ವಿಶ್ವಕಪ್ ಸೋತಾಗ ಈ ರೀತಿ ವರ್ತನೆ ತೋರಿದ ವಿರಾಟ್ ಕೊಹ್ಲಿ: ಒಂದೂವರೆ ತಿಂಗಳ ಬಳಿಕ ವೈರಲ್ ಆಗ್ತಿದೆ ವಿಡಿಯೋ

Virat Kohli Unseen Viral Video: 2023ರ ವಿಶ್ವಕಪ್‌’ನ ಫೈನಲ್‌’ನಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಟೀಂ ಇಂಡಿಯಾ ಸೋಲು ಕಂಡಿತ್ತು. ಈ ಮೂಲಕ ವಿಶ್ವಕಪ್ ಗೆಲ್ಲುವ ಕನಸು ಕೂಡ ಭಗ್ನಗೊಂಡಿತ್ತು. ಕೋಟ್ಯಂತರ ಅಭಿಮಾನಿಗಳು ಎದೆಗುಂದಿದರೆ, ಮೈದಾನದಲ್ಲಿದ್ದ ಕ್ರಿಕೆಟಿಗರಿಗೂ ತಮ್ಮ ಭಾವನೆಗಳನ್ನು ನಿಯಂತ್ರಿಸಲು ಸಾಧ್ಯವಾಗದೆ ಕಣ್ಣೀರು ಹಾಕಿದ್ದರು. ಇದೀಗ ವಿಶ್ವಕಪ್ ಸೋತಾಗ ವಿರಾಟ್ ತೋರಿದ ವರ್ತನೆಯ ವಿಡಿಯೋವೊಂದು ಸುಮಾರು ಒಂದೂವರೆ ತಿಂಗಳ ಬಳಿಕ ವೈರಲ್ ಆಗುತ್ತಿದೆ.

ಇದನ್ನೂ ಓದಿ:ಅಯೋಧ್ಯೆಯಲ್ಲಿ ನಗರ ಯಾತ್ರೆ ವೇಳೆ ಶ್ರೀರಾಮನ ಕಣ್ಣಿಗೆ ಪಟ್ಟಿ ಕಟ್ಟುವ ಹಿಂದಿನ ಕಾರಣ ಇದು! 

ವಿರಾಟ್ ಕೊಹ್ಲಿ ವಿಡಿಯೋ:

ಭಾರತ ತಂಡ 2023ರ ವಿಶ್ವಕಪ್‌’ನಲ್ಲಿ ಅಜೇಯವಾಗಿ ಉಳಿದು ಫೈನಲ್‌’ಗೆ ಲಗ್ಗೆ ಇಟ್ಟಿತು. 10 ವರ್ಷಗಳ ಟ್ರೋಫಿ ಕನಸು ನನಸಾಗುತ್ತೆ, ಇಂಡಿಯಾ ಟ್ರೋಫಿ ಎತ್ತಿ ಹಿಡಿಯಲಿದೆ ಎಂದೇ ಇಡೀ ಭಾರತ ಭಾವಿಸಿತ್ತು. ಆದರೆ, ಅಹಮದಾಬಾದ್‌’ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಆಸ್ಟ್ರೇಲಿಯಾ ವಿರುದ್ಧ ನಡೆದ ಫೈನಲ್ ಪಂದ್ಯದಲ್ಲಿ ಭಾರತ ಹೀನಾಯ ಸೋಲು ಅನುಭವಿಸಬೇಕಾಯಿತು.

ಇದರಲ್ಲಿ ಆಸ್ಟ್ರೇಲಿಯ ತಂಡ ಗೆದ್ದು ಸಂಭ್ರಮಿಸುತ್ತಿದ್ದರೆ, ಕೊಹ್ಲಿ ದುಃಖದಿಂದ ಸ್ಟಂಪ್‌ ಬಳಿ ಹೋಗಿ ಬೇಲ್‌’ಗಳನ್ನು ಕಿತ್ತಿದ್ದಾರೆ. ಕೊಹ್ಲಿಯ ಈ ವಿಡಿಯೋ ನೋಡಿದರೆ, ಅವರಿಗೆ ಎಷ್ಟು ಬೇಸರವಾಗಿತ್ತು ಎಂಬುದು ಅರ್ಥವಾಗುತ್ತದೆ. ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ.

ಇದನ್ನೂ ಓದಿ:  ಟಿ20 ವಿಶ್ವಕಪ್’ಗೂ ಮುನ್ನ ಏಕದಿನಕ್ಕೆ ರೋಹಿತ್-ಕೊಹ್ಲಿ ವಿದಾಯ! ಹೊರಬಿತ್ತು ಬಿಗ್ ಅಪ್ಡೇಟ್

ಭಾರತ ಕ್ರಿಕೆಟ್ ತಂಡದ ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ 2023ರ ವಿಶ್ವಕಪ್‌’ನಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದರು. ಅತಿ ಹೆಚ್ಚು ರನ್ ಗಳಿಸಿದ ಆಟಗಾರರಾಗಿ ಹೊರಹೊಮ್ಮಿದ್ದ ಕೊಹ್ಲಿ, ಮ್ಯಾನ್ ಆಫ್ ದಿ ಸಿರೀಸ್ ಪ್ರಶಸ್ತಿಯನ್ನು ಪಡೆದಿದ್ದರು. ರನ್ ಮೆಷಿನ್ ಕೊಹ್ಲಿ 11 ಪಂದ್ಯಗಳಲ್ಲಿ 95.62 ಸರಾಸರಿಯಲ್ಲಿ 765 ರನ್ ಗಳಿಸಿ ಟೀಂ ಇಂಡಿಯಾವನ್ನು ಫೈನಲ್‌’ಗೆ ಕೊಂಡೊಯ್ಯುವಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು.