BCCI ನಿಂದ IPL 2021ರ ಅಧಿಕೃತ ವೇಳಾಪಟ್ಟಿ ಘೋಷಣೆ, ಏಪ್ರಿಲ್ 9 ರಂದು ಆರಂಭ, ಮೇ 30ಕ್ಕೆ ಅಹ್ಮದಾಬಾದ್ ನಲ್ಲಿ ಫೈನಲ್

ನವದೆಹಲಿ: IPL 2021 TIME TABLE - ಈ ಬಾರಿಯ ಇಂಡಿಯನ್ ಪ್ರೀಮಿಯರ್ ಲೀಗ್ (IPL 2021) ಆರಂಭವಾಗುವ ದಿನಾಂಕದ ಅಧಿಕೃತ ಘೋಷಣೆ ಮಾಡಲಾಗಿದೆ. ಸುದ್ದಿಸಂಸ್ಥೆ ANIನಲ್ಲಿ ಪ್ರಕಟಗೊಂಡ ವರದಿಯ ಪ್ರಕಾರ, IPL-2021ರ ಆಯೋಜನೆ ಏಪ್ರಿಲ್ 9 ರಿಂದ ಪ್ರಾರಂಭವಾಗಲಿದೆ. ಮೊದಲ ಪಂದ್ಯ ಚೆನ್ನೈ ನಲ್ಲಿ ನಡೆಯಲಿದ್ದಾರೆ, ಪಂದ್ಯಾವಳಿಯ ಫೈನಲ್ ಪಂದ್ಯ ಅಹ್ಮದಾಬಾದ್ ನ ನರೇಂದ್ರ ಮೋದಿ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆಸಲು ಉದ್ದೇಶಿಸಲಾಗಿದೆ. ಇತ್ತೀಚೆಗಷ್ಟೇ ಭಾರತ ಮತ್ತು ಇಂಗ್ಲೆಂಡ್ ಟೆಸ್ಟ್ ಸೀರಿಸ್ ನ ಕೊನೆಯ ಎರಡು ಪಂದ್ಯಗಳನ್ನು ಇದೆ ಸ್ಟೇಡಿಯಂನಲ್ಲಿ ಆಯೋಜಿಸಲಾಗಿತ್ತು. ಇದಲ್ಲದೆ ಉಭಯ ದೇಶಗಳ ನಡುವೆ ನಡೆದ ಐದು ಪಂದ್ಯಗಳ T20 ಸೀರೀಸ್ ಅನ್ನು ಕೂಡ ಇದೆ ಗ್ರೌಂಡ್ ನಲ್ಲಿ ಆಯೋಜಿಸಲಾಗಿತ್ತು.

CLICK HERE

ಇದನ್ನೂ ಓದಿ- ಕ್ರಿಕೆಟ್ ಪ್ರೇಮಿಗಳಿಗೆ ಸಿಹಿ ಸುದ್ದಿ: ಏಪ್ರಿಲ್ 9ರಿಂದ IPL 2021 ಆರಂಭ..!

ಆದರೆ, ಈ ಬಾರಿಯೂ ಕೂಡ ಪ್ರೇಕ್ಷಕರಿಲ್ಲದೆ IPL ಪಂದ್ಯಗಳನ್ನು ಆಯೋಜಿಸಲಾಗುವುದು ಎಂಬುದರ ಮೇಲೆ ಇದುವರೆಗೆ BCCI ಯಾವುದೇ ಅಧಿಕೃತ ಹೇಳಿಕೆಯನ್ನು ನೀಡಿಲ್ಲ. ಕಳೆದ ಬಾರಿ UAE ನಲ್ಲಿ ಆಯೋಜಿಸಲಾಗಿದ್ದ IPL ಪಂದ್ಯಾವಳಿಯ ವೇಳೆ ಪ್ರೇಕ್ಷಕರಿಗೆ ಲೈವ್ ಪಂದ್ಯ ನೋಡುವ ಅವಕಾಶ ನೀಡಲಾಗಿರಲಿಲ್ಲ. ಆದರೆ, ಈ ಬಾರಿ ಕ್ರಿಕೆಟ್ ಅಭಿಮಾನಿಗಳು ಸ್ಟೇಡಿಯಂನಲ್ಲಿ ಕುಳಿತು ತಮ್ಮ ನೆಚ್ಚಿನ ತಂಡಕ್ಕೆ ಬೆಂಬಲ ನೀಡಲಿದ್ದಾರೆ ಎಂಬುದನ್ನು ನಿರೀಕ್ಷಿಸಲಾಗುತ್ತಿದೆ. 

ಇದನ್ನೂ ಓದಿ-  IPL 2021: ಈ ಮೂರು ಕಾರಣಗಳಿಂದಾಗಿ RCB ಈ ಬಾರಿ ಐಪಿಎಲ್ ಟ್ರೋಪಿ ಗೆಲ್ಲಲಿದೆ

ಕಳೆದ ವಾರದಿಂದ IPL ಆಯೋಜನೆಯ ವೆನ್ಯೂ ಕುರಿತು ಸಾಕಷ್ಟು ಗೊಂದಲಗಳು ಕೇಳಿಬಂದಿವೆ. ಈ ಪಂದ್ಯಗಳ ಆಯೋಜನೆಗಾಗಿ BCCI ಅಹ್ಮದಾಬಾದ್, ಕೊಲ್ಕತಾ, ದೆಹಲಿ, ಬೆಂಗಳೂರು, ಚೆನ್ನೈ ಹಾಗೂ ಮುಂಬೈ ನಗರಗಳನ್ನು ಪರಿಗಣಿಸುತ್ತಿದೆ ಎಂಬ ಸುದ್ದಿ ಬಿತ್ತರಗೊಳ್ಳುತ್ತಲೇ ಈ ವಿವಾದ ಮತ್ತಷ್ಟು ತೀವ್ರವಾಗಿದೆ. ಪಂಜಾಬ್ ಕಿಂಗ್ಸ್ ಹಾಗೂ ರಾಜಸ್ಥಾನ್ ರಾಯಲ್ಸ್ ತಂಡಗಳು ಕೂಡ ಇದಕ್ಕೆ ತಮ್ಮ ಅಸಮಾಧಾನ ವ್ಯಕ್ತಪಡಿಸಿವೆ. ವೆನ್ಯೂ ಕುರಿತು ಹೆಚ್ಚಾಗುತ್ತಿರುವ ವಿವಾದದ ಕುರಿತು BCCI ಇದುವರೆಗೆ ಮೌನ ಧೋರಣೆ ತಳೆದಿದೆ.