`ಬುಮ್ರಾ ವಿಶ್ವದ ಶ್ರೇಷ್ಠ ಬೌಲರ್`- ಭಾರತದ ಆಟಗಾರನನ್ನು ಕೊಂಡಾಡಿದ ಟೀಂ ಇಂಡಿಯಾದ ದೊಡ್ಡ ಶತ್ರು ಎಂದೇ ಪರಿಗಣಿಸಲ್ಪಟ್ಟ ಈ ಕ್ರಿಕೆಟಿಗ

Travis Head statement on Jasprit Bumrah: ಟ್ರಾವಿಸ್ ಹೆಡ್ ಭಾರತದಿಂದ ವಿಶ್ವಕಪ್ 2023 ಟ್ರೋಫಿಯನ್ನು ಕಸಿದುಕೊಂಡ ಆಟಗಾರ ಎಂದೇ ಕರೆಯಲಾಗುತ್ತದೆ. ಆಸ್ಟ್ರೇಲಿಯಾದ ಬ್ಯಾಟ್ಸ್‌ಮನ್ ಟ್ರಾವಿಸ್ ಹೆಡ್ ಅವರು ಜಸ್ಪ್ರೀತ್ ಬುಮ್ರಾ ಶ್ರೇಷ್ಠ ವೇಗದ ಬೌಲರ್‌ಗಳಲ್ಲಿ ಒಬ್ಬರಾಗಿದ್ದಾರೆ ಎಂದು ಹೇಳಿಕೆ ನೀಡಿದ್ದಾರೆ. ಅಷ್ಟೇ ಅಲ್ಲದೆ, ಭಾರತೀಯ ವೇಗದ ಬೌಲರ್ ಅನ್ನು ಎದುರಿಸುವ ಕಠಿಣ ಸವಾಲಿನ ಬಗ್ಗೆ ಅವರು ತಮ್ಮ ಮೊಮ್ಮಕ್ಕಳಿಗೆ ಕೂಡ ಹೆಮ್ಮೆಯಿಂದ ಹೇಳುತ್ತಾರಂತೆ.

ಇದನ್ನು ಓದಿ: 27 ಕೋಟಿಗೆ ಹರಾಜಾದರೂ ಐಪಿಎಲ್‌ನಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆದಿರುವುದು ರಿಷಬ್‌ ಪಂತ್‌ ಅಲ್ಲ... ಈ ಆಟಗಾರ!

ಪರ್ತ್‌ನಲ್ಲಿ ನಡೆದ ಬಾರ್ಡರ್ ಗವಾಸ್ಕರ್ ಟ್ರೋಫಿಯ ಮೊದಲ ಟೆಸ್ಟ್ ಪಂದ್ಯದಲ್ಲಿ ಜಸ್ಪ್ರೀತ್ ಬುಮ್ರಾ ಅದ್ಭುತ ಪ್ರದರ್ಶನ ನೀಡಿದ್ದರು ಇದರಿಂದಾಗಿ ಭಾರತವು 295 ರನ್‌ಗಳಿಂದ ಪಂದ್ಯವನ್ನು ಗೆಲ್ಲುವಲ್ಲಿ ಯಶಸ್ವಿಯಾಗಿತ್ತು.

"ಜಸ್ಪ್ರೀತ್ ಬುಮ್ರಾ ಬಹುಶಃ ಪ್ರಸ್ತುತ ಜಗತ್ತಿನ ಶ್ರೇಷ್ಠ ವೇಗದ ಬೌಲರ್‌ಗಳಲ್ಲಿ ಒಬ್ಬರು. ಇವರ ಆಟ ನಮಗೆ ಎಷ್ಟು ಸವಾಲಾಗಿದೆ ಎಂಬುದನ್ನು ನಾವು ಈಗಾಗಲೇ ಕಂಡುಕೊಳ್ಳುತ್ತಿದ್ದೇವೆ. ಅವರ ವಿರುದ್ಧ ಆಡುವುದು ಖುಷಿ ಎನಿಸುತ್ತದೆ' ಎಂದು ಟ್ರಾವಿಸ್ ಹೆಡ್ ಹೇಳಿದರು.

ಇದನ್ನು ಓದಿ: 'ಕೊಹ್ಲಿಯಂತೆ...'- ಆಸೀಸ್‌ ವಿರುದ್ಧದ 2ನೇ ಟೆಸ್ಟ್‌ ದಿನಗಣನೆ ಬೆನ್ನಲ್ಲೇ ವಿರಾಟ್‌ ಬಗ್ಗೆ ರಿಕಿ ಪಾಂಟಿಂಗ್‌ ಹೇಳಿದ್ದೇನು?

'ಭವಿಷ್ಯದಲ್ಲಿ ನನ್ನ ವೃತ್ತಿಜೀವನದತ್ತ ಹಿಂತಿರುಗಿ ನೋಡಿದಾಗ, ನಾನು ಅವರನ್ನು ಎದುರಿಸಿದ್ದೇನೆ ಎಂದು ನನ್ನ ಮೊಮ್ಮಕ್ಕಳಿಗೆ ಹೆಮ್ಮೆಯಿಂದ ಹೇಳುತ್ತೇನೆ. ಹಾಗಾಗಿ ಅವರ ವಿರುದ್ಧ ಆಡುವುದು ಹೆಮ್ಮೆ. ಭವಿಷ್ಯದಲ್ಲಿ ಅವರ ವಿರುದ್ಧ ಆಡುವ ಅವಕಾಶ ಸಿಗುತ್ತದೆ ಎಂದು ಭಾವಿಸುತ್ತೇವೆ ಆದರೆ ಅವರನ್ನು ಎದುರಿಸುವುದು ಸವಾಲಿನ ಸಂಗತಿ" ಎಂದಿದ್ದಾರೆ.