ತಂದೆ ರಾಹುಲ್ ದ್ರಾವಿಡ್ ಹಾದಿಯಲ್ಲಿ ಪುತ್ರ ಅನ್ವೇ ದ್ರಾವಿಡ್..!

ಬೆಂಗಳೂರು: ಭಾರತದ ದಂತಕಥೆ ರಾಹುಲ್ ದ್ರಾವಿಡ್ ಅವರ ಪುತ್ರ ಅನ್ವೇ ದ್ರಾವಿಡ್ ಅವರು ತಮ್ಮ ತಂದೆಯ ಹಾದಿಯನ್ನು ಅನುಸರಿಸುತ್ತಿದ್ದಾರೆ. ಹೌದು ಈಗ ಇಂಟರ್ಜೋನಲ್ ಪಂದ್ಯಾವಳಿಯಲ್ಲಿ ಕರ್ನಾಟಕ U-14 ತಂಡವನ್ನು ಮುನ್ನಡೆಸಲು ಮುಂದಾಗಿರುವುದರಿಂದ ಭವಿಷ್ಯದ ಜೂನಿಯರ್ ದ್ರಾವಿಡ್ ಕ್ರಿಕೆಟ್ ನಲ್ಲಿ ಈಗ ನಿಚ್ಚಳ ಹೆಜ್ಜೆಯನ್ನಿರಿಸಿದ್ದಾರೆ.

ಅನ್ವೇ ಅವರು ಕರ್ನಾಟಕದ ಪರವಾಗಿ ಜೂನಿಯರ್ ಕ್ರಿಕೆಟ್ ಆಡುತ್ತಿದ್ದಾರೆ ಮತ್ತು ಈಗಾಗಲೇ ಅವರು ಆಗಾಗ್ಗೆ ತಮ್ಮ ನಿರಂತರ ಪ್ರದರ್ಶನದಿಂದಾಗಿ ಗಮನ ಸೆಳೆದಿದ್ದಾರೆ.ಕುತೂಹಲಕಾರಿ ಸಂಗತಿ ಎಂದರೆ ಅನ್ವೇ ದ್ರಾವಿಡ ಕೂಡ ತಂದೆಯಂತೆ ವಿಕೆಟ್‌ಕೀಪರ್ ಆಗಿದ್ದಾರೆ.ವಿಶೇಷವೆಂದರೆ ಅನ್ವೇ ಯ ಅಣ್ಣ ಸಮಿತ್ ಕೂಡ ಕ್ರಿಕೆಟಿಗರಾಗಿದ್ದಾರೆ. 2019/20 ಋತುವಿನಲ್ಲಿ U-14 ಮಟ್ಟದಲ್ಲಿ ಎರಡು ದ್ವಿಶತಕಗಳನ್ನು ಸಿಡಿಸಿದಾಗ ಸಮಿತ್ ಗಮನ ಸೆಳೆದಿದ್ದರು. ಸಮಿತ್ ಈಗಾಗಲೇ U-14 ಮಟ್ಟದಲ್ಲಿ ಹೆಸರು ಮಾಡಿದ್ದಾರೆ ಮತ್ತು ಅನ್ವೇ ಕೂಡ ಆ ನಿಟ್ಟಿನಲ್ಲಿ ಹೆಸರು ಮಾಡಲು ಮುಂದಾಗಿದ್ದಾರೆ.