ತಿರುಪತಿ ದೇಗುಲದ ಗೋಪುರದ ಮೇಲಿರುವ ವೆಂಕಟೇಶ್ವರ ಸ್ವಾಮಿ ಮೂರ್ತಿ ರಹಸ್ಯ..! ರೋಚಕ ಕತೆ ಇಲ್ಲಿದೆ

Vimana Venkateshwara : ತಿರುಪತಿ ವೆಂಕಟೇಶ್ವರ ಸ್ವಾಮಿಯ ದೇವಸ್ಥಾನಕ್ಕೆ ಹೋದಾಗ, ನಾವು ಖಂಡಿತವಾಗಿಯೂ ಗೋಪುರದ ಮೇಲೆ ಇರುವ ವಿಮಾನ ವೆಂಕಟೇಶ್ವರ ಸ್ವಾಮಿ ಮೂರ್ತಿಯನ್ನ ನೋಡಿಯೇ ಇರುತ್ತೇವೆ. ತಿರುಮಲ ಶ್ರೀವಾರಿ ಗರ್ಭಗುಡಿಯನ್ನು ಆನಂದ ನಿಲಯ ಎಂದು ಕರೆಯಲಾಗುತ್ತದೆ. ಗರ್ಭಗುಡಿಯ ವಾಯುವ್ಯ ಮೂಲೆಯಲ್ಲಿ ವಿಮಾನ ವೆಂಕಟೇಶ್ವರನ ಹೆಸರಿನಲ್ಲಿ ತಿಮ್ಮಪ್ಪನ ಮೂರ್ತಿ ಇದೆ. ಭಗವಂತನ ದರ್ಶನ ಮಾಡಿದ ನಂತರ ಸಹಜವಾಗಿಯೇ ನಾವು ವಿಮಾನ ವೆಂಕಟೇಶ್ವರ ಸ್ವಾಮಿಯ ದರ್ಶನ ಮಾಡುತ್ತೇವೆ.

ಆದರೆ ವಾಸ್ತವವಾಗಿ ಈ ದೇವಾಲಯವನ್ನು ನಿರ್ಮಿಸಿದಾಗ, ವಿಮಾನ ವೆಂಕಟೇಶ್ವರನ ವಿಗ್ರಹವನ್ನು ಅಲ್ಲಿ ಇರಿಸಿರಲಿಲ್ಲ. ನಂತರ ಗೋಪುರದ ಮೇಲೆ ವಿಮಾನ ವೆಂಕಟೇಶ್ವರ ಮೂರ್ತಿಯನ್ನು ಪ್ರತಿಷ್ಠಾಪಿಸಲಾಯಿತು. ಅದಕ್ಕೆ ವಿಮಾನ ವೆಂಕಟೇಶ್ವರ ಎಂದು ಹೆಸರಿಡಲಾಯಿತು. ಬನ್ನಿ ಗೋಪುರದ ಮೇಲಿರುವ ಪ್ರತಿಮೆಗೆ ಆ ಹೆಸರು ಏಕೆ ಬಂತು ಅಂತ ತಿಳಿಯೋಣ..

ಇದನ್ನೂ ಓದಿ: ರಜನಿಕಾಂತ್ ವೈರಲ್‌ ಫೋಟೋ ಹಿಂದಿನ ರಹಸ್ಯ ಬಯಲು..! ಅಸಲಿಗೆ ಸತ್ಯ ಏನ್‌ ಗೊತ್ತಾ..?

ಶ್ರೀ ಕೃಷ್ಣದೇವರಾಯ ವಂಶೀಯರು ವಿಜಯನಗರದ ಆಳ್ವಿಕೆಯಲ್ಲಿ, ಭಗವಂತನಿಗೆ ಅನೇಕ ರೀತಿಯ ಚಿನ್ನಾಭರಣಗಳನ್ನು ಒದಗಿಸುತ್ತಿದ್ದರು. ದೇವಾಲಯಕ್ಕೆ ವಿವಿಧ ವಸ್ತುಗಳನ್ನು ನೀಡುತ್ತಿದ್ದರು. ಆದರೆ ಅಂದಿನ ದೊರೆ ಸಾಳುವ ನರಸಿಂಹರಾಯರು ತಿರುಮಲದಲ್ಲಿ ಕೆಲವು ಪುರೋಹಿತರು ಭಗವಂತನಿಗೆ ಭಕ್ತಿಯಿಂದ ಅರ್ಪಿಸಿದ ಆಭರಣಗಳನ್ನು ಧರಿಸಿ ತಿರುಗಾಡುತ್ತಿರುವುದನ್ನು ನೋಡಿದ್ದರು. ಇದರಿಂದ ಅವರಿಗೆ ವಿಪರೀತ ಕೋಪ ಬಂದಿತ್ತು.

ಹಿಂದಿನ ಕಾಲದಲ್ಲಿ ರಾಜನಿಗೆ ಸಿಟ್ಟು ಬಂದರೆ ಅದರ ಪರಿಣಾಮ ಘೋರ ಅಂತ ಎಲ್ಲರಿಗೂ ತಿಳಿದಿದೆ.. ಹಾಗಾಗಿ ಹಿಂದೆ-ಮುಂದೆ ಯೋಚಿಸದೆ ಆ ವೈಷ್ಣವ ಪುರೋಹಿತರನ್ನು ದೇವಾಲಯದ ಆವರಣದಲ್ಲಿ ಕೊಂದನು.  ಆದರೆ ಬ್ರಾಹ್ಮಣರ ಹತ್ಯೆ ಪಾಪ. ಇದನ್ನು ತಿಳಿದ ವಿಜಯನಗರದ ರಾಜಗುರು ವ್ಯಾಸರಾಯರು ಆ ಪಾಪ ವಿಜಯನಗರ ಸಾಮ್ರಾಜ್ಯಕ್ಕೆ ಹರಡಬಾರದು ಎಂಬ ಉದ್ದೇಶದಿಂದ 12 ವರ್ಷಗಳ ಕಾಲ ತಪಸ್ಸು ಮಾಡಿದರು.

ಇದನ್ನೂ ಓದಿ: ಸಂಭಾವನೆಯಲ್ಲಿ ರಜನಿಯನ್ನೇ ಮೀರಿಸಿದ್ರಾ ವಿಜಯ್? ʼಲಿಯೋʼಗಾಗಿ 'ದಳಪತಿ' ಪಡೆದಿದ್ದು ಇಷ್ಟು ಕೋಟಿ!

ಆದರೆ ಈ ಕಾರಣದಿಂದ ಭಕ್ತರಿಗೆ 12 ವರ್ಷಗಳ ಕಾಲ ತಿಮ್ಮಪ್ಪನ ದರ್ಶನ ಇಲ್ಲದಂತಾಯಿತು. ಆದುದರಿಂದ ದೇವಾಲಯದ ಗೋಪುರದ ಮೇಲೆ ಮೂಲ ಚಿತ್ರವನ್ನು ಹೋಲುವ ವೆಂಕಟೇಶ್ವರನ ಪರ್ಯಾಯ ರೂಪವನ್ನು ಸ್ಥಾಪಿಸಲಾಗಿದೆ ಎಂಬುದು ಸ್ಥಳೀಯ ದಂತಕಥೆಯಾಗಿದೆ. ಆ ವೆಂಕಟೇಶ್ವರನನ್ನೇ ಇಂದು ತಿರುಮಲ ಆನಂದ ನಿಲಯ ಗೋಪುರದ ಮೇಲೆ ವಿಮಾನ ವೆಂಕಟೇಶ್ವರ ಸ್ವಾಮಿ ಎಂದು ಪೂಜಿಸುತ್ತಿದ್ದೇವೆ. ಆದರೆ ಇದಕ್ಕೆ ಸಂಬಂಧಿಸಿದ ಇನ್ನೊಂದು ಕಥೆಯಿದೆ.

ವೈಖಾನಸನನ್ನು ಪುರೋಹಿತಶಾಹಿಯಿಂದ ತೆಗೆದುಹಾಕಲಾಯಿತು ಮತ್ತು ಅವನ ಮಗ ಇನ್ನೂ ಚಿಕ್ಕವನಾಗಿದ್ದಾಗ, ಮಾಧ್ವ ಸಂಪ್ರದಾಯದ ವ್ಯಾಸ ರಾಯಲವ 12 ವರ್ಷಗಳ ಕಾಲ ತಿರುಮಲದ ಪ್ರಧಾನ ಅರ್ಚಕನಾಗಿ ಕಾರ್ಯನಿರ್ವಹಿಸಿದನು. ಆ ಸಂದರ್ಭದಲ್ಲಿ ಕೆಲವರು ವಿಮಾನ ವೆಂಕಟೇಶ್ವರನ ಪ್ರತಿಮೆಯನ್ನು ಪ್ರತಿಷ್ಠಾಪಿಸಿದವರು ಎಂದು ಹೇಳುತ್ತಾರೆ. 

ಇದನ್ನೂ ಓದಿ: ಜವಾನ್‌, ಲಿಯೋ ಎರಡು ಅಲ್ಲ..! ಮೊದಲ ದಿನವೇ ಗ್ರ್ಯಾಂಡ್‌ ಓಪನಿಂಗ್‌ ಪಡೆದುಕೊಂಡ ಸೂಪರ್‌ಹಿಟ್‌ ಸಿನಿಮಾಗಳಿವು

ಇನ್ನು ಕೆಲವರು ಅಂದು ಗರ್ಭಗುಡಿಗೆ ಪ್ರವೇಶ ಇಲ್ಲದವರಿಗೆ ಗೋಪುರದ ಮೇಲೆ ವೆಂಕಟೇಶ್ವರನ ರೂಪ ಪ್ರತಿಷ್ಠಾಪಿಸಲಾಗಿತ್ತು ಎನ್ನುತ್ತಾರೆ. ವಿಮಾನ ವೆಂಕಟೇಶ್ವರ ಸ್ವಾಮಿಯು ಗೋಪುರವನ್ನು ಏರಿದ ಬಗೆಗೆ ಅನೇಕ ಕಥೆಗಳಿವೆ. 1982ರ ಸುಮಾರಿಗೆ ನಡೆದ ಮಹಾ ಸಂಪ್ರೋಕ್ಷಣೆ ವೇಳೆ ವಿಮಾನ ವೆಂಕಟೇಶ್ವರ ಸ್ವಾಮಿಯ ಪ್ರತಿಮೆ ಸ್ಪಷ್ಟವಾಗಿ ಗೋಚರಿಸಬೇಕು ಎಂಬ ಉದ್ದೇಶದಿಂದ ಪ್ರತಿಮೆಗೆ ಬೆಳ್ಳಿಯ ಮಕರತೋರಣ ಹಾಕಲಾಗಿತ್ತು. ಅಲ್ಲದೆ, ಭಗವಂತನನ್ನು ಸ್ಮರಿಸುವುದಕ್ಕಾಗಿ ಬಾಣದ ಫಲಕವನ್ನು ಸಹ ಸ್ಥಾಪಿಸಲಾಗಿದೆ. ಈ ಬಾರಿ ತಿರುಮಲಕ್ಕೆ ಭೇಟಿ ನೀಡುವಾಗ, ವಿಮಾನ ವೆಂಕಟೇಶ್ವರ ಸ್ವಾಮಿಯನ್ನು ದರ್ಶನ ಪಡೆಯಲು ಮರೆಯದಿರಿ. ಗೋವಿಂದಾ.. ಗೋವಿಂದಾ..