Cricketer Ban: ಐಫೋನ್ ಬಳಕೆ ಮಾಡಿದನೆಂದು ಸ್ಟಾರ್ ಕ್ರಿಕೆಟಿಗನಿಗೆ 2 ವರ್ಷ ನಿಷೇಧ ಹೇರಿದ ಐಸಿಸಿ! ಶಾಕ್ ಆದ್ರೂ ಇದು ನಿಜ

ICC Ban on Nasir Hossain: ಐಫೋನ್ ಬಳಸಿದ್ದಕ್ಕೆ ಯಾರಾದರೂ ಶಿಕ್ಷೆ ಅಥವಾ ನಿಷೇಧ ಹೇರಿದರೆಂದು ಹೇಳಿದರೆ ನಿಮಗೆ ಆಶ್ಚರ್ಯವಾಗಬಹುದು. ಆದರೆ ಇದು ಸತ್ಯ. ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ (ಐಸಿಸಿ) ಬಾಂಗ್ಲಾದೇಶದ 32 ವರ್ಷದ ಆಲ್‌ರೌಂಡರ್ ನಾಸಿರ್ ಹೊಸೈನ್ ಅವರನ್ನು 2 ವರ್ಷಗಳ ಕಾಲ ನಿಷೇಧಿಸಿದೆ. ಇದಕ್ಕೆ ಕಾರಣ ಐಫೋನ್.

ಇದನ್ನೂ ಓದಿ:  BBK 10: ಸಂಗೀತ, ತನಿಷ ಅಲ್ಲ… ಬಿಗ್’ಬಾಸ್ ಇತಿಹಾಸದಲ್ಲೇ ಅತಿ ಹೆಚ್ಚು ಫಾಲೋವರ್ಸ್ ಹೊಂದಿರೋದು ಈ ಸ್ಪರ್ಧಿ! ಇವರೇ ಈ ಬಾರಿಯ ವಿನ್ನರ್!

ಎಮಿರೇಟ್ಸ್ ಕ್ರಿಕೆಟ್ ಮಂಡಳಿಯ ಭ್ರಷ್ಟಾಚಾರ ವಿರೋಧಿ ಸಂಹಿತೆಯ ಅಡಿಯಲ್ಲಿ ಮೂರು ಆರೋಪಗಳನ್ನು ಒಪ್ಪಿಕೊಂಡ ನಂತರ ಬಾಂಗ್ಲಾದೇಶದ ಆಲ್‌ರೌಂಡರ್ ನಾಸಿರ್ ಹೊಸೈನ್ ಅವರನ್ನು ಮಂಗಳವಾರ ಎರಡು ವರ್ಷಗಳ ಕಾಲ ಎಲ್ಲಾ ಮಾದರಿಯ ಕ್ರಿಕೆಟ್‌ನಿಂದ ನಿಷೇಧಿಸಲಾಗಿದೆ.

ಐಸಿಸಿ ಪ್ರಕಾರ, “ನಾಸಿರ್ ಹುಸೇನ್ ಅವರು ಪಡೆದ ಉಡುಗೊರೆಯನ್ನು ಬಹಿರಂಗಪಡಿಸಲಿಲ್ಲ. ಅವರು ಐಫೋನ್-12 ಅನ್ನು ಉಡುಗೊರೆಯಾಗಿ ಸ್ವೀಕರಿಸಿದ್ದರು. ಆದರೆ ಅದರ ಬಗ್ಗೆ ಯಾವುದೇ ಮಾಹಿತಿಯನ್ನು ನೀಡಲಿಲ್ಲ. ಇದಲ್ಲದೆ, ಈ ಕ್ರಿಕೆಟಿಗ ಭ್ರಷ್ಟ ಚಟುವಟಿಕೆಗಳಲ್ಲಿ ಭಾಗವಹಿಸಲು ನೀಡಿದ ಪ್ರಸ್ತಾಪದ ಬಗ್ಗೆ ಭ್ರಷ್ಟಾಚಾರ ನಿಗ್ರಹ ದಳದ ಅಧಿಕಾರಿಗೆ ತಿಳಿಸಿರಲಿಲ್ಲ. ಅಷ್ಟೇ ಅಲ್ಲ, ಹುಸೇನ್ ತನಿಖೆಗೂ ಸಹಕರಿಸಲಿಲ್ಲ” ಎಂದು ಹೇಳಿದೆ.

ಇದನ್ನೂ ಓದಿ: Rashi Bhavishya: ಇಂದು ಸಿದ್ಧಯೋಗ: ಈ ರಾಶಿಗಳಿಗೆ ವೃತ್ತಿಯಲ್ಲಿ ಹಿಂದೆಂದೂ ಕಂಡಿರದ ಯಶಸ್ಸು

ಐಸಿಸಿ ಹೊರಡಿಸಿದ ಹೇಳಿಕೆಯ ಪ್ರಕಾರ, ಹುಸೇನ್ ಅವರು ಆರೋಪಗಳನ್ನು ಒಪ್ಪಿಕೊಂಡಿದ್ದಾರೆ ಮತ್ತು ನಿಷೇಧಕ್ಕೆ ಒಪ್ಪಿದ್ದಾರೆ. 7 ಏಪ್ರಿಲ್ 2025 ರ ನಂತರ ಕ್ರಿಕೆಟ್ ಚಟುವಟಿಕೆಗಳಿಗೆ ಭಾಗವಹಿಸಬಹುದು. 2020-21ರಲ್ಲಿ ಅಬುಧಾಬಿ T10 ನಲ್ಲಿ ಭ್ರಷ್ಟಾಚಾರದ ಆರೋಪ ಹೊತ್ತಿರುವ ಪುಣೆ ಡೆವಿಲ್ಸ್ ಫ್ರಾಂಚೈಸಿಗೆ ಸಂಬಂಧಿಸಿದ ಎಂಟು ಜನರಲ್ಲಿ ನಾಸಿರ್ ಹುಸೇನ್ ಕೂಡ ಸೇರಿದ್ದಾರೆ.