IPL 2020: ಹೈದರಾಬಾದ್ ಸೋಲಿಸಿ ಫೈನಲ್ ಗೆ ಲಗ್ಗೆಯಿಟ್ಟ ಡೆಲ್ಲಿ ಕ್ಯಾಪಿಟಲ್ಸ್

ನವದೆಹಲಿ: ಅಬುದಾಭಿಯಲ್ಲಿನ ಶೇಕ್ ಜಾಯೆದ್ ಸ್ಟೇಡಿಯಂನಲ್ಲಿ ನಡೆದ ಐಪಿಎಲ್ ಟೂರ್ನಿಯ ಎರಡನೇಯ ಕ್ಯ್ವಾಲಿಫೈಯರ್ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು 17 ರನ್ ಗಳ ಅಂತರದಿಂದ ಗೆಲುವು ಸಾಧಿಸುವ ಮೂಲಕ ಫೈನಲ್ ಗೆ ಲಗ್ಗೆಯಿಟ್ಟಿದೆ.

ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ದುಕೊಂಡ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು 20 ಓವರ್ ಗಳಲ್ಲಿ ಮೂರು ವಿಕೆಟ್ ಕಳೆದುಕೊಂಡು 189 ರನ್ ಗಳನ್ನು ಗಳಿಸಿತು. ಡೆಲ್ಲಿ ತಂಡದ ಪರವಾಗಿ ಉತ್ತಮ ಆರಂಭಿಕ ಜೊತೆಯಾಟವನ್ನು ಒದಗಿಸಿದ ಸ್ಟೋನಿಸ್ ಮತ್ತು ಶಿಖರ್ ಧವನ್ ಮೊದಲ ವಿಕೆಟ್ ಗೆ 86 ರನ್ ಗಳ ಜೊತೆಯಾಟವನ್ನು ಆಡಿದರು. ಧವನ್ 78 ರನ್ ಗಳಿಸಿದರೆ ಸ್ಟೋನಿಸ್ 38 ರನ್ ಗಳಿಸಿದರು. ತದನಂತರ ಆಟದ ಕೊನೆಯಲ್ಲಿ ಸ್ಪೋಟಕ ಬ್ಯಾಟಿಂಗ್ ಪ್ರದರ್ಶನ ನೀಡಿದ ಹೆತ್ಮಾರ್ ಕೇವಲ 22 ಎಸೆತಗಳಲ್ಲಿ 42 ರನ್ ಗಳಿಸುವ ಮೂಲಕ ಅಜೇಯರಾಗಿ ಉಳಿದರು.

ಇನ್ನೊಂದೆಡೆ ಅಬ್ದುಲ್ ಸಮಾದ್ 33 (16) ಹಾಗೂ ರಶಿದ್ ಖಾನ್ (11) ಪಂದ್ಯದ ಕೊನೆಯ ಸಂದರ್ಭದಲ್ಲಿ ಗೆಲುವಿನ ಆಸೆಯನ್ನು ಮೂಡಿಸಿದ್ದರು ಆದರೆ ಈ ಆಟಕ್ಕೆ ಕಾಗಿಸೋ ರಬಾಡಾ ಒಂದೇ ಓವರ್ ನಲ್ಲಿ  ಮೂರು ವಿಕೆಟ್ ಗಳನ್ನು ಕಬಳಿಸುವ ಮೂಲಕ ಹೈದರಾಬಾದ್ ಗೆಲುವಿಗೆ ತನ್ನಿರೆರಚಿಸಿದರು. ಕೊನೆಗೆ ಅದು 20 ಓವರ್ ಗಳಲ್ಲಿ  8 ವಿಕೆಟ್ ನಷ್ಟಕ್ಕೆ 172 ರನ್ ಗಳಿಸಲು ಯಶಸ್ವಿಯಾಯಿತು.