IPL 2023: ಆಕಾಶ್ ದಾಳಿಗೆ ಲಕ್ನೋ ತತ್ತರ, ಮುಂಬೈ ಇಂಡಿಯನ್ಸ್ ಗೆ 81 ಗಳ ಭರ್ಜರಿ ಗೆಲುವು

ಚೆನ್ನೈ: ಇಲ್ಲಿನ ಎಂ.ಎ ಚಿದಂಬರಂ ಸ್ಟೇಡಿಯಂನಲ್ಲಿ ನಡೆದ ಎಲಿಮಿನೇಟರ್ ಪಂದ್ಯದಲ್ಲಿ ಲಕ್ನೋ ಸೂಪರ್ ಜೈಂಟ್ಸ್ ವಿರುದ್ಧ ಮುಂಬೈ ಇಂಡಿಯನ್ಸ್ ತಂಡವು 81 ರನ್ ಗಳ ಭರ್ಜರಿ ಗೆಲುವು ಸಾಧಿಸಿದೆ.

ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಮುಂಬೈ ಇಂಡಿಯನ್ಸ್ ತಂಡವು 20 ಓವರ್ ಗಳಲ್ಲಿ ಎಂಟು ವಿಕೆಟ್ ನಷ್ಟಕ್ಕೆ 182 ರನ್ ಗಳನ್ನು ಗಳಿಸಿತು. ಮುಂಬೈ ಇಂಡಿಯನ್ಸ್ ತಂಡದ ಪರವಾಗಿ ಗ್ರೀನ್ 41, ಸೂರ್ಯಕುಮಾರ್ ಯಾದವ್ 33 ಹಾಗೂ ತಿಲಕ್ ವರ್ಮಾ 26 ರನ್ ಗಳನ್ನು ಗಳಿಸುವ ಮೂಲಕ ತಂಡಕ್ಕೆ ಆಸರೆಯಾದರು.

ಮುಂಬೈ ತಂಡವು ನೀಡಿದ 183 ರನ್ ಗಳ ಗೆಲುವಿನ ಗುರಿಯನ್ನು ಬೆನ್ನತ್ತಿದ ಲಕ್ನೋ ಸೂಪರ್ ಜೈಂಟ್ಸ್ ತಂಡವು ಆಕಾಶ್ ಮಾದ್ವಾಲ್ ಅವರ ಮಾರಕ ಬೌಲಿಂಗ್ ದಾಳಿಗೆ ತತ್ತರಿಸಿ ಹೋಯಿತು. ಅವರು 3.3 ಓವರ್ ಗಳಲ್ಲಿ ಕೇವಲ ಐದು ರನ್ ಗಳನ್ನು  ನೀಡಿ ಐದು ವಿಕೆಟ್ ಗಳನ್ನು ಕಬಳಿಸುವ ಮೂಲಕ ಲಕ್ನೋ ತಂಡದ ಬ್ಯಾಟಿಂಗ್ ಬೆನ್ನೆಲುಬನ್ನು ಮುರಿದರು.

ಲಕ್ನೋ ತಂಡದ ಪರವಾಗಿ ಮಾರ್ಕಸ್ ಸ್ಟೋನಿಸ್ 40 ರನ್ ಗಳಿಸಿದ್ದೆ ಅಧಿಕವಾಯಿತು. ಉಳಿದ ಯಾವ ಆಟಗಾರನು ಸಹಿತ  20 ರ ಗಡಿಯನ್ನು ದಾಟುವಲ್ಲಿ ವಿಫಲರಾದರು.ಆ ಮೂಲಕ ಮುಂಬೈ ಇಂಡಿಯನ್ಸ್ ತಂಡವು 81 ರನ್ ಗಳ ಭಾರಿ ಅಂತರಿಂದ ಗೆಲುವನ್ನು ಸಾಧಿಸಿತು.