ನಾಲ್ಕು ವರ್ಷಗಳ ನಂತರ ಮೊದಲ ಬಾರಿಗೆ ಕೈತಪ್ಪಿದ ಭಾರತದ ಟೆಸ್ಟ್ ಅಗ್ರಪಟ್ಟ

ನವದೆಹಲಿ: ವಿರಾಟ್ ಕೊಹ್ಲಿ ನೇತೃತ್ವದ ಭಾರತೀಯ ಕ್ರಿಕೆಟ್ ತಂಡ ಐಸಿಸಿ ಟೆಸ್ಟ್ ಶ್ರೇಯಾಂಕದಲ್ಲಿ ಅಗ್ರ ಸ್ಥಾನದಿಂದ ಕುಸಿದಿದೆ.ಆ ಮೂಲಕ ನಾಲ್ಕು ವರ್ಷಗಳ ನಂತರ ಮೊದಲ ಬಾರಿಗೆ ಭಾರತದಿಂದ ಟೆಸ್ಟ್ ಅಗ್ರಪಟ್ಟ ಕೈತಪ್ಪಿದೆ ಎನ್ನಬಹುದು.ಅಕ್ಟೋಬರ್ 2016 ರಿಂದ ಭಾರತ ಅಗ್ರ ಸ್ಥಾನವನ್ನು ಗಳಿಸಿತ್ತು.

ಇತ್ತೀಚಿನ ಅಪ್‌ಡೇಟ್‌ನಲ್ಲಿ, ಮೇ 2019 ರಿಂದ ಆಡಿದ ಎಲ್ಲಾ ಪಂದ್ಯಗಳನ್ನು ಶೇಕಡಾ 100 ರಂತೆ ಮತ್ತು ಹಿಂದಿನ ಎರಡು ವರ್ಷಗಳ ಪಂದ್ಯಗಳನ್ನು ಶೇಕಡಾ 50 ರಂತೆ ರೇಟ್ ಮಾಡುತ್ತದೆ, ಆಸ್ಟ್ರೇಲಿಯಾ (116) ಐಸಿಸಿ ಪುರುಷರ ಟೆಸ್ಟ್ ತಂಡದ ಶ್ರೇಯಾಂಕದಲ್ಲಿ ಅಗ್ರ ಶ್ರೇಯಾಂಕಿತ ತಂಡವಾಗಿದೆ ನ್ಯೂಜಿಲೆಂಡ್ (115) ಎರಡನೇ ಸ್ಥಾನದಲ್ಲಿದೆ. ಭಾರತ ಈಗ 114 ಅಂಕಗಳೊಂದಿಗೆ ಮೂರನೇ ಸ್ಥಾನದಲ್ಲಿದೆ.ಕೇವಲ ಎರಡು ಅಂಕಗಳ ವ್ಯತ್ಯಾಸದಲ್ಲಿ ಭಾರತದ ಟೆಸ್ಟ್ ಶ್ರೇಯಾಂಕದ ಅಗ್ರಪಟ್ಟ ಕೈತಪ್ಪಿದೆ.

ಭಾರತವು 2016 ಟೆಸ್ಟ್‌ನಲ್ಲಿ 12 ಟೆಸ್ಟ್‌ಗಳನ್ನು ಗೆದ್ದಿದೆ ಮತ್ತು ಕೇವಲ ಒಂದು ಟೆಸ್ಟ್‌ನಲ್ಲಿ ಸೋತಿದೆ, ಅದರ ದಾಖಲೆಗಳನ್ನು ಇತ್ತೀಚಿನ ಅಪ್‌ಡೇಟ್‌ನಲ್ಲಿ ತೆಗೆದುಹಾಕಲಾಗಿದೆ.ಈ ಅವಧಿಯಲ್ಲಿ ಆಸ್ಟ್ರೇಲಿಯಾ ಮತ್ತು ಇಂಗ್ಲೆಂಡ್  ಸೇರಿ ಎಲ್ಲಾ ಐದು ಸರಣಿಗಳನ್ನು ಗೆದ್ದಿದ್ದರು.ಮತ್ತೊಂದೆಡೆ, ಆಸ್ಟ್ರೇಲಿಯಾ ಇದೇ ಅವಧಿಯಲ್ಲಿ ದಕ್ಷಿಣ ಆಫ್ರಿಕಾ ಮತ್ತು ಭಾರತ ವಿರುದ್ಧ ಸೋತಿದೆ.

ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನಲ್ಲಿ ಭಾರತ ಇನ್ನೂ ಮುನ್ನಡೆ ಸಾಧಿಸಿದೆ, ಇದರಲ್ಲಿ ಅಗ್ರ ಒಂಬತ್ತು ಟೆಸ್ಟ್ ತಂಡಗಳು ಆಡುವ ಆರು ಸರಣಿಗಳನ್ನು ಒಳಗೊಂಡಿದೆ.