IND vs AUS: ಬೆಂಗಳೂರು ODI ಬೆಟ್ಟಿಂಗ್ ಹಾವಳಿ, 11 ಜನರ ಬಂಧನ

ನವದೆಹಲಿ: ಟೀಂ ಇಂಡಿಯಾ ಬೆಂಗಳೂರಿನಲ್ಲಿ ಆಸ್ಟ್ರೇಲಿಯಾ (India vs Australia) ವಿರುದ್ಧ ರೋಚಕ ಮತ್ತು ನಿರ್ಣಾಯಕ ಪಂದ್ಯವನ್ನು ಗೆದ್ದಿದೆ. ಏತನ್ಮಧ್ಯೆ, ಈ ಪಂದ್ಯದ ಮೇಲೆ ಬೆಟ್ಟಿಂಗ್ ನಡೆಸಿದ್ದಕ್ಕಾಗಿ ದೆಹಲಿ ಪೊಲೀಸರು 11 ಜನರನ್ನು ಬಂಧಿಸಿದ್ದಾರೆ.

1–1ರ ಡ್ರಾ ನಂತರ ಮೂರು ಏಕದಿನ ಸರಣಿಯ ಕೊನೆಯ ಪಂದ್ಯವು ಬಹಳ ಆಸಕ್ತಿದಾಯಕವಾಗಿದ್ದರೂ, ಈ ಪಂದ್ಯದಲ್ಲಿ ಈಗಾಗಲೇ ತಂಡದ ಗೆಲುವಿನ ಬಗ್ಗೆ ಏನನ್ನೂ ಹೇಳುವುದು ತುಂಬಾ ಕಷ್ಟಕರ ಎಂದೇ ಪರಿಗಣಿಸಲಾಗಿತ್ತು. ಇನ್ನು ಈ ಪಂದ್ಯದ ಮೇಲೆ ಬೆಟ್ಟಿಂಗ್ ಕಟ್ಟಿದ್ದ ಆರೋಪದ ಮೇಲೆ ದೆಹಲಿ ಪೊಲೀಸರ ಅಪರಾಧ ವಿಭಾಗವು 11 ಜನರನ್ನು ಬಂಧಿಸಿದೆ.

ಬಂಧನದ ಸಮಯದಲ್ಲಿ, ಈ ಆರೋಪಿಗಳು ಸುಮಾರು 2 ಕೋಟಿ ರೂ. ಹೊಂದಿದ್ದರು. ಇದಲ್ಲದೆ ಈ ಜನರಿಂದ ಹೆಚ್ಚಿನ ಸಂಖ್ಯೆಯ ಲ್ಯಾಪ್‌ಟಾಪ್, ಮೊಬೈಲ್ ಫೋನ್, ಟಿವಿಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ಮಾಹಿತಿಯ ಪ್ರಕಾರ 70 ಮೊಬೈಲ್‌ಗಳು, ಎರಡು ಟಿವಿಗಳು ಮತ್ತು ಏಳು ಲ್ಯಾಪ್‌ಟಾಪ್‌ಗಳನ್ನು ವಶಪಡಿಸಿಕೊಳ್ಳಲಾಗಿದೆ.

ಈ ಪಂದ್ಯದಲ್ಲಿ ಟೀಮ್ ಇಂಡಿಯಾ ಉತ್ತಮ ಆಟ ತೋರಿಸಿದೆ. ಇನ್ನೂ ಏಳು ವಿಕೆಟ್‌ಗಳು ಮತ್ತು 15 ಎಸೆತಗಳು ಬಾಕಿ ಇರುವಾಗಲೇ ತಂಡವು ಆಸ್ಟ್ರೇಲಿಯಾ ತಂಡವನ್ನು 286 ರನ್‌ಗಳಿಂದ ಮಣಿಸಿ ತನ್ನ ಗುರಿ ಸಾಧಿಸಿತು.

ಈ ಪಂದ್ಯದಲ್ಲಿ ಸ್ಟೀವ್ ಸ್ಮಿತ್ ಆಸ್ಟ್ರೇಲಿಯಾ ಪರ 131 ರನ್, ಮಾರ್ನಸ್ ಲಾಬುಶೆನ್ 54 ರನ್ ಮತ್ತು ಅಲೆಕ್ಸ್ ಕ್ಯಾರಿಯಿಂದ 35 ರನ್ ಗಳಿಸಿದರು. ಇದಕ್ಕೆ ಪ್ರತಿಕ್ರಿಯೆಯಾಗಿ ರೋಹಿತ್ ಶರ್ಮಾ ಟೀಮ್ ಇಂಡಿಯಾ ಪರ 119, ನಾಯಕ ವಿರಾಟ್ ಕೊಹ್ಲಿ 89 ಮತ್ತು ಶ್ರೇಯಸ್ ಅಯ್ಯರ್ 44 ರನ್ ಕೊಡುಗೆ ನೀಡಿದ್ದಾರೆ.