ್ಞರು ಹೇಳಿದ್ದಾರೆ.

ಇಂತಹ ಅಪರೂಪದ ಸೂರ್ಯಗ್ರಹಣವನ್ನು ಮತ್ತೊಮ್ಮೆ ವೀಕ್ಷಿಸಲು ನೀವು 2045ರವರೆಗೆ ಕಾಯಬೇಕಾಗುತ್ತದೆ. ಈ ಹಿಂದೆ 2003ರಲ್ಲಿ ಸಂಭವಿಸಿದ್ದಾಗ ಅಲಸ್ಕಾದಲ್ಲಿ ಕಂಡು ಬಂದಿತ್ತು.  

ಇದನ್ನೂ ಓದಿ: Premature Grey Hair Treatment: ಅಕಾಲಿಕ ಬಿಳಿ ಕೂದಲನ್ನು ಬುಡದಿಂದಲೂ ಕಪ್ಪಾಗಿಸುತ್ತೆ ಈ ಗಿಡಮೂಲಿಕೆಗಳು

ಸಂಪೂರ್ಣ ಸೂರ್ಯಗ್ರಹಣ ಮಾತ್ರವಲ್ಲದೆ ಈ ಗ್ರಹಣದ ಅವಧಿಯೂ ಹೆಚ್ಚು ಕಾಲ ಇರಲಿದೆ. ಜನರ ಅನುಭವಕ್ಕೆ ಬರುವುದರಿಂದ ಇದು ಅಪರೂಪದ ಗ್ರಹಣವಾಗಿದೆ ಅಂತಾ ವರದಿಯಾಗಿದೆ.