ಪುಣೆ: ಪುಣೆಯಲ್ಲಿ ನಡೆಯುತ್ತಿರುವ  ಎರಡನೇ ಏಕದಿನ ಪಂದ್ಯದಲ್ಲಿ ಟೀಮ್ ಇಂಡಿಯಾವನ್ನು 6 ವಿಕೆಟ್‌ಗಳಿಂದ ಮಣಿಸಿದ ನಂತರ ಪ್ರತಿಕ್ರಿಯಿಸಿರುವ ಇಂಗ್ಲೆಂಡ್‌ನ ನಾಯಕ ಜೋಸ್ ಬಟ್ಲರ್  (Jos Buttler), ಭಾರತೀಯ ಕ್ರಿಕೆಟ್ ತಂಡವನ್ನು 336 ರನ್ ಗಳಿಗೆ ನಿಲ್ಲಿಸುವುದು ತಮ್ಮ ಬೌಲರ್‌ಗಳಿಗೆ ದೊಡ್ಡದಾಗಿದೆ ಎಂದು ಹೇಳಿದರು.


COMMERCIAL BREAK
SCROLL TO CONTINUE READING

ಇಂಗ್ಲೆಂಡ್ ಗೆಲುವು :
ಮೊದಲು ಬ್ಯಾಟಿಂಗ್ ಮಾಡಿದ ಟೀಮ್ ಇಂಡಿಯಾ (Team India) 6 ವಿಕೆಟ್‌ಗೆ 336 ರನ್ ಗಳಿಸಿತ್ತು. ಆದರೆ ಇಂಗ್ಲೆಂಡ್ 43.3 ಓವರ್‌ಗಳಲ್ಲಿ 4 ವಿಕೆಟ್‌ಗೆ 337 ರನ್ ಗಳಿಸಿ ಮೂರು ಪಂದ್ಯಗಳ ಸರಣಿಯನ್ನು 1-1ರಿಂದ ಸಮಗೊಳಿಸಿತು. ಈಗ ನಿರ್ಣಾಯಕ ಪಂದ್ಯ ಮಾರ್ಚ್ 28 ರಂದು ಪುಣೆಯಲ್ಲಿ ನಡೆಯಲಿದೆ.


ಪಂದ್ಯದ ನಂತರ ನಡೆದ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಮಾತನಾಡಿದ ಜೋಸ್ ಬಟ್ಲರ್  (Jos Buttler), "ನಾವು ಉತ್ತಮವಾಗಿ ಬೌಲ್ ಮಾಡಿದ್ದೇವೆ, ಇದರಿಂದಾಗಿ ಭಾರತೀಯ ತಂಡವನ್ನು ಆ ಸ್ಕೋರ್‌ನಲ್ಲಿ ನಿಲ್ಲಿಸಲು ಸಾಧ್ಯವಾಯಿತು" ಎಂದು ಹೇಳಿದರು. ಕೊನೆಯ 10 ಓವರ್‌ಗಳಲ್ಲಿ ಅವರು ಆಡಿದ ರೀತಿ ನೋಡಿ, ನಾವು ಅವರನ್ನು ಮಧ್ಯಮ ಓವರ್‌ಗಳಲ್ಲಿ ತಡೆಯುವಲ್ಲಿ ಯಶಸ್ವಿಯಾಗಿದ್ದೇವೆ ಎಂದು ಹೇಳಬಹುದು ಎಂದರು.


ಇದನ್ನೂ ಓದಿ - India vs England, 2nd ODI: ಕನ್ನಡಿಗ ಕೆ.ಎಲ್ ರಾಹುಲ್ ಭರ್ಜರಿ ಶತಕ, ಬೃಹತ್ ಗುರಿ ನೀಡಿದ ಭಾರತ


ಬೈರ್‌ಸ್ಟೋವ್-ಸ್ಟೋಕ್ಸ್ ಉತ್ತಮ ಪಾಲುದಾರಿಕೆ :
ಆರಂಭಿಕ ಆಟಗಾರರಾದ ಜಾನಿ ಬೈರ್‌ಸ್ಟೋವ್ (111 ಎಸೆತಗಳಲ್ಲಿ 124) ಮತ್ತು ಬೆನ್ ಸ್ಟೋಕ್ಸ್ (52 ಎಸೆತಗಳಲ್ಲಿ 99) ಗಳಿಸಿದರು. ಬೈರ್‌ಸ್ಟೋವ್ ತನ್ನ ಇನ್ನಿಂಗ್ಸ್‌ನಲ್ಲಿ 7 ಸಿಕ್ಸರ್ ಮತ್ತು 11 ಬೌಂಡರಿಗಳನ್ನು ಹೊಡೆದರು. ಬೈರ್‌ಸ್ಟೋವ್ ಜೊತೆಗೆ ಕೈ ಜೋಡಿಸಿದ ಸ್ಟೋಕ್ಸ್ ಕೂಡ ಉತ್ತಮ ಬ್ಯಾಟಿಂಗ್ ಮಾಡಿದರು.ಇಂಗ್ಲೆಂಡ್ ಪರ ಜೇಸನ್ ರಾಯ್ 55, ಬಟ್ಲರ್ ಶೂನ್ಯ, ಡೇವಿಡ್ ಮಲನ್ ಔಟಾಗದೆ 16 ಮತ್ತು ಲಿವಿಂಗ್ಸ್ಟೋನ್ ಔಟಾಗದೆ 27 ರನ್ ಗಳಿಸಿದರು. ಮತ್ತೊಂದೆಡೆ, ಈ ಪಂದ್ಯದಲ್ಲಿ ಭಾರತದ ಬೌಲಿಂಗ್ ಸಂಪೂರ್ಣ ವಿಫಲವಾಗಿದೆ. 


ಬೈರ್ಸ್ಟೋವ್-ಸ್ಟೋಕ್ಸ್ ಅವರನ್ನು ಹೊಗಳಿದ ಬಟ್ಲರ್ :
ಇಂಗ್ಲೆಂಡ್ (England) ತಂಡದ ನಾಯಕ ಜೋಸ್ ಬಟ್ಲರ್, 'ಗುರಿಯನ್ನು ಬೆನ್ನಟ್ಟುವಾಗ, ನಮ್ಮಲ್ಲಿ ಉತ್ತಮ ಪಾಲುದಾರಿಕೆ ಇತ್ತು. ನಮ್ಮ ಆರಂಭಿಕ ಆಟಗಾರರು ದೀರ್ಘಕಾಲದವರೆಗೆ ನಮ್ಮ ಶಕ್ತಿಯಾಗಿದ್ದಾರೆ. ಬೆನ್ ಸ್ಟೋಕ್ಸ್ ಅವರೊಂದಿಗೆ ಜಾನಿ ಬೈರ್‌ಸ್ಟೋವ್ ಹೊಂದಿದ್ದ ಪಾಲುದಾರಿಕೆ ಅದ್ಭುತವಾಗಿದೆ' ಎಂದು ಆರಂಭಿಕ ಆಟಗಾರರ ಕೊಡುಗೆಯನ್ನು ಶ್ಲಾಘಿಸಿದರು.


ಇದನ್ನೂ ಓದಿ - Ind vs Eng: ಒಂದೇ ಓವರ್‌ನಲ್ಲಿ 2 ವಿಕೆಟ್‌ ಕಬಳಿಸಿ ಟ್ವಿಟರ್‌ನಲ್ಲಿ ಹೀರೋ ಆದ ಭಾರತೀಯ ಬೌಲರ್


ಮೊಯಿನ್ ಅಲಿಯ ಕಮಾಲ್:
ಇದೇ ವೇಳೆ ಮಧ್ಯಮ ಓವರ್‌ಗಳಲ್ಲಿ ಭಾರತದ ಬ್ಯಾಟ್ಸ್‌ಮನ್‌ಗಳನ್ನು ನಿಯಂತ್ರಣದಲ್ಲಿಟ್ಟುಕೊಂಡಿದ್ದ 10 ಓವರ್‌ಗಳಲ್ಲಿ ಕೇವಲ 47 ರನ್‌ಗಳನ್ನು ಬಿಟ್ಟುಕೊಟ್ಟ ಸ್ಪಿನ್ನರ್ ಮೊಯಿನ್ ಅಲಿಯ ಅದ್ಭುತವಾಗಿ ಬೌಲಿಂಗ್ ಮಾಡಿದರು ಎಂದು ಇಂಗ್ಲೆಂಡ್ ನಾಯಕ ಬಟ್ಲರ್ ಹೊಗಳಿದ್ದಾರೆ. ಈ ಗೆಲುವಿನೊಂದಿಗೆ, ಕೊನೆಯ ಪಂದ್ಯವೂ ರೋಚಕವಾಗಿರುತ್ತದೆ ಎಂದವರು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3loQYe 
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.