ಪುರುಷರ ಕ್ರಿಕೆಟ್ ಗೆ ಅಂಪೈರ್ ಆಗುತ್ತಿರುವ ಈ ಮಹಿಳೆಯ ಬಗ್ಗೆ ನಿಮಗೆಷ್ಟು ಗೊತ್ತು?

ನವದೆಹಲಿ: ಸಾಮಾನ್ಯವಾಗಿ ಪುರುಷರ ಕ್ರಿಕೆಟ್ ಆಟದಲ್ಲಿ ಪುರುಷ ಅಂಪೈರ್ ಗಳನ್ನು ನೋಡುವುದು ಸಾಮಾನ್ಯದ ಸಂಗತಿ. ಈಗ  ಇದೇ ಮೊದಲ ಬಾರಿಗೆ ಮಹಿಳೆಯೊಬ್ಬರು ಪುರುಷರ ಕ್ರಿಕೆಟ್ ಆಟದಲ್ಲಿ ಅಂಪೈರ್ ಆಗಲು ಹೊರಟಿದ್ದಾರೆ. ಹೌದು ಹಾಗಾದರೆ ಅವರು ಯಾರಂತೀರಾ ? ಅವರೇ ಕ್ಲೇರ್ ಪೊಲೊಸಾಕ್.

ಈಗ ಕ್ಲೇರ್ ಪೊಲೊಸಾಕ್ ಕ್ರಿಕೆಟ್ ಇತಿಹಾಸದಲ್ಲಿ ಮೊದಲ ಬಾರಿಗೆ ಅಂತರಾಷ್ಟ್ರೀಯ ಪುರುಷರ ಏಕದಿನದ ಪಂದ್ಯದಲ್ಲಿ ಮೊದಲ ಮಹಿಳಾ ಅಂಪೈರ್ ಆಗಿ ಕಾರ್ಯ ನಿರ್ವಹಿಸಲಿದ್ದಾರೆ. ಒಮನ್ ಮತ್ತು ನಮೀಬಿಯಾ ನಡುವಿನ ವಿಶ್ವ ಕ್ರಿಕೆಟ್ ಲೀಗ್ ವಿಭಾಗ 2 ಪಂದ್ಯದ ಫೈನಲ್ನಲ್ಲಿ 31 ವರ್ಷದ ಈ ಅಂಪೈರ್ ಮೊದಲ ಬಾರಿಗೆ ಲಿಂಗ ತಾರತಮ್ಯದ ಗೋಡೆಯನ್ನು ಮುರಿದಿದ್ದಾರೆ. ಇದೇ ವೇಳೆ ಇದೆಲ್ಲವೂ ಕೂಡ ತಮ್ಮ ಪತಿ ಬೆಂಬಲದಿಂದ ಎಂದು ಕ್ಲೇರ್ ಪೊಲೊಸಾಕ್ ಹೇಳಿಕೊಂಡಿದ್ದಾರೆ.

2017 ರಲ್ಲಿ ಆಸ್ಟ್ರೇಲಿಯಾದಲ್ಲಿ ಪುರುಷರ ದೇಶಿಯ ಪಂದ್ಯದಲ್ಲಿ ಮೊದಲ ಮಹಿಳಾ ಅಂಪೈರ್ ಆಗಿ ಪೊಲೊಸಾಕ್  ಕಾರ್ಯನಿರ್ವಹಿಸಿದ್ದರು.