IND vs ENG: ಪಾದಾರ್ಪಣೆ ಟೆಸ್ಟ್ ಪಂದ್ಯದಲ್ಲಿಯೇ ಅಬ್ಬರಿಸಿದ ಕನ್ನಡಿಗ ದೇವದತ್ ಪಡಿಕಲ್

ಧರ್ಮಾಶಾಲಾ: ಕನ್ನಡಿಗ ದೇವದತ್ ಪಡಿಕ್ಕಲ್ ಅವರು ಧರ್ಮಶಾಲಾದ ಎಚ್‌ಪಿಸಿಎ ಕ್ರೀಡಾಂಗಣದಲ್ಲಿ ತಮ್ಮ ಚೊಚ್ಚಲ ಅಂತಾರಾಷ್ಟ್ರೀಯ ಅರ್ಧಶತಕವನ್ನು ಸಿಡಿಸುವ ಮೂಲಕ ಇಂಗ್ಲೆಂಡ್ ವಿರುದ್ಧ ಟೆಸ್ಟ್‌ಗೆ ಪದಾರ್ಪಣೆ ಮಾಡಿದರು.

ಭಾರತ ತಂಡವು 2 ನೇ ದಿನದಂದು ಇಂಗ್ಲೆಂಡ್ ವಿರುದ್ಧ ತನ್ನ ಮುನ್ನಡೆಯನ್ನು ಮುಂದುವರೆಸಿತು.ಇದೇ ವೇಳೆ ದಿನದ 2 ರಂದು ಎರಡನೇ ಅವಧಿಯಲ್ಲಿ ಶತಕವೀರ ಶುಭಮನ್ ಗಿಲ್ ಔಟಾದ ನಂತರ ಕಣಕ್ಕೆ ಇಳಿದ ಪಡಿಕ್ಕಲ್ ಸರ್ಫರಾಜ್ ಖಾನ್ ಅವರೊಂದಿಗೆ 97 ರನ್ ಗಳ ಭರ್ಜರಿ ಜೊತೆಯಾಟವನ್ನು ಆಡಿದರು.ಪಡಿಕ್ಕಲ್ 86ನೇ ಓವರ್‌ನಲ್ಲಿ ಶೋಯೆಬ್ ಬಶೀರ್‌ ಎಸೆತವನ್ನು ಸಿಕ್ಸರ್‌ ಸಿಡಿಸುವ ಮೂಲಕ 50 ರನ್ ಗಳಿಸಿದರು. ಅದರಲ್ಲಿ ಅವರು 10 ಬೌಂಡರಿ ಮತ್ತು ಒಂದು ಸಿಕ್ಸರ್ ಬಾರಿಸಿ ಅಂತಿಮವಾಗಿ ವೈಯಕ್ತಿಕ ಮೊತ್ತ 65 ರನ್ ಗಳಾಗಿದ್ದಾಗ ಶೋಯಬ್ ಬಷೀರ್ ಅವರ ವಿಕೆಟ್ ಒಪ್ಪಿಸುವ ಮೂಲಕ ಶತಕ ವಂಚಿತರಾದರು.ಇನ್ನೊಂದೆಡೆಗೆ ಇವರಿಗೆ ಸಾಥ್ ನೀಡಿದ ಸರ್ಫಾರಾಜ್ ಖಾನ್ ಕೇವಲ 60 ಎಸೆತಗಳಲ್ಲಿ ಎಂಟು ಬೌಂಡರಿ ಹಾಗೂ ಒಂದು ಸಿಕ್ಸರ್ ನೆರವಿನಿಂದ 56 ರನ್ ಗಳಿಸಿದರು.