IPL 2024: ತಂಡದ ಹೆಸರಿನಲ್ಲಿ Bangalore ನಿಂದ Bengaluru ಎಂದು ಬದಲಾಯಿಸಿದ RCB ತಂಡ

ಬೆಂಗಳೂರು: ಮಂಗಳವಾರದಂದು ನಡೆದ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಫ್ರಾಂಚೈಸಿಯ UNBOX ಕಾರ್ಯಕ್ರಮದಲ್ಲಿ RCB ತಮ್ಮ ತಂಡದ ಹೆಸರಿನಲ್ಲಿರುವ ಆಂಗ್ಲೀಕೃತ 'Bangalore' ಅನ್ನು ನಗರದ ಅಧಿಕೃತ ಹೆಸರು 'Bengaluru' ಎಂದು ಬದಲಿಸಿದೆ.

2008 ರಲ್ಲಿ ಪಂದ್ಯಾವಳಿಯ ಪ್ರಾರಂಭದಿಂದಲೂ 'Royal Challengers Bangalore' ಎಂದು ಕರೆಯಲ್ಪಡುವ ತಂಡವನ್ನು ಇನ್ಮುಂದೆ 'Royal Challengers Bengaluru' ಎಂದು ಕರೆಯಲಾಗುವುದು.

ಈ ಕಾರ್ಯಕ್ರಮದಲ್ಲಿ ವಿರಾಟ್ ಕೊಹ್ಲಿ, ಫಾಫ್ ಡು ಪ್ಲೆಸಿಸ್, ಇತ್ತೀಚೆಗಷ್ಟೇ ಡಬ್ಲ್ಯುಪಿಎಲ್ ಚಾಂಪಿಯನ್ ಸ್ಮೃತಿ ಮಂಧಾನ ಮತ್ತು ಪುರುಷ ಮತ್ತು ಮಹಿಳಾ ತಂಡಗಳೆರಡರ ಆಟಗಾರರು ಉಪಸ್ಥಿತರಿದ್ದರು.ಈ ಕಾರ್ಯಕ್ರಮದಲ್ಲಿ ಆರ್ಸಿಬಿ ಕರ್ನಾಟಕ ಮತ್ತು ಭಾರತದ ಮಾಜಿ ವೇಗದ ಬೌಲರ್ ಆರ್ ವಿನಯ್ ಕುಮಾರ್ ಅವರನ್ನು ತಮ್ಮ ಹಾಲ್ ಆಫ್ ಫೇಮ್‌ನ ಮೂರನೇ ಆಟಗಾರ ಎಂದು ಘೋಷಿಸಿತು.ಇದಕ್ಕೂ ಮೊದಲು ಎಬಿ ಡಿವಿಲಿಯರ್ಸ್ ಮತ್ತು ಕ್ರಿಸ್ ಗೇಲ್ ಹಾಲ್ ಆಫ್ ಫೇಮ್‌ನ ಆಟಗಾರರ ಸ್ಥಾನವನ್ನು ಪಡೆದಿದ್ದರು.

ಮಾರ್ಚ್ 22 ರಂದು ಹಾಲಿ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧದ ಋತುವಿನ ಆರಂಭಿಕ ಪಂದ್ಯಕ್ಕೆ ಸಿದ್ಧರಾಗಲು ಆರ್ಸಿಬಿ ಮಂಗಳವಾರ ಸಂಜೆ ಚೆನ್ನೈಗೆ ಹೊರಟಿದೆ.