IND vs ZIM: ಇತಿಹಾಸ ಸೃಷ್ಟಿಸಿದ ರಿಯಾನ್‌ ಪರಾಗ್‌..!

Riyan Parag: ಟೀಂ ಇಂಡಿಯಾದ ಯುವ ಬ್ಯಾಟ್ಸ್‌ಮನ್ ರಿಯಾನ್ ಪರಾಗ್ ಇತಿಹಾಸ ಸೃಷ್ಟಿಸಿದ್ದಾರೆ. ಶನಿವಾರ ಜಿಂಬಾಬ್ವೆ ವಿರುದ್ಧ ನಡೆದ ಪಂದ್ಯದಲ್ಲಿ ಭಾರತ ತಂಡವನ್ನು ಪ್ರತಿನಿಧಿಸಿದ ಈಶಾನ್ಯ ರಾಜ್ಯಗಳ ಮೊದಲ ಆಟಗಾರ ಎಂಬ ಅಪರೂಪದ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.

ಈಶಾನ್ಯ ರಾಜ್ಯಗಳ ಯಾವುದೇ ಆಟಗಾರ ಈ ಮೊದಲು ಟೀಮ್ ಇಂಡಿಯಾವನ್ನು ಪ್ರತಿನಿಧಿಸಲಿಲ್ಲ. ರಿಯಾನ್ ಪರಾಗ್‌ ಅವರು ಈಶಾನ್ಯ ರಾಜ್ಯಗಳ ಅಂಡರ್-19 ವಿಶ್ವಕಪ್‌ನಲ್ಲಿ ಆಡಿದ ಮೊದಲ ಆಟಗಾರರಾಗಿದ್ದು, 2018 ರ ಅಂಡರ್-19 ವಿಶ್ವಕಪ್‌ನಲ್ಲೂ ಟೀಮ್ ಇಂಡಿಯಾವನ್ನು ಪ್ರತಿನಿಧಿಸಿದ್ದರು.

ಇದನ್ನೂ ಓದಿ: ಕೆಕೆಆರ್‌ ಗೆ ಗುಡ್‌ ಬೈ ಹೇಳಿದ ಗೌತಮ್‌ ಗಂಭೀರ್‌..!

ಇದುವರೆಗೆ 115 ಟಿ20 ವೃತ್ತಿಪರ ಪಂದ್ಯಗಳನ್ನು ಆಡಿರುವ ರಯಾನ್ ಪರಾಗ್ ಒಟ್ಟು 2618 ರನ್ ಕಲೆ ಹಾಕಿದ್ದಾರೆ. ಇದರಲ್ಲಿ 22 ಅರ್ಧ ಶತಕಗಳಿವೆ. ಐಪಿಎಲ್ 2024 ರ ಋತುವಿನಲ್ಲಿ ರಾಜಸ್ಥಾನ ರಾಯಲ್ಸ್ ಪರ 15 ಪಂದ್ಯಗಳಲ್ಲಿ 573 ರನ್ ಗಳಿಸಿದ್ದಾರೆ.ಈ ಪ್ರದರ್ಶನದೊಂದಿಗೆ ರಿಯಾನ್ ಪರಾಗ್ ಜಿಂಬಾಬ್ವೆ ಪ್ರವಾಸಕ್ಕೆ ಆಯ್ಕೆಯಾಗುವಲ್ಲಿ ಯಶಸ್ವಿಯಾಗಿದ್ದಾರೆ.

ಈ ವಿಶೇಷವಾದ ಟೀಂ ಇಂಡಿಯಾ ಕ್ಯಾಪ್‌ ಅನ್ನು ರಾಯನ್‌ ಪರಾಗ್‌ ತನ್ನ ತಂದೆಯ ಕೈಯಲ್ಲಿ ತೆಗೆದುಕೊಂಡರು. ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾ ಪಟ್ಟೆ ವೈರಲ್‌ ಆಗುತ್ತಿದೆ.