678 ದಿನಗಳ ಬಳಿಕ ತಂಡಕ್ಕೆ ಮರಳಿದ ಸ್ಟಾರ್ ಆಲ್’ರೌಂಡರ್! ಟೆಸ್ಟ್ ಪ್ರವೀಣನಿಂದ ಎದುರಾಳಿಗೆ ನಡುಕ ಶುರು

Moeen Ali: ಇಂಗ್ಲೆಂಡ್ ಮತ್ತು ಆಸ್ಟ್ರೇಲಿಯಾ ನಡುವೆ ನಡೆಯುತ್ತಿರುವ ಟೆಸ್ಟ್ ಸರಣಿಯ 'ದಿ ಆಶಸ್' ಮೊದಲ ಟೆಸ್ಟ್ ಪಂದ್ಯ ಬರ್ಮಿಂಗ್‌ಹ್ಯಾಮ್‌ ನ ಎಡ್ಜ್‌ಬಾಸ್ಟನ್‌ ನಲ್ಲಿ ನಡೆಯುತ್ತಿದೆ. ಈ ಪಂದ್ಯದಲ್ಲಿ ಟಾಸ್ ಗೆದ್ದ ಇಂಗ್ಲೆಂಡ್ ನಾಯಕ ಬೆನ್ ಸ್ಟೋಕ್ಸ್ ಮೊದಲು ಬ್ಯಾಟಿಂಗ್ ಮಾಡಲು ನಿರ್ಧರಿಸಿದರು. ಪಂದ್ಯದ ಮೊದಲ ದಿನವೇ ಇಂಗ್ಲೆಂಡ್ ಇನ್ನಿಂಗ್ಸ್ ಡಿಕ್ಲೇರ್ ಮಾಡುವ ಮೂಲಕ ಎಲ್ಲರನ್ನೂ ಅಚ್ಚರಿಗೊಳಿಸಿತ್ತು. ಈ ಪಂದ್ಯದ ಎರಡನೇ ದಿನದಂದು, ಸುಮಾರು ಎರಡು ವರ್ಷಗಳ ನಂತರ ಇಂಗ್ಲೆಂಡ್‌ ಟೆಸ್ಟ್ ಕ್ರಿಕೆಟ್‌ ಗೆ ಮರಳಿದ ಆಲ್‌ ರೌಂಡರ್ ಅದ್ಭುತ ಬ್ಯಾಟಿಂಗ್ ಮಾಡಿದ್ದು ಎದುರಾಳಿ ಎದೆಯಲ್ಲಿ ಭಯಹುಟ್ಟಿಸಿದ್ದಾರೆ.

ಇದನ್ನೂ ಓದಿ: ಕ್ರಿಕೆಟ್ ಟೂ ಅಗ್ರಿಕಲ್ಚರ್: ಚಾಮರಾಜನಗರದಲ್ಲಿ ಟ್ರಾಕ್ಟರ್ ಖರೀದಿಸಿದ ಬಿಸಿಸಿಐ ಅಧ್ಯಕ್ಷ

ಇಂಗ್ಲೆಂಡ್ ಪರ ಟೆಸ್ಟ್ ಕ್ರಿಕೆಟ್‌ ನಿಂದ ನಿವೃತ್ತಿಯಾದ ನಂತರ ಮತ್ತೆ ಮೈದಾನಕ್ಕೆ ಮರಳಲು ನಿರ್ಧರಿಸಿದ ಬ್ಯಾಟ್ಸ್‌ಮನ್ ಮತ್ತು ಆಫ್ ಸ್ಪಿನ್ನರ್ ಮೊಯಿನ್ ಅಲಿ, ಮೈದಾನದಲ್ಲಿ ತಮ್ಮ ಬೌಲಿಂಗ್ ನಿಂದ ಬ್ಯಾಟ್ಸ್‌ಮನ್‌ಗಳನ್ನು ತೊಂದರೆಗೊಳಿಸಲಾರಂಭಿಸಿದರು. ಮೊಯಿನ್ ಅಲಿ ಅವರು ಸೆಪ್ಟೆಂಬರ್ 2-6 ರ ನಡುವೆ ಓವಲ್ ಕ್ರಿಕೆಟ್ ಮೈದಾನದಲ್ಲಿ ಭಾರತದ ವಿರುದ್ಧ ತಮ್ಮ ಕೊನೆಯ ಟೆಸ್ಟ್ ಪಂದ್ಯವನ್ನು ಆಡಿದ್ದಾರೆ. ಆದರೆ ಈಗ ಟೆಸ್ಟ್ ಕ್ರಿಕೆಟ್‌ ಗೆ ಮತ್ತೆ ಎಂಟ್ರಿ ಕೊಟ್ಟಿದ್ದು, ಆಸ್ಟ್ರೇಲಿಯಾ ವಿರುದ್ಧದ ಆಶಸ್ ಸರಣಿಯಲ್ಲಿ ತಂಡದ ಭಾಗವಾಗಿದ್ದಾರೆ.

ಮೊಯಿನ್ ಅಲಿ ಎಡ್ಜ್‌ಬಾಸ್ಟನ್ ಟೆಸ್ಟ್‌ ನ ಎರಡನೇ ದಿನ 2 ವಿಕೆಟ್ ಪಡೆದರು. ಮೊದಲು ಆಸ್ಟ್ರೇಲಿಯಾದ ಸೆಟ್ ಬ್ಯಾಟ್ಸ್‌ಮನ್ ಟ್ರಾವಿಸ್ ಹೆಡ್‌ ಗೆ ಪೆವಿಲಿಯನ್ ಹಾದಿ ತೋರಿಸಿದರು. ಹೆಡ್ 50 ರನ್ ಗಳಿಸಿದ್ದರು. ಇದರ ನಂತರ, ಆಲ್ ರೌಂಡರ್ ಕ್ಯಾಮರೂನ್ ಗ್ರೀನ್ ಅವರನ್ನು ಸಹ ಕ್ಲೀನ್ ಬೌಲ್ಡ್ ಮಾಡಿದರು. ಮೊಯಿನ್ ಅವರ ಈ ಬೌಲಿಂಗ್ ಆಫ್ ಸ್ಟಂಪ್ ಮೇಲೆ ಬಿದ್ದಿತು. ಅಲಿ ಇದುವರೆಗೆ 29 ಓವರ್ ಗಳಲ್ಲಿ 124 ರನ್ ನೀಡಿ 2 ವಿಕೆಟ್ ಪಡೆದಿದ್ದಾರೆ.

ಇದನ್ನೂ ಓದಿ: ಉತ್ತಮ ಲೈಂಗಿಕ ಆರೋಗ್ಯ ಕಾಪಾಡಲು ಪುರುಷರು ಮಾಡಬೇಕಾದ 4 ಪ್ರಮುಖ ಸಂಗತಿಗಳು

ರೂಟ್ ನಂತರ ಖವಾಜಾ ಶತಕ!

ಇಂಗ್ಲೆಂಡ್ ತಂಡ ಮೊದಲು ಬ್ಯಾಟಿಂಗ್ ಮಾಡಿ ಮೊದಲ ಇನಿಂಗ್ಸ್ 393 ರನ್ ಗಳಿಗೆ ಡಿಕ್ಲೇರ್ ಮಾಡಿಕೊಂಡಿತ್ತು. ಇದರಲ್ಲಿ ಜೋ ರೂಟ್ ಅಮೋಘ ಶತಕ ಬಾರಿಸುವ ವೇಳೆ ಔಟಾಗದೆ 118 ರನ್ ಗಳಿಸಿದರು. ಈ ಇನ್ನಿಂಗ್ಸ್‌ ನಲ್ಲಿ 7 ಬೌಂಡರಿ ಮತ್ತು 4 ಸಿಕ್ಸರ್‌ ಗಳು ಕೂಡ ಹೊರಬಂದವು. ಇದಾದ ಬಳಿಕ ಆಸ್ಟ್ರೇಲಿಯದ ಬ್ಯಾಟಿಂಗ್ ಆರಂಭದಲ್ಲಿ ಕೊಂಚ ಚದುರಿದಂತೆ ಕಾಣುತ್ತಿತ್ತು. ಆದರೆ ಆರಂಭಿಕ ಆಟಗಾರ ಉಸ್ಮಾನ್ ಖವಾಜಾ ಪಂದ್ಯದ ಎರಡನೇ ದಿನದಲ್ಲಿ ಒಂದು ತುದಿಯನ್ನು ಉಳಿಸಿಕೊಂಡು ಅಮೋಘ ಶತಕ ದಾಖಲಿಸಿದರು. 199 ಎಸೆತಗಳನ್ನು ಎದುರಿಸಿ ಈ ಶತಕ ಪೂರೈಸಿದರು. ಎರಡನೇ ದಿನದಾಟದ ಅಂತ್ಯಕ್ಕೆ ಆಸ್ಟ್ರೇಲಿಯಾ 5 ವಿಕೆಟ್ ಕಳೆದುಕೊಂಡು 311 ರನ್ ಗಳಿಸಿದೆ. ಖವಾಜಾ (126) ಮತ್ತು ಅಲೆಕ್ಸ್ ಕ್ಯಾರಿ (52) ಕ್ರೀಸ್‌ನಲ್ಲಿದ್ದಾರೆ.