6000 ದಿಂದ 50 ಸಾವಿರಕ್ಕೆ… ವಿಶ್ವಕಪ್ ವೇಳಾಪಟ್ಟಿ ಬಿಡುಗಡೆಯಾಗಿದ್ದೇ ತಡ ಅಹಮದಾಬಾದ್ ಹೋಟೆಲ್ ರೂಂ ಬೆಲೆ ಇಷ್ಟೊಂದಾ?

Ahmedabad Hotel Room Rates: ಐಸಿಸಿ ಕ್ರಿಕೆಟ್ ವಿಶ್ವಕಪ್ 2023 ರ ವೇಳಾಪಟ್ಟಿ ಬಿಡುಗಡೆಯಾಗಿದ್ದೇ ತಡ ಇದ್ದಕ್ಕಿದ್ದಂತೆ ಅಹಮದಾಬಾದ್ ನಲ್ಲಿ ಹೋಟೆಲ್ ರೂಮಿನ ಬಾಡಿಗೆ ಭಾರೀ ಏರಿಕೆಯಾಗಿದೆ. ICC 2023 ODI ವಿಶ್ವಕಪ್ ಅಕ್ಟೋಬರ್ 5 ರಿಂದ ಪ್ರಾರಂಭವಾಗುತ್ತದೆ ಮತ್ತು ಅಂತಿಮ ಪಂದ್ಯವು ನವೆಂಬರ್ 19 ರಂದು ನಡೆಯಲಿದೆ. ಅಕ್ಟೋಬರ್ 15 ರಂದು ಅಹಮದಾಬಾದ್‌ ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಭಾರತ ಮತ್ತು ಪಾಕಿಸ್ತಾನ ನಡುವಿನ ಮಹಾ ಪಂದ್ಯ ನಡೆಯಲಿದೆ. ಐಸಿಸಿ 2023ರ ಏಕದಿನ ವಿಶ್ವಕಪ್‌ನ ಅಂತಿಮ ಪಂದ್ಯವೂ ಅಹಮದಾಬಾದ್‌ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆಯಲಿದೆ.

ಇದನ್ನೂ ಓದಿ: ವಿಶ್ವಕಪ್’ಗೂ ಮುನ್ನ ಈ 2 ಪಂದ್ಯಗಳನ್ನು ಆಡಲೇಬೇಕು ಟೀಂ ಇಂಡಿಯಾ! ಯಾವ ಆಟ? ವೇಳಾಪಟ್ಟಿ ಹೀಗಿದೆ

ಅಹಮದಾಬಾದ್‌ನಲ್ಲಿ ಹೋಟೆಲ್ ಕೊಠಡಿ ಈ ಬೆಲೆಗೆ ಲಭ್ಯ…

ಕ್ರಿಕೆಟ್ ವಿಶ್ವಕಪ್ 2023 ರ ವೇಳಾಪಟ್ಟಿ ಬಂದ ತಕ್ಷಣ, ಅಹಮದಾಬಾದ್‌ ನಲ್ಲಿ ಹೋಟೆಲ್ ಕೋಣೆಯ ಬಾಡಿಗೆ ಇದ್ದಕ್ಕಿದ್ದಂತೆ ಗಗನಕ್ಕೇರಿದೆ. 2023ರ ವಿಶ್ವಕಪ್‌ ನಲ್ಲಿ ಭಾರತ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯ ಮತ್ತು ಫೈನಲ್ ಪಂದ್ಯದ ಆಯೋಜನೆಯಿಂದಾಗಿ, ಅಹಮದಾಬಾದ್ ಹೋಟೆಲ್‌ ಗಳಲ್ಲಿ ಬುಕಿಂಗ್ ಈಗಾಗಲೇ ಪ್ರಾರಂಭವಾಗಿದೆ. ವಿಶ್ವಕಪ್ 2023 ಆರಂಭವಾಗಲು ಇನ್ನೂ 4 ತಿಂಗಳು ಬಾಕಿ ಇದೆ. 2023ರ ವಿಶ್ವಕಪ್ ವೇಳೆ ಭಾರತ ಹಾಗೂ ವಿದೇಶಗಳಿಂದ ಜನರು ಅಹಮದಾಬಾದ್‌ ಗೆ ಕ್ರಿಕೆಟ್ ವೀಕ್ಷಿಸಲು ಬರುತ್ತಾರೆ, ಇಂತಹ ಪರಿಸ್ಥಿತಿಯಲ್ಲಿ ಇಲ್ಲಿನ ಹಲವು ಹೋಟೆಲ್‌ ಗಳ ಒಂದು ರಾತ್ರಿ ಬಾಡಿಗೆ 50 ಸಾವಿರ ರೂ.ವರೆಗೆ ತಲುಪಿದೆ. ಸಾಮಾನ್ಯ ದಿನಗಳಲ್ಲಿ, ಈ ಕೊಠಡಿಗಳ ಬೆಲೆ ರಾತ್ರಿಗೆ 6,500-10,500 ರೂ.

ಭಾರತ ಮತ್ತು ಪಾಕಿಸ್ತಾನ ನಡುವಿನ ODI ವಿಶ್ವಕಪ್ ಪಂದ್ಯವು ಅಕ್ಟೋಬರ್ 15 ರಂದು ಅಹಮದಾಬಾದ್‌ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆಯಲಿದೆ, ಆದರೆ ಫೈನಲ್ ನವೆಂಬರ್ 19 ರಂದು ಈ ವಿಶ್ವದ ಅತಿದೊಡ್ಡ ಕ್ರೀಡಾಂಗಣದಲ್ಲಿ ನಡೆಯಲಿದೆ. ಅಕ್ಟೋಬರ್ 5 ರಂದು ಅಹಮದಾಬಾದ್‌ ನಲ್ಲಿ ಪಂದ್ಯಾವಳಿಯು ಹಿಂದಿನ ವಿಜೇತ ಇಂಗ್ಲೆಂಡ್ ಮತ್ತು ರನ್ನರ್ ಅಪ್ ನ್ಯೂಜಿಲೆಂಡ್ ನಡುವಿನ ಪಂದ್ಯದೊಂದಿಗೆ ಪ್ರಾರಂಭವಾಗಲಿದೆ. ನರೇಂದ್ರ ಮೋದಿ ಕ್ರೀಡಾಂಗಣವು ವೀಕ್ಷಕರ ಸಂಖ್ಯೆಯಿಂದ ವಿಶ್ವದ ಅತಿದೊಡ್ಡ ಕ್ರೀಡಾಂಗಣವಾಗಿದೆ, ಇದು 132000 ಪ್ರೇಕ್ಷಕರನ್ನು ಒಂದೇ ಬಾರಿ ಕುಳಿತುಕೊಳ್ಳಬಹುದು. ಇದು ಮೆಲ್ಬೋರ್ನ್ ಕ್ರಿಕೆಟ್ ಗ್ರೌಂಡ್ (MCG) ಗಿಂತ 32000 ಹೆಚ್ಚು ಮಂದಿ ಕುಳಿತುಕೊಳ್ಳುವ ಸಾಮಾರ್ಥ್ಯ ಹೊಂದಿದೆ.

ವಿಶ್ವಕಪ್ 2023 ರ ಮೊದಲ ಸೆಮಿಫೈನಲ್ ನವೆಂಬರ್ 15 ರಂದು ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ಮತ್ತು ಮರುದಿನ ಕೋಲ್ಕತ್ತಾದ ಈಡನ್ ಗಾರ್ಡನ್ಸ್‌ನಲ್ಲಿ ನಡೆಯಲಿದೆ. ಎರಡೂ ಸೆಮಿಫೈನಲ್‌ ಗಳಲ್ಲಿ ಮೀಸಲು ದಿನ ಇರುತ್ತದೆ. ನವೆಂಬರ್ 19 ರಂದು ಅಹಮದಾಬಾದ್‌ ನಲ್ಲಿ ಫೈನಲ್ ಪಂದ್ಯ ನಡೆಯಲಿದ್ದು, ನವೆಂಬರ್ 20 ಮೀಸಲು ದಿನವಾಗಿರುತ್ತದೆ. ಎಲ್ಲಾ ಮೂರು ನಾಕೌಟ್ ಪಂದ್ಯಗಳು ಹಗಲು ರಾತ್ರಿಯದ್ದಾಗಿರುತ್ತವೆ. ODI ವಿಶ್ವಕಪ್‌ ಗೆ 100 ದಿನಗಳ ಮುಂಚಿತವಾಗಿ ವೇಳಾಪಟ್ಟಿಯನ್ನು ಪ್ರಕಟಿಸಿದ ICC, ಆತಿಥೇಯ ಭಾರತವು ಅಕ್ಟೋಬರ್ 8 ರಂದು ಐದು ಬಾರಿ ವಿಶ್ವಕಪ್ ವಿಜೇತ ಆಸ್ಟ್ರೇಲಿಯಾ ವಿರುದ್ಧ ಚೆನ್ನೈನಲ್ಲಿ ತನ್ನ ಅಭಿಯಾನವನ್ನು ಪ್ರಾರಂಭಿಸಲಿದೆ ಎಂದು ಹೇಳಿದೆ.

ಗುವಾಹಟಿಯಲ್ಲಿ ಚೊಚ್ಚಲ ಪಂದ್ಯ:

ಅಭ್ಯಾಸ ಪಂದ್ಯಗಳು ಸೇರಿದಂತೆ ಪಂದ್ಯಾವಳಿಯ ಪಂದ್ಯಗಳನ್ನು ಆಡುವ 12 ಸ್ಥಳಗಳಲ್ಲಿ ಗುವಾಹಟಿಯೂ ಒಂದಾಗಿದೆ. ಮೊದಲ ಬಾರಿಗೆ ಈಶಾನ್ಯ ಭಾರತದಲ್ಲಿ ವಿಶ್ವಕಪ್‌ ನ ಚೊಚ್ಚಲ ಪಂದ್ಯ ನಡೆಯಲಿದೆ. ಹೈದರಾಬಾದ್, ಅಹಮದಾಬಾದ್, ಧರ್ಮಶಾಲಾ, ದೆಹಲಿ, ಚೆನ್ನೈ, ಲಕ್ನೋ, ಪುಣೆ, ಬೆಂಗಳೂರು, ಮುಂಬೈ ಮತ್ತು ಕೋಲ್ಕತ್ತಾದಲ್ಲಿ ವಿಶ್ವಕಪ್ ಪಂದ್ಯಗಳು ನಡೆಯಲಿವೆ. ಗುವಾಹಟಿ ಮತ್ತು ತಿರುವನಂತಪುರಂ ಹೊರತಾಗಿ ಹೈದರಾಬಾದ್‌ ನಲ್ಲಿ ಸೆಪ್ಟೆಂಬರ್ 29 ರಿಂದ ಅಕ್ಟೋಬರ್ 3 ರವರೆಗೆ ಅಭ್ಯಾಸ ಪಂದ್ಯಗಳು ನಡೆಯಲಿವೆ.

ಇದನ್ನೂ ಓದಿ: ಕ್ರಿಕೆಟ್ ಅಭಿಮಾನಿಗಳಿಗೆ ಶಾಕಿಂಗ್ ನ್ಯೂಸ್: ಈ ಬದ್ಧವೈರಿಗಳ ಕ್ರಿಕೆಟ್ ಪಂದ್ಯದ ನೇರಪ್ರಸಾರ ಇರುವುದಿಲ್ಲ…!

2011 ರ ವಿಶ್ವಕಪ್‌ ನ ಫೈನಲ್ ಪಂದ್ಯವನ್ನು ವಾಂಖೆಡೆ ಸ್ಟೇಡಿಯಂನಲ್ಲಿ ಆಡಲಾಯಿತು. ಅಂದು ಭಾರತವು 28 ವರ್ಷಗಳ ನಂತರ ಮಹೇಂದ್ರ ಸಿಂಗ್ ಧೋನಿ ನಾಯಕತ್ವದಲ್ಲಿ ಪ್ರಶಸ್ತಿಯನ್ನು ಗೆದ್ದುಕೊಂಡಿತು.