24ರ ಹರೆಯದ ಈ ಆಟಗಾರನಿಗಾಗಿ 10 ಫ್ರಾಂಚೈಸಿಗಳ ಮಧ್ಯೆ ವಾರ್! ವಿಶ್ವಕಪ್ ಹೀರೋಗೆ ಕೋಟಿ ಕೋಟಿ ಸುರಿಯೋದು ಫಿಕ್ಸ್

ipl 2024 auction: ಐಪಿಎಲ್ 2024ರ ಮಿನಿ ಹರಾಜಿಗೆ ಕೇವಲ 3 ದಿನಗಳು ಮಾತ್ರ ಉಳಿದಿವೆ. ಡಿಸೆಂಬರ್ 19 ರಂದು, ಎಲ್ಲಾ ತಂಡಗಳು ತಮ್ಮ ಕ್ಯಾಂಪ್’ನ್ನು ಬಲಪಡಿಸಲು ಶ್ರೇಷ್ಠ ಆಟಗಾರರ ಮೇಲೆ ಬಾಜಿ ಕಟ್ಟಲಿವೆ. ಹರಾಜಿನಲ್ಲಿ 333 ಆಟಗಾರರ ಹರಾಜು ನಡೆಯಲಿದೆ. ಆದರೆ ಈ ಒಬ್ಬ ಆಟಗಾರನ ಮೇಲೆ ಫ್ರಾಂಚೈಸಿಗಳ ಕಣ್ಣುಬಿದ್ದಿದೆ.

ಇದನ್ನೂ ಓದಿ: ವಿನಯ್, ನಮ್ರತಾ ಅಲ್ಲ… ಇವರಾಗ್ತಾರೆ ಬಿಗ್ ಬಾಸ್ ಸೀಸನ್ 10ರ ವಿನ್ನರ್ ಎಂದ ಸ್ನೇಹಿತ್ ಗೌಡ!

ಕೇವಲ 24 ವರ್ಷ ವಯಸ್ಸಿನ ಈ ಆಟಗಾರ ತನ್ನ ಮೊದಲ ವಿಶ್ವಕಪ್‌’ನಲ್ಲೇ ಬೌಂಡರಿ ಬಾರಿಸುವ ಮೂಲಕ ಸಾಕಷ್ಟು ರನ್ ಗಳಿಸಿದ್ದಾರೆ. ವಿಶ್ವಕಪ್‌ನಲ್ಲಿ ಬ್ಯಾಟಿಂಗ್ ಮೂಲಕ ಎಲ್ಲರನ್ನೂ ಅಚ್ಚರಿಗೊಳಿಸಿದ್ದ ನ್ಯೂಜಿಲೆಂಡ್‌’ನ ಯಂಗ್ ಸ್ಟಾರ್ ರಚಿನ್ ರವೀಂದ್ರ ಬಗ್ಗೆ ನಾವು ಮಾತನಾಡುತ್ತಿದ್ದೇವೆ.

ವಿಶ್ವಕಪ್‌’ನಲ್ಲಿ, ರಚಿನ್ ರವೀಂದ್ರ 10 ಪಂದ್ಯಗಳಲ್ಲಿ 578 ರನ್ ಗಳಿಸಿದ್ದರು. ಈ ಮೂಲಕ ಪಂದ್ಯಾವಳಿಯಲ್ಲಿ ಹೆಚ್ಚು ರನ್ ಗಳಿಸಿದ ಟಾಪ್-5 ಬ್ಯಾಟ್ಸ್‌ಮನ್‌’ಗಳಲ್ಲಿ ಒಬ್ಬರು ಎಂದು ಪರಿಗಣಿಸಲ್ಪಟ್ಟಿದ್ದರು. 3 ಶತಕ ಮತ್ತು 2 ಅರ್ಧಶತಕಗಳನ್ನು ಬಾರಿಸುವ ಮೂಲಕ ಅನೇಕ ದಾಖಲೆಗಳನ್ನು ತಮ್ಮ ಹೆಸರಿನಲ್ಲಿ ನೋಂದಾಯಿಸಿಕೊಂಡರು. ಆರಂಭಿಕ ಬ್ಯಾಟ್ಸ್ ಮನ್ ಆಗಿ ರವೀಂದ್ರ ಬ್ಯಾಟಿಂಗ್ ಅಬ್ಬರ ಎಲ್ಲೆಡೆ ಚರ್ಚೆಯಾಗಿತ್ತು.

ಅಂದಹಾಗೆ ರಚಿನ್ ರವೀಂದ್ರ ಇದುವರೆಗೆ 18 ಟಿ20 ಪಂದ್ಯಗಳನ್ನು ಆಡಿದ್ದಾರೆ. ಈ ಪಂದ್ಯಗಳಲ್ಲಿ ಕೇವಲ 145 ರನ್ ಗಳಿಸಿದ್ದಾರೆ, ಇದರಲ್ಲಿ ಅವರ ಗರಿಷ್ಠ ಸ್ಕೋರ್ 45 ಆಗಿದೆ. ಇದಲ್ಲದೇ ಬೌಲಿಂಗ್’ನಲ್ಲಿ 11 ವಿಕೆಟ್ ಪಡೆದಿದ್ದಾರೆ. ಈಗ ಈ ಅಂಕಿಅಂಶಗಳನ್ನು ಪರಿಗಣಿಸಿದರೆ ಯಾವ ತಂಡವು ಅವರ ಮೇಲೆ ಬೆಟ್ಟಿಂಗ್ ಮಾಡುತ್ತದೆ ಎಂದು ನೋಡಬೇಕಾಗಿದೆ. ಅಷ್ಟಕ್ಕೂ ಐಪಿಎಲ್ 2024ಕ್ಕೆ ರಚಿನ್ ರವೀಂದ್ರ ಅವರ ಮೂಲ ಬೆಲೆ 50 ಲಕ್ಷ ರೂ.

ಇದನ್ನೂ ಓದಿ: ಒಡೆದ ಹಿಮ್ಮಡಿಗೆ ಜೇನುತುಪ್ಪ ಅತ್ಯುತ್ತಮ ಮನೆಮದ್ದು: ಹೀಗೆ ಬಳಸಿದ್ರೆ ನೋವಿನ ಜೊತೆ ಒಡೆತವೂ ಮಾಯವಾಗುತ್ತೆ!

ಏಕದಿನ ವಿಶ್ವಕಪ್ ನಂತರ ರಚಿನ್ ರವೀಂದ್ರ ಅವರ ಸ್ಥಾನಮಾನ ಸಾಕಷ್ಟು ಹೆಚ್ಚಾಗಿದೆ. ಹೀಗಿರುವಾಗ ತಂಡಗಳು ಅವರ ಮೇಲೆ ಭರ್ಜರಿ ಹಣ ಸುರಿಯಬಹುದು ಎಂದು ಹೇಳಲಾಗುತ್ತಿದೆ.