ಒಂದೇ ಬಾಲ್‌... ಬ್ಯಾಟ್ಸ್‌ʼಮನ್‌ʼಗೆ ದಕ್ಕಿದ್ದು 286 ರನ್:‌ ವರ್ಲ್ಡ್ ಕ್ರಿಕೆಟ್‌ʼನ ಅಸಂಭವ... ಅರ್ತ್ಯಾಶ್ಚರ್ಯಕರ ಇನ್ನಿಂಗ್ಸ್‌ ಇದು

Unique Cricket Record: ಕ್ರಿಕೆಟ್‌ ಅಂದ್ರೆ ಸಿಕ್ಸರ್‌-ಬೌಂಡರಿಗಳು ಸಾಮಾನ್ಯ. ಇವಿಲ್ಲ ಅಂದ್ರೆ ಮಜಾನೇ ಇರಲ್ಲ. ಆದ್ರೆ ಇಲ್ಲೊಂದು ಕ್ರಿಕೆಟ್‌ ತಂಡ ಒಂದೇ ಒಂದು ಸಿಕ್ಸರ್‌ ಆಗಲಿ ಬೌಂಡರಿ ಆಗಲಿ ಹೊಡೆಯದೆ ದ್ವಿಶತಕ ಪೇರಿಸಿದೆ. ಇದು ಅಚ್ಚರಿ ಎನಿಸಿದ್ರೂ ನಿಜ. ಆದರೆ ಈ ದಾಖಲೆ ಇಂದಿನದಲ್ಲ, ಬದಲಾಗಿ ಸುಮಾರು 130 ವರ್ಷಗಳಷ್ಟು ಹಳೆಯದ್ದು.

ಇದನ್ನೂ ಓದಿ: ಶೂಟಿಂಗ್‌ ವೇಳೆ ನನಗೂ ʼಆʼ ಅನುಭವ ಆಗಿದೆ: ಕಾಸ್ಟಿಂಗ್‌ ಕೌಚ್‌ ಬಗ್ಗೆ ನಟಿ ರಾಧಿಕಾ ಕುಮಾರಸ್ವಾಮಿ ಶಾಕಿಂಗ್‌ ಹೇಳಿಕೆ ವೈರಲ್!‌

1894 ರಲ್ಲಿ ಕ್ರಿಕೆಟ್ ಮೈದಾನದಲ್ಲಿ ಒಂದು ವಿಚಿತ್ರ ಘಟನೆ ಸಂಭವಿಸಿತು. ಬ್ಯಾಟ್ಸ್‌ಮನ್‌ʼಗಳು ಒಂದೇ ಒಂದು ಬೌಂಡರಿ ಅಥವಾ ಸಿಕ್ಸರ್ ಇಲ್ಲದೆ ಕೇವಲ 1 ಎಸೆತದಲ್ಲಿ ODI ಪಂದ್ಯದ ಸ್ಕೋರ್ ಮಾಡಿದ್ದರು. ESPN Cricinfo ಪ್ರಕಾರ, ಜನವರಿ 1894 ರಲ್ಲಿ ಲಂಡನ್‌ʼನಿಂದ ಪ್ರಕಟವಾದ ಪತ್ರಿಕೆ 'ಪಾಲ್-ಮಾಲ್ ಗೆಜೆಟ್' ನಲ್ಲಿ ಈ ಬಗ್ಗೆ ವರದಿ ಪ್ರಕಟಿಸಲಾಯಿತು. ಇದರಲ್ಲಿ ಈ ಅದ್ಭುತ ದಾಖಲೆಯನ್ನು ಉಲ್ಲೇಖಿಸಲಾಗಿದೆ.

1894ರ ಆ ಪಂದ್ಯದಲ್ಲಿ ನಡೆದ ಯಾವುದೇ ಘಟನೆಯು ಕ್ಯಾಮರಾದಲ್ಲಿ ಸೆರೆಯಾಗಿಲ್ಲ. ಆದರೆ ಪತ್ರಿಕೆಯಲ್ಲಿ ಪ್ರಕಟವಾದ ವರದಿಯಲ್ಲಿ, 1894 ರ ಜನವರಿ 15 ರಂದು ವೆಸ್ಟರ್ನ್ ಆಸ್ಟ್ರೇಲಿಯಾದಲ್ಲಿ ವಿಕ್ಟೋರಿಯಾ ಮತ್ತು 'ಸ್ಕ್ರ್ಯಾಚ್-ಇಲೆವೆನ್' ಹೆಸರಿನ ಎರಡು ತಂಡಗಳ ನಡುವೆ ಪಂದ್ಯ ನಡೆಯುತ್ತಿದ್ದಾಗ ಈ ಘಟನೆ ನಡೆದಿದೆ. ಈ ಪಂದ್ಯಕ್ಕೆ ಬೋನ್ಬರಿ ಮೈದಾನ ಸಾಕ್ಷಿಯಾಗಿತ್ತು.

ವಿಕ್ಟೋರಿಯಾ ತಂಡದ ಬ್ಯಾಟ್ಸ್‌ಮನ್‌ʼಗಳು ಕ್ರೀಸ್‌ʼನಲ್ಲಿದ್ದರು. ಒಬ್ಬ ಬ್ಯಾಟ್ಸ್‌ಮನ್ ಚೆಂಡನ್ನು ಮರದ ಮೇಲೆ ಸಿಲುಕಿಕೊಳ್ಳುವ ರೀತಿಯಲ್ಲಿ ಬಾರಿಸಿದ್ದನು. ಆ ಬಾಲ್‌ ತೆಗೆಯಲೆಂದು ಎದುರಾಳಿ ತಂಡ ಪ್ರಯತ್ನಿಸುತ್ತಿದ್ದರೆ, ಈ ಬ್ಯಾಟ್ಸ್‌ʼಮನ್‌ʼಗಳು ಕ್ರೀಸ್‌ʼನಲ್ಲಿ ರನ್ ಗಳಿಸಲು ಓಡಿದ್ದಾರೆ. ಮರದಲ್ಲಿ ಸಿಕ್ಕಿಬಿದ್ದ ಚೆಂಡನ್ನು ತೆಗೆಯುವುದು ಬಹುತೇಕ ಅಸಾಧ್ಯವಾಗಿತ್ತು. ಇದರಿಂದಾಗಿ ಬೌಲಿಂಗ್ ತಂಡವು ಚೆಂಡನ್ನು ಕಳೆದುಕೊಂಡಿದೆ ಎಂದು ಘೋಷಿಸಲು ಅಂಪೈರ್‌ʼಗಳಿಗೆ ಮನವಿ ಮಾಡಿತು. ಹೀಗೆ ಘೋಷಣೆ ಮಾಡಿದರೆ ಬ್ಯಾಟ್ಸ್‌ಮನ್‌ʼಗಳು ರನ್ ಗಳಿಸುವುದನ್ನು ತಡೆಯಬಹುದು.

ಆದರೆ ಅಂಪೈರ್‌ʼಗಳು ಆ ಮನವಿಯನ್ನು ತಿರಸ್ಕರಿಸಿದರು. ಫೀಲ್ಡಿಂಗ್ ತಂಡವು ಮರವನ್ನು ಕತ್ತರಿಸಲು ನಿರ್ಧರಿಸಿತು. ಆದರೆ ಕೊಡಲಿ ಪತ್ತೆಯಾಗಲಿಲ್ಲ ಎಂದು ವರದಿ ಹೇಳುತ್ತದೆ. ಕೊನೆಗೆ ಹಲವಾರು ಗಂಟೆಗಳ ನಂತರ, ರೈಫಲ್‌ʼನಲ್ಲಿ ಗುರಿಯಿಟ್ಟು ಚೆಂಡನ್ನು ಮರದಿಂದ ಬೀಳಿಸಲಾಯಿತು. ಇಷ್ಟು ಹೊತ್ತಿಗಾಗಲೇ  ಬ್ಯಾಟ್ಸ್‌ಮನ್‌ʼಗಳು 286 ರನ್ ಗಳಿಸಿದ್ದರು. ಅಷ್ಟೇ ಅಲ್ಲದೆ ಆ ಬ್ಯಾಟ್ಸ್‌ಮನ್‌ʼಗಳು 6 ಕಿಲೋಮೀಟರ್‌ʼಗಳಷ್ಟು ಪಿಚ್‌ʼನಲ್ಲಿ ಓಡಿದ್ದರು.

ಇದನ್ನೂ ಓದಿ: 4 ವರ್ಷಗಳ ಪ್ರೀತಿ... ಈಕೆ ಜೊತೆ ಪ್ರೀತಿ ನಿಜವೆಂದ ರಿಷಬ್‌ ಪಂತ್! ಆ ಚೆಲುವೆ ಯಾರು?

ಈ ಘಟನೆಯನ್ನು ಇಂದಿನ ಅನೇಕ ಜನರು ನಂಬುವುದಿಲ್ಲ. ಆದರೆ ವರದಿಗಳಲ್ಲಿ ಈ ಘಟನೆಯನ್ನು ನಿಜವೆಂದು ವಿವರಿಸಲಾಗಿದೆ.