ಸಾವು ಸಮೀಪಿಸಿದಾಗ ದೇಹದಲ್ಲಿ ಈ ಬದಲಾವಣೆಗಳು ಕಾಣಿಸಿಕೊಳ್ಳುತ್ತವೆ..!

Death signs in kannada : ಸಾವು ಬದಲಾಗದ ಸತ್ಯ. ಅದನ್ನು ತಡೆಯಲು ಅಥವಾ ಬದಲಾಯಿಸಲು ಯಾರಿಂದಲೂ ಸಾಧ್ಯವಿಲ್ಲ. ಆದರೆ ಅದರ ಬಗ್ಗೆ ತಿಳಿಯಬಹುದು. ಒಬ್ಬ ವ್ಯಕ್ತಿಯು ತನ್ನ ಮರಣದ ಸಮೀಪದಲ್ಲಿ ಕೆಲವು ಚಿಹ್ನೆಗಳನ್ನು ಪಡೆಯುತ್ತಾನೆ ಎಂದು ಶಿವಪುರಾಣ ಹೇಳುತ್ತದೆ. ಈ ಚಿಹ್ನೆಯಿಂದ ವ್ಯಕ್ತಿ ತನಗೆ ಸಾವು ಸಮೀಪಿಸುತ್ತಿದೆ ಎಂದು ತಿಳಿಯಬಹುದು. 

ಹಿಂದೂ ಧರ್ಮದ 18 ಪುರಾಣಗಳಲ್ಲಿ ಒಂದಾದ ಶಿವ ಪುರಾಣ ಬಹಳ ಮುಖ್ಯವಾದ ಗ್ರಂಥವಾಗಿದೆ. ಈ ಪುರಾಣವು ಭಗವಾನ್ ಶಿವನ ಮಹಿಮೆ ಮತ್ತು ಅವನ ರೂಪ, ಅವತಾರ ಹಾಗೂ ಜ್ಯೋತಿರ್ಲಿಂಗದ ಸಂಪೂರ್ಣ  ವಿವರಣೆಯನ್ನು ನೀಡುತ್ತದೆ. ಅಲ್ಲದೆ, ಇದು ಜೀವನ ಮತ್ತು ಸಾವಿನ ಕೆಲವು ರಹಸ್ಯಗಳ ಬಗ್ಗೆಯೂ ಹೇಳುತ್ತದೆ. 

ಇದನ್ನೂ ಓದಿ: 30 ವರ್ಷಗಳ ನಂತರ ಉಚ್ಛ್ರಾಯ ಸ್ಥಿತಿಯಲ್ಲಿ ಶನಿ ಮಹಾತ್ಮ! ಈ ರಾಶಿಯವರಿಗೆ ಕೋಟಿ ಗಳಿಸುವ ಯೋಗ !

ಶಿವ ಪುರಾಣದಲ್ಲಿ, ಶಿವನು ತಾಯಿ ಪಾರ್ವತಿಗೆ ಸಾವಿಗೆ ಸಂಬಂಧಿಸಿದ ಕೆಲವು ಲಕ್ಷಣಗಳ ಬಗ್ಗೆ ಹೇಳುತ್ತಾನೆ. ಅಲ್ಲದೆ, ಸಾವು ಸಮೀಪಿಸಿದಾಗ ಮನುಷ್ಯನ ದೇಹದಲ್ಲಿ ಕಂಡುಬರುವ ಚಿಹ್ನೆಗಳ ಕುರಿತು ಸಹ ತಿಳಿಸಿದ್ದಾನೆ. ಹಾಗಾದರೆ ಸಾವು ಹತ್ತಿರವಾಗುವ ಮುನ್ನ ಕಾಣಿಸಿಕೊಳ್ಳುವ ಆ ಲಕ್ಷಣಗಳು ಯಾವುವು..? ಇಲ್ಲಿವೆ ನೋಡಿ..

ಶಿವಪುರಾಣದ ಪ್ರಕಾರ, ಒಬ್ಬ ವ್ಯಕ್ತಿಯ ಇಂದ್ರಿಯಗಳು ಸರಿಯಾಗಿ ಕೆಲಸ ಮಾಡುವುದನ್ನು ನಿಲ್ಲಿಸಿದರೆ, ಅವನ ಸಾವು ಹತ್ತಿರದಲ್ಲಿದೆ ಎಂದು ತಿಳಿಯುತ್ತದೆ. ಅಲ್ಲದೆ, ದೇಹದ ಬಣ್ಣವು ಬದಲಾಗಲು ಪ್ರಾರಂಭಿಸಿದಾಗ, ಅಂದರೆ ದೇಹವು ಬಿಳಿ, ಹಳದಿ, ನೀಲಿ ಅಥವಾ ಕೆಂಪು ಬಣ್ಣಕ್ಕೆ ತಿರುಗಲು ಪ್ರಾರಂಭಿಸುತ್ತದೆ, ಇದು ನಿಮಗೆ ಸಾವು ಸಮೀಪಿಸುತ್ತಿದೆ ಎಂಬ ಸೂಚನೆ ನೀಡುತ್ತದೆ. 

ಇದನ್ನೂ ಓದಿ:ದ್ವಾದಶ ರಾಶಿಗಳ ಉದ್ಯೋಗ, ವ್ಯವಹಾರ, ಆರ್ಥಿಕ ಸ್ಥಿತಿಯ ಮೇಲೆ ಏನು ಪರಿಣಾಮ

ಅಲ್ಲದೆ, ಶಿವಪುರಾಣದ ಪ್ರಕಾರ, ಒಬ್ಬ ವ್ಯಕ್ತಿಯು ತನ್ನ ನೆರಳನ್ನು ನೋಡದಿದ್ದಾಗ ಅಥವಾ ನೆರಳು ತಲೆರಹಿತವಾದಾಗ, ಸಾವಿನ ನೆರಳು ಅವನ ಮೇಲೆ ಬಿದ್ದಿದೆ ಎಂದು ಅರ್ಥಮಾಡಿಕೊಳ್ಳಬೇಕು. ಸಾವು ಹತ್ತಿರ ಬಂದಾಗ ಕನ್ನಡಿಯಲ್ಲಿ ನೀರು, ಎಣ್ಣೆ, ತುಪ್ಪ, ನೆರಳು ಕಾಣುವುದಿಲ್ಲ. ಒಬ್ಬ ವ್ಯಕ್ತಿಗೆ ಈ ಮೇಲಿನ ಅಂಶಗಳು ಸಂಭವಿಸಿದರೆ, ಅವನ ಜೀವನ ಅಂತ್ಯದ ಹಾದಿ ಸಮೀಪಿಸಿದೆ ಅಂತ ಅರ್ಥ.