ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಭವಿಷ್ಯದ ಬಗ್ಗೆ ಕಳವಳ ವ್ಯಕ್ತಪಡಿಸಿದ ಕಪಿಲ್ ದೇವ್ !

ಭಾರತದ ಮೊದಲ ವಿಶ್ವಕಪ್ ವಿಜೇತ ತಂಡದ ನಾಯಕ ಕಪಿಲ್ ದೇವ್, ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಭವಿಷ್ಯದ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದಾರೆ. ಈ ಇಬ್ಬರೂ ಮ್ಯಾಚ್ ವಿನ್ನರ್‌ಗಳು ತಮ್ಮ ಸುವರ್ಣ ಸಮಯವನ್ನು ಮೀರಿ ಹೋಗಿದ್ದಾರೆ ಎಂದು ಹೇಳಿದ್ದಾರೆ. 35 ನೇ ವಯಸ್ಸಿನಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಿಂದ ನಿವೃತ್ತರಾದ ಕಪಿಲ್ ದೇವ್, ಆಟಗಾರನು 34 ವರ್ಷವನ್ನು ದಾಟಿದ ನಂತರ‌ ಅವನ ಭವಿಷ್ಯವು ಸಂಪೂರ್ಣವಾಗಿ ದೇಹ ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂಬುದರ ಮೇಲೆ ಅವಲಂಬಿತವಾಗಿರುತ್ತದೆ.

ಕೊಹ್ಲಿ 35 ವರ್ಷ ಮತ್ತು ರೋಹಿತ್ 36 ನೇ ವಯಸ್ಸಿನಲ್ಲಿ ಆಡುವ ಮೂಲಕ 2024 T20 ವಿಶ್ವಕಪ್ ಗೆಲುವಿಗೆ ನೆರವಾದರು. ಮುಂದಿನ ವರ್ಷ ನಡೆಯಲಿರುವ ಚಾಂಪಿಯನ್ಸ್ ಟ್ರೋಫಿ ಮತ್ತು ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್ ಫೈನಲ್‌ನ ಮೇಲೂ ಇಬ್ಬರೂ ಕಣ್ಣಿಟ್ಟಿದ್ದಾರೆ. ಅವರ ವಯಸ್ಸಿನ ಈ ಹಂತದಲ್ಲೂ ರೋಹಿತ್ ಅದ್ಭುತವಾಗಿ ಬ್ಯಾಟಿಂಗ್ ಮಾಡುತ್ತಿದ್ದು, ನಾಯಕತ್ವವೂ ಅತ್ಯುತ್ತಮವಾಗುತ್ತಿದೆ. ಮತ್ತೊಂದೆಡೆ ವಿರಾಟ್ ಫಿಟ್ನೆಸ್ ಬಗ್ಗೆ ಪ್ರಶ್ನೆಯೇ ಇಲ್ಲ. ಅವರು ವಿಶ್ವ ಕ್ರಿಕೆಟ್‌ನ ಫಿಟ್ ಆಟಗಾರರಲ್ಲಿ ಒಬ್ಬರು.

ಇದನ್ನೂ ಓದಿ: ಆರ್. ಅಶ್ವಿನ್‌ ಅಭಿಮಾನಿಗಳಿಗೆ ಗುಡ್‌ನ್ಯೂಸ್!!‌ ಅದ್ಭುತ ಗೆಲುವಿನ ನಂತರ ದೊಡ್ಡ ಹೆಜ್ಜೆ ಇಟ್ಟ ಸ್ಪಿನ್‌ ಮಾಸ್ಟರ್‌! ‌

ಕಳೆದ ಕೆಲವು ತಿಂಗಳುಗಳು ಕೊಹ್ಲಿಗೆ ಉತ್ತಮವಾಗಿರಲಿಲ್ಲ, ಆದರೆ ಅವರ ಪ್ರಮುಖ ಇನ್ನಿಂಗ್ಸ್ ತಂಡವನ್ನು ಹಲವು ಬಾರಿ ಗೆಲ್ಲಲು ಸಹಾಯ ಮಾಡಿದೆ. ರೋಹಿತ್ ಮತ್ತು ಕೊಹ್ಲಿ ಕೂಡ ಮುಂದೊಂದು ದಿನ ನಿವೃತ್ತಿ ಹೊಂದಲಿದ್ದು, ಟೀಂ ಇಂಡಿಯಾ ಶೂನ್ಯವಾಗಲಿದೆ. ಆ ಜಾಗವನ್ನು ತುಂಬುವುದು ಭಾರತೀಯ ಕ್ರಿಕೆಟ್‌ಗೆ ಸುಲಭವಲ್ಲ. 

ಕಪಿಲ್ ದೇವ್ ಹೇಳಿದ್ದೇನು?

ಮೈ ಖೇಲ್ ಜೊತೆಗಿನ ಸಂವಾದದಲ್ಲಿ, ನನ್ನ ಅಭಿಪ್ರಾಯದಲ್ಲಿ, 34 ನೇ ವಯಸ್ಸಿನ ನಂತರ ಆಟಗಾರರ ಫಿಟ್ನೆಸ್ ಅವರ ವೃತ್ತಿಜೀವನವನ್ನು ಖಚಿತಪಡಿಸುತ್ತದೆ. ಜೂನ್‌ನಲ್ಲಿ ಟಿ20 ವಿಶ್ವಕಪ್ ಗೆದ್ದ ನಂತರ, ಕೊಹ್ಲಿ ಮತ್ತು ರೋಹಿತ್ ಈ ಸ್ವರೂಪದಿಂದ ನಿವೃತ್ತರಾದರು. ಇದೀಗ ಭಾರತದ ಕಣ್ಣು 2027ರಲ್ಲಿ ನಡೆಯಲಿರುವ ಮುಂದಿನ ಏಕದಿನ ವಿಶ್ವಕಪ್‌ನತ್ತ ನೆಟ್ಟಿದೆ. ಇಬ್ಬರೂ ಆಟಗಾರರು ಫಿಟ್ ಆಗಿದ್ದರೆ ಆ ಟೂರ್ನಿಯಲ್ಲಿ ಅವರನ್ನು ನೋಡಬಹುದು. ಅದಕ್ಕೂ ಮೊದಲು 2025 ರಲ್ಲಿ ಎರಡು ICC ಪಂದ್ಯಾವಳಿಗಳನ್ನು (ಚಾಂಪಿಯನ್ಸ್ ಟ್ರೋಫಿ ಮತ್ತು ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್) ಗೆಲ್ಲುವತ್ತ ಇಬ್ಬರೂ ತಮ್ಮ ಗಮನ ಹೊಂದಿದ್ದಾರೆ ಎಂದು ಕಪಿಲ್ ದೇವ್ ಹೇಳಿದರು. 

ಇದನ್ನೂ ಓದಿ: ತೆರೆಗೆ ಬರಲು ಸಜ್ಜಾಗುತ್ತಿದೆ ಟೀಂ ಇಂಡಿಯಾ ನಾಯಕ ರೋಹಿತ್‌ ಶರ್ಮಾ ಅವರ ಜೀವನ ಚರಿತ್ರೆ? ಬಯೋಪಿಕ್‌ನಲ್ಲಿ ನಟಿಸುತ್ತಿರುವ ಸ್ಟಾರ್‌ ಹೀರೋ ಯಾರು ಗೊತ್ತಾ?

ರವಿ ಶಾಸ್ತ್ರಿ ಬಹಳ ಚಿಕ್ಕ ವಯಸ್ಸಿನಲ್ಲಿ ನಿವೃತ್ತರಾದರು. ಆದರೆ ಸಚಿನ್ ತೆಂಡೂಲ್ಕರ್ ಬಹಳ ಸುದೀರ್ಘ ವೃತ್ತಿಜೀವನವನ್ನು ಹೊಂದಿದ್ದರು. ಆದ್ದರಿಂದ ಒಬ್ಬ ಆಟಗಾರ ತನ್ನ ಜೀವನ ವಿಧಾನವನ್ನು ಸಂಪೂರ್ಣವಾಗಿ ನಿರ್ಧರಿಸುತ್ತಾನೆ. ಫಿಟ್ ಆಗಿರಿ ಮತ್ತು ನೀವು ಆಟವನ್ನು ಆನಂದಿಸುವವರೆಗೂ ಆಟವಾಡುತ್ತಿರಿ ಎಂದು ಕಪಿಲ್ ದೇವ್ ಹೇಳಿದ್ದಾರೆ. 

ಸಚಿನ್ ತೆಂಡೂಲ್ಕರ್ 40 ವರ್ಷ ವಯಸ್ಸಿನವರೆಗೆ ಆಡಿದರೆ, ಮಹೇಂದ್ರ ಸಿಂಗ್ ಧೋನಿ ತಮ್ಮ ವೃತ್ತಿಜೀವನವನ್ನು 39 ವರ್ಷಕ್ಕೆ ಕೊನೆಗೊಳಿಸಿದರು. ಕೊಹ್ಲಿ ಮತ್ತು ರೋಹಿತ್ ಈಗಾಗಲೇ ಒಂದು ಫಾರ್ಮ್ಯಾಟ್‌ಗೆ ವಿದಾಯ ಹೇಳಿದ್ದಾರೆ. ಈಗ ಇಬ್ಬರೂ ಎಷ್ಟು ದಿನ ಆಟವಾಡುತ್ತಾರೆ ಎಂಬುದನ್ನು ಕಾದು ನೋಡಬೇಕಿದೆ.