WATCH: ಪಂದ್ಯದ ಚಿತ್ರಣವನ್ನೇ ಬದಲಿಸಿದ ವಿರಾಟ್ ಕೊಹ್ಲಿ ಹಿಡಿದ ಆ ಕ್ಯಾಚ್..!

ನವದೆಹಲಿ: ಇಂಗ್ಲೆಂಡ್ ವಿರುದ್ಧದ ಮೂರನೇ ಪಂದ್ಯದಲ್ಲಿ ರೋಚಕ ಗೆಲುವು ಸಾಧಿಸುವ ಮೂಲಕ 2-1 ರ ಅಂತರದಿಂದ ಸರಣಿಯನ್ನು ವಶ ಪಡಿಸಿಕೊಂಡಿದೆ.

ಆ ಆದಿಲ್ ರಶೀದ್ ಮತ್ತು ಸ್ಯಾಮ್ ಕುರ್ರನ್ ನಡುವಿನ ಅಪಾಯಕಾರಿ ಜೊತೆಯಾಟದ ಸಂದರ್ಭದಲ್ಲಿ ಕೊಹ್ಲಿ ಹಿಡಿದಿರುವ ಕ್ಯಾಚ್ ಈಗ ಸಾಕಷ್ಟು ವೈರಲ್ ಆಗಿದೆ. ಏಕೆಂದರೆ ಈ ಕ್ಯಾಚ್ ಪಂದ್ಯದ ಚಿತ್ರವನ್ನೇ ಬದಲಿಸಿತು ಎಂದು ಹೇಳಬಹುದು.ಈಗ ಸಾಮಾಜಿಕ ಮಾಧ್ಯಮದಲ್ಲಿ ಈ ಕ್ಯಾಚ್ ಗೆ ಪ್ರಶಂಸೆಗಳ ಮಹಾಪೂರವೇ ಹರಿದು ಬಂದಿದೆ. ಈ ವೀಡಿಯೋ ದಲ್ಲಿ ಶಾರ್ದುಲ್ ಠಾಕೂರ್ ಬೌಲಿಂಗ್ ನಲ್ಲಿ  ವಿರಾಟ್ ಕೊಹ್ಲಿ ಡೈವ್ ಮೂಲಕ ಅದ್ಬುತ ಕ್ಯಾಚ್ ಹಿಡಿರುವುದು ಸೆರೆಯಾಗಿದೆ.

ಪುಣೆದಲ್ಲಿ ನಡೆದ ಮೂರನೇ ಏಕದಿನ ಪಂದ್ಯದಲ್ಲಿ ಟಾಸ್ ಗೆದ್ದು ಇಂಗ್ಲೆಂಡ್ ತಂಡವು ಭಾರತಕ್ಕೆ ಬ್ಯಾಟಿಂಗ್ ಅವಕಾಶ ನೀಡಿತು. ಭಾರತದ ಪರವಾಗಿ ಭರ್ಜರಿ ಆರ್ಧಶತಕ ಸಿಡಿಸಿದ ಶಿಖರ್ ಧವನ್ 67, ರಿಶಬ್ ಪಂತ್ 78, ಹಾರ್ದಿಕ್ ಪಾಂಡ್ಯ 64 ರನ್ ಗಳಿಸುವ ಮೂಲಕ ತಂಡದ ಮೊತ್ತ 300 ಗಡಿ ದಾಟಲು ನೆರವಾದರು.48.2 ಓವರ್ ಗಳಲ್ಲಿ ಭಾರತವು ಎಲ್ಲ ವಿಕೆಟ್ ಗಳನ್ನು ಕಳೆದುಕೊಂಡು 329 ರನ್ ಗಳಿಸಿತು.

ಇದಕ್ಕೆ ಉತ್ತರವಾಗಿ ಇಂಗ್ಲೆಂಡ್ ತಂಡವು ಸ್ಯಾಮ್ ಕುರನ್ ಅವರ ಅಜೇಯ 95 ಗಳ ನೆರವಿನಿಂದಾಗಿ ಗೆಲುವಿನ ಹಂತಕ್ಕೆ ಬಂದಿತ್ತಾದರೂ ಕೂಡ ಕೊನೆಯ ಓವರ್ ನಲ್ಲಿ ಟಿ.ನಟರಾಜನ್ ತೋರಿದ ಬೌಲಿಂಗ್ ಕರಾಮತ್ತಿನಿಂದಾಗಿ ಪಂದ್ಯ ಭಾರತದ ಪರವಾಗಿ ವಾಲಿತು.