ಈ ವರ್ಷ ತುಳಸಿ ಮದುವೆ ಯಾವಾಗ? ಎಲ್ಲಾ ರೀತಿಯ ಸಂಕಷ್ಟದಿಂದ ಪಾರಾಗಲು ಮಾಡುವ ಪೂಜಾ ವಿಧಾನ ತಿಳಿಯಿರಿ..

Tulsi Vivah: ಹಿಂದೂ ಧರ್ಮದಲ್ಲಿ, ತುಳಸಿಯಲ್ಲಿ ಶ್ರೀ ಮಹಾ ವಿಷ್ಣುವಿನ ಮದುವೆ, ಸಾಲಿಗ್ರಾಮ ಅವತಾರಕ್ಕೆ ವಿಶೇಷ ಮಹತ್ವವಿದೆ. ಕಾರ್ತಿಕ ಮಾಸದ ದ್ವಾದಶಿ ದಿನದಂದು ತುಳಸಿ ಕಲ್ಯಾಣವನ್ನು ಮಾಡಲಾಗುತ್ತದೆ. ಈ ದಿನದಿಂದ ಎಲ್ಲಾ ಶುಭ ಕಾರ್ಯಗಳು ಮತ್ತೆ ಪ್ರಾರಂಭವಾಗುತ್ತವೆ. ಈ ದಿನ, ಹಿಂದೂಗಳು ತಮ್ಮ ಮನೆಗಳಲ್ಲಿ ತಾಯಿ ತುಳಸಿ ಮತ್ತು ವಿಷ್ಣುವಿನ ರೂಪವಾದ ಸಾಲಿಗ್ರಾಮದ ವಿವಾಹವನ್ನು ಮಾಡುತ್ತಾರೆ. 

ತುಳಸಿ ವಿವಾಹ ದಿನಾಂಕ 2024, ವೈದಿಕ ಪಂಚಾಂಗದ ಪ್ರಕಾರ ಕಾರ್ತಿಕ ಮಾಸದ ದ್ವಾದಶಿ ತಿಥಿಯಂದು ಮಂಗಳವಾರ, ನವೆಂಬರ್ 12 ರಂದು ಸಂಜೆ 4:02 ಕ್ಕೆ ಪ್ರಾರಂಭವಾಗುತ್ತದೆ. ಕೊನೆಯ ದಿನಾಂಕ ನವೆಂಬರ್ 13 ಬುಧವಾರ ಮಧ್ಯಾಹ್ನ 1:01 ಗಂಟೆಗೆ ಮುಗಿಯುತ್ತದೆ... ಎಂದರೇ ನವೆಂಬರ್ 12 ರಂದು ತುಳಸಿ ವಿವಾಹ ನಡೆಯಲಿದೆ.  

ಇದನ್ನೂ ಓದಿ-ಗುಂಡಿಗೆ ಗಟ್ಟಿ ಇದ್ರೆ ಮಾತ್ರ ಈ ವಿಡಿಯೋ ನೋಡಿ..!! ಮಧ್ಯರಾತ್ರಿ ಮನೆಯಲ್ಲಿ ಸಿಂಹ ಪ್ರತ್ಯಕ್ಷ... ಓಡಿದರೂ ವ್ಯಕ್ತಿಯ ಮೇಲೆ ದಾಳಿ...

ತುಳಸಿ ವಿವಾಹಕ್ಕೆ ಪೀಠದ ಮೇಲೆ ಆಸನವನ್ನು ಹರಡಿ ತುಳಸಿ ಗಿಡ ಮತ್ತು ಸಾಲಿಗ್ರಾಮ ಮೂರ್ತಿಯನ್ನು ಪ್ರತಿಷ್ಠಾಪಿಸಿ, ನಂತರ ಸುತ್ತಲೂ ಕಬ್ಬಿನ ಮಂಟಪವನ್ನು ಜೋಡಿಸಿ ಅಲಂಕರಿಸಿ ಕಲಶವನ್ನು ಸ್ಥಾಪಿಸಿ. ಮೊದಲು ಕಲಶ ಮತ್ತು ಗೌರಿ ಗಣೇಶನಿಗೆ ಪೂಜೆ ಮಾಡಿ. ನಂತರ ತುಳಸಿ ಗಿಡ ಮತ್ತು ಸಾಲಿಗ್ರಾಮ ದೇವರಿಗೆ ಧೂಪ, ದೀಪ, ಬಟ್ಟೆ, ಮಾಲೆ ಮತ್ತು ಹೂವುಗಳನ್ನು ಅರ್ಪಿಸಿ. ನಂತರ ಮಂಗಳಕರವಾದ ತುಳಸಿಯಂತಹ ಅರಿಶಿನ, ಕುಂಕುಮ ಮುಂತಾದವುಗಳೊಂದಿಗೆ ಕೆಂಪು ಬಟ್ಟೆಯನ್ನು ಅರ್ಪಿಸಿ. ಪೂಜೆಯ ನಂತರ ತುಳಸಿ ಮಂಗಳಾಷ್ಟಕವನ್ನು ಪಠಿಸಿ. ಆ ನಂತರ ಸಾಲಿಗ್ರಾಮದೊಂದಿಗೆ ತುಳಸಿಯ ಏಳು ಪ್ರದಕ್ಷಿಣೆಗಳನ್ನು ಮಾಡಿ ಈ ಪ್ರದಕ್ಷಿಣೆಯನ್ನು ಪೂರ್ಣಗೊಳಿಸಿದ ನಂತರ ಭಗವಾನ್ ವಿಷ್ಣು ಮತ್ತು ತುಳಸಿಗೆ ಆರತಿ ಮಾಡಿ. ಪೂಜೆಯ ನಂತರ ಪ್ರಸಾದ ನೀಡಿ..

ತುಳಸಿ ವಿವಾಹದ ದಿನ ವಿಧಿವಿಧಾನಗಳ ಪ್ರಕಾರ ಸಾಲಿಗ್ರಾಮ ಮತ್ತು ತುಳಸಿಯನ್ನು ಪೂಜಿಸುವುದರಿಂದ ದಾಂಪತ್ಯ ಜೀವನದಲ್ಲಿನ ಕಷ್ಟಗಳು ದೂರವಾಗಿ ಸುಖ ಸಂತೋಷವಾಗುತ್ತದೆ. ನಂಬಿಕೆ ಶಾಂತಿಯನ್ನು ಕಾಪಾಡುತ್ತದೆ.
ತುಳಸಿ ವಿವಾಹದ ಸಂದರ್ಭದಲ್ಲಿ ತುಳಸಿ ಗಿಡಕ್ಕೆ ಅಲಂಕಾರಿಕ ವಸ್ತುಗಳನ್ನು ಅರ್ಪಿಸುವುದು ಉತ್ತಮ ಐಶ್ವರ್ಯವನ್ನು ತರುತ್ತದೆ.
ತುಳಸಿ ಮದುವೆಯ ದಿನ ಸಂಜೆ ರಾವಿ ಮರದ ಕೆಳಗೆ ದೀಪವನ್ನು ಹಚ್ಚುವುದರಿಂದ ಮನೆಯಲ್ಲಿನ ದಾರಿದ್ರ್ಯ ತೊಲಗಿ ಸುಖ-ಸಮೃದ್ಧಿ ನೆಲೆಸುತ್ತದೆ.
ತುಳಸಿ ಮದುವೆಯ ದಿನದಂದು ಮುಸ್ಸಂಜೆಯಲ್ಲಿ ತುಳಸಿ ಗಿಡಕ್ಕೆ ಏಳು ಬಾರಿ ಪ್ರದಕ್ಷಿಣೆ ಹಾಕಿ ತುಪ್ಪದ ದೀಪವನ್ನು ಹಚ್ಚುವುದರಿಂದ ಲಕ್ಷ್ಮಿ ದೇವಿಯು ಅನುಗ್ರಹಿಸುತ್ತಾಳೆ.
ತುಳಸಿ ಮದುವೆಯ ಮಹತ್ವ ತುಳಸಿ ಮದುವೆ ಮಾಡುವುದರಿಂದ ವೈವಾಹಿಕ ಜೀವನದಲ್ಲಿನ ಸಮಸ್ಯೆಗಳು ದೂರವಾಗುತ್ತವೆ. ಯಾರಿಗಾದರೂ ಮದುವೆ ತಡವಾದರೆ ತುಳಸಿ ಮದುವೆ ಮದುವೆಗೆ ದಾರಿಯಾಗುತ್ತದೆ ಎಂಬ ನಂಬಿಕೆ ಇದೆ. ಅದಲ್ಲದೆ ಮಕ್ಕಳಿಲ್ಲದವರಿಗೆ ಮಕ್ಕಳ ಭಾಗ್ಯ ದೊರೆಯುತ್ತದೆ. ಸಂಸಾರದಲ್ಲಿ ನೆಮ್ಮದಿ ಇರುತ್ತದೆ. ಸಿರಿ ಸಂಪತ್ತಿಗೆ ಕೊರತೆಯಾಗುವುದಿಲ್ಲ ಎಂದು ನಂಬುತ್ತಾರೆ.