ತಂದೆಯನ್ನು ಕಳೆದುಕೊಂಡು ಟೀಶರ್ಟ್, ಶೂಗಳಿಗೆ ಪರದಾಡಿದ್ದ ಈತ ಈಗ ಸ್ಟಾರ್ ಕ್ರಿಕೆಟರ್‌!

Jasprit Bumrah Life Story: ಅಗತ್ಯದ ಸಮಯದಲ್ಲಿ ತಂಡಕ್ಕೆ ವಿಕೆಟ್‌ಗಳನ್ನು ಪಡೆಯುವುದು ಮಾತ್ರವಲ್ಲದೆ.. ಗಂಟೆಗೆ 140 ಕಿ.ಮೀ ವೇಗದಲ್ಲಿ ಎಸೆತಗಳನ್ನು ಬೌಲಿಂಗ್ ಮಾಡಿದ ಬುಮ್ರಾ ಅವರು ಎಲ್ಲಾ ಮೂರು ಮಾದರಿಯ ಕ್ರಿಕೆಟ್‌ನಲ್ಲಿ ಭಾರತ ತಂಡದ ನಂಬರ್ ಒನ್ ಬೌಲರ್ ಆಗಿದ್ದಾರೆ. 

ಬೌಲಿಂಗ್‌ನಲ್ಲಿನ ಈ ಪಾಂಡಿತ್ಯದಿಂದಾಗಿ ಅವರು ಖ್ಯಾತಿಯ ಜೊತೆಗೆ ಸಾಕಷ್ಟು ಹಣವನ್ನು ಗಳಿಸುತ್ತಿದ್ದಾರೆ. ವಿವಿಧ ವರದಿಗಳ ಪ್ರಕಾರ, ಬುಮ್ರಾ ಅವರ ನಿವ್ವಳ ಮೌಲ್ಯವು 2023 ರಲ್ಲಿ ಸುಮಾರು 55 ಕೋಟಿ ರೂಪಾಯಿ ಎಂದು ಅಂದಾಜಿಸಲಾಗಿದೆ..

ಇದನ್ನೂ ಓದಿ-ಅತ್ಯಾಚಾರ ಆರೋಪ ಸಾಬೀತು; ಕ್ರಿಕೆಟಿಗ ಸಂದೀಪ್ ಲಮಿಚಾನೆಗೆ 8 ವರ್ಷ ಜೈಲು ಶಿಕ್ಷೆ!

ಚೆಂಡು ಹೊಸದಾಗಿರಲಿ ಅಥವಾ ಹಳೆಯದಾಗಿರಲಿ ಎರಡರಲ್ಲೂ ವಿಕೆಟ್‌ಗಳನ್ನು ಪಡೆಯುವ ಪ್ರವೀಣತೆ ಹೊಂದಿರುವವರು ಜಸ್ಪ್ರಿತ್..  ಏಳು ವರ್ಷಗಳ ಅಂತರಾಷ್ಟ್ರೀಯ ವೃತ್ತಿಜೀವನದಲ್ಲಿ, 'ಜಸ್ಸಿ' ಭಾರತ ತಂಡಕ್ಕೆ ಅನಿವಾರ್ಯವಾಗಿದ್ದಾರೆ.. ವಿಭಿನ್ನ ರೀತಿಯ ಬೌಲಿಂಗ್ ಆಕ್ಷನ್‌ನಿಂದಾಗಿ ಯಶಸ್ವಿಯಾದ ಇವರು ಅನೇಕ ಬಾರಿ ಗಾಯಗಳನ್ನು ಎದುರಿಸಬೇಕಾಯಿತು.

ಡಿಸೆಂಬರ್ 6, 1993 ರಂದು ಗುಜರಾತ್‌ನ ಅಹಮದಾಬಾದ್ ನಗರದಲ್ಲಿ ಜನಿಸಿದ ಜಸ್ಪ್ರೀತ್ ಬುಮ್ರಾ, 5 ನೇ ವಯಸ್ಸಿನಲ್ಲಿ ತಂದೆಯನ್ನು ಕಳೆದುಕೊಂಡು..ತಾಯಿಯೊಂದಿಗೆ ಮಾತ್ರ ಬೆಳೆದರು.. ತಂದೆಯ ಮರಣದ ನಂತರ ಕೆಲವು ವರ್ಷಗಳು ಜಸ್ಪ್ರೀತ್ ಮತ್ತು ಅವನ ತಾಯಿಗೆ ಕಷ್ಟಗಳಿಂದ ತುಂಬಿದ್ದವು. ಜಸ್ಪ್ರೀತ್ ಒಂದು ಜೊತೆ ಶೂ ಕೊಳ್ಳಲೂ ಹರಸಾಹಸ ಪಡಬೇಕಾದ ಕಾಲವಿತ್ತು.. ಅವರ ಬಳಿ ಒಂದು ಜೊತೆ ಶೂ ಮತ್ತು ಟಿ-ಶರ್ಟ್ ಇದ್ದು.. ಆ ಟೀ ಶರ್ಟ್ ಅನ್ನು ಪ್ರತಿದಿನ ತೊಳೆಯಲೇಬೇಕಾಗಿತ್ತಂತೆ.. 

ಮುಂಬೈ ಇಂಡಿಯನ್ಸ್ ಸೇರಿದ ನಂತರ, ಬುಮ್ರಾ MI ಗಾಗಿ ಆಡುವ ಲಸಿತ್ ಮಾಲಿಂಗ ಅವರ ಮಾರ್ಗದರ್ಶನದಲ್ಲಿ, ಯಾರ್ಕರ್‌ಗಳು ಮತ್ತು ಸ್ಲೋಲರ್‌ಗಳನ್ನು ಎಸೆಯುವಲ್ಲಿ ಪರಿಣತಿಯನ್ನು ಪಡೆದರು. ಇಬ್ಬರೂ ಕ್ರಿಕೆಟಿಗರು ಮುಂಬೈ ಪರ ಹಲವು ವರ್ಷಗಳ ಕಾಲ ಒಟ್ಟಿಗೆ ಆಡಿದ್ದರು. ನಂತರ ಮಾಲಿಂಗ MI ನ ಸಹಾಯಕ ಸಿಬ್ಬಂದಿಯ ಭಾಗವಾಗಿದ್ದರು. ಶ್ರೀಲಂಕಾದ ಈ ಅತ್ಯುತ್ತಮ ಆಟಗಾರನ ಬೆಂಬಲವನ್ನು ಪಡೆಯುವ ಮೂಲಕ ಬುಮ್ರಾ 'ಪರಿಪೂರ್ಣತೆ' ಸಾಧಿಸಿದರು. ಐಪಿಎಲ್ ಮತ್ತು ದೇಶೀಯ ಕ್ರಿಕೆಟ್‌ನಲ್ಲಿನ ಯಶಸ್ಸು ಬುಮ್ರಾಗೆ ಭಾರತ ತಂಡವನ್ನು ಪ್ರವೇಶಿಸಲು ದಾರಿ ಮಾಡಿಕೊಟ್ಟಿತು.

ಪಂದ್ಯದಿಂದ ಪಂದ್ಯದ ಪ್ರದರ್ಶನವನ್ನು ಸುಧಾರಿಸುತ್ತಾ, ಇಂದು ಅವರು BCCI A+ ವರ್ಗದ ಆಟಗಾರರಾಗಿದ್ದಾರೆ. ಎ+ ವರ್ಗದಲ್ಲಿರುವ ಪ್ರತಿಯೊಬ್ಬ ಆಟಗಾರನು ಬಿಸಿಸಿಐನಿಂದ ವಾರ್ಷಿಕ 7 ಕೋಟಿ ರೂಪಾಯಿಗಳನ್ನು ಪಡೆಯುತ್ತಾನೆ.. ಮತ್ತು ಅವರು ಪ್ರತಿ ಟೆಸ್ಟ್‌ಗೆ 15 ಲಕ್ಷ ರೂಪಾಯಿ, ಪ್ರತಿ ODI ಗೆ 6 ಲಕ್ಷ ರೂಪಾಯಿ ಮತ್ತು ಪ್ರತಿ T20I ಗೆ 3 ಲಕ್ಷ ರೂಪಾಯಿಗಳನ್ನು ಪಡೆಯುತ್ತಾರೆ. ಇದಲ್ಲದೆ, ಬುಮ್ರಾ ಐಪಿಎಲ್ ಮತ್ತು ಜಾಹೀರಾತುಗಳ ಮೂಲಕ ಸಾಕಷ್ಟು ಗಳಿಸುತ್ತಾರೆ.

ಬುಮ್ರಾ 2021 ರಲ್ಲಿ ಕ್ರೀಡಾ ನಿರೂಪಕಿ ಸಂಜನಾ ಗಣೇಶನ್ ಅವರನ್ನು ವಿವಾಹವಾದರು ಮತ್ತು ಕಳೆದ ವರ್ಷ ಸೆಪ್ಟೆಂಬರ್ 4 ರಂದು ಅಂಗದ್ ಎಂಬ ಮುದ್ದಾದ ಮಗನ ತಂದೆಯಾದರು. ಮಗನ ಜನನದ ಖುಷಿಯನ್ನು ಸಾಮಾಜಿಕ ಜಾಲತಾಣದಲ್ಲಿ ಅಭಿಮಾನಿಗಳೊಂದಿಗೆ ಹಂಚಿಕೊಂಡಿದ್ದರು.. 

ಇದನ್ನೂ ಓದಿ-Rahul Dravid: ವೃತ್ತಿ ಜೀವನಕ್ಕೆ ಸಂಬಂಧಿಸಿದಂತೆ ರಾಹುಲ್ ದ್ರಾವಿಡ್ ಅವರ 5 ದೊಡ್ಡ ವಿವಾದಗಳು

ಬುಮ್ರಾ ಜಾಹೀರಾತು ಪ್ರಪಂಚದಲ್ಲಿಯೂ ಪ್ರಸಿದ್ಧ ವ್ಯಕ್ತಿ. ಪ್ರತಿ ವರ್ಷ ಅವರು ಜಾಹೀರಾತುಗಳ ಮೂಲಕ ಕೋಟಿಗಟ್ಟಲೆ ರೂಪಾಯಿಗಳನ್ನು ಗಳಿಸುತ್ತಾರೆ, Dream 11, Twills, Unix, Abco Hardware Solutions, Boat, Bharat Pay, Unix, Jaggle, Zepto, Royal Stag, Performex Activeware, Tata Punch, One Plus India ಈ ಬ್ರ್ಯಾಂಡ್‌ಗಳ ಮೂಲಕ ಬುಮ್ರಾ ಹೆಚ್ಚು ಗಳಿಕೆ ಮಾಡುತ್ತಿದ್ದಾರೆ.. ಮಾಹಿತಿ ಪ್ರಕಾರ ಪ್ರತಿ ಜಾಹೀರಾತಿಗೆ 1.5 ರಿಂದ 2 ಕೋಟಿ ರೂ. ಗಳಿಸುವ ಇವರು ಮುಂಬೈ ಅಲ್ಲದೆ ಅಹಮದಾಬಾದ್ ನಲ್ಲೂ ಐಷಾರಾಮಿ ಮನೆಗಳನ್ನು ಹೊಂದಿದ್ದಾರೆ.

ಬುಮ್ರಾ ಅವರ ಕಾರು ಕಲೆಕ್ಷನ್‌ನಲ್ಲಿ 2.5 ಕೋಟಿ ರೂ.ಗಿಂತ ಹೆಚ್ಚು ಮೌಲ್ಯದ Mercedes-Benz S560, ಸುಮಾರು ರೂ. 2.17 ಕೋಟಿ ಮೌಲ್ಯದ ನಿಸ್ಸಾನ್ GTR, ರೂ. 90 ಲಕ್ಷ ಮೌಲ್ಯದ ರೇಂಜ್ ರೋವರ್ ವೆಲಾರ್ ಮತ್ತು ಮಾರುತಿ ಡಿಜೈರ್ ಜೊತೆಗೆ ರೂ. 25 ಲಕ್ಷ ಮೌಲ್ಯದ ಟೊಯೊಟಾ ಇನ್ನೋವಾ ಕ್ರಿಸ್ಟಾ ಸೇರಿವೆ.