ಬಿಸಿಸಿಐಗೆ ಪಶ್ಚಾತಾಪ! 16 ಬೌಂಡರಿ.. 6 ಸಿಕ್ಸರ್‌ ಸಿಡಿಸಿ ವಿಧ್ವಂಸಕ ಆಟವಾಡಿದ ಟೀಂ ಇಂಡಿಯಾದ ಆಟಗಾರ!!

Ishan Kishan: ಟೀಂ ಇಂಡಿಯಾದ ಪ್ರಮುಖ ಆಟಗಾರರಾಗಿದ್ದ ಇಶಾನ್‌ ಕಿಶನ್‌ ಅವರು ಅವಕಾಶಗಳಿಂದ ವಂಚಿತಗೊಂಡಿದ್ದು, ಜಾರ್ಖಂಡ್ ತಂಡದೊಂದಿಗೆ ತಮ್ಮ ಪಯಣವನ್ನು ಮತ್ತೆ ಆರಂಭಿಸಿದ್ದಾರೆ. ಸದ್ಯ ಜಾರ್ಖಂಡ್ ತಂಡದ ನಾಯರಾಗಿರುವ ಇಶಾನ್‌ ಕಿಶನ್‌, ಇದೀಗ ವಿಧ್ವಂಸಕ ಶತಕ ಸಿಡಿಸಿ ಸೈ ಎನಿಸಿಕೊಂಡಿದ್ದಾರೆ.

ಪ್ರತಿಷ್ಠಿತ ದೇಶೀಯ ಏಕದಿನ ಪಂದ್ಯಾವಳಿ ವಿಜಯ್ ಹಜಾರೆ ಟ್ರೋಫಿಯಲ್ಲಿ ಇಶಾನ್ ಕಿಶನ್ ಮಣಿಪುರ ವಿರುದ್ಧ 64 ಎಸೆತಗಳಲ್ಲಿ ಶತಕ ಸಿಡಿಸಿ ಬಿಸಿಸಿಐಗೆ ಶಾಕ್‌ ಕೊಟ್ಟಿದ್ದಾರೆ. 78 ಎಸೆತಗಳಲ್ಲಿ 16 ಬೌಂಡರಿ ಮತ್ತು 6 ಸಿಕ್ಸರ್‌ ಸಿಡಿಸಿ, 134 ರನ್‌ ಕಲೆ ಹಾಕಿದ್ದಾರೆ.

ಇಶಾನ್‌ ಕಿಶನ್‌ ಅವರ ಈ ಭರ್ಜರಿ ಆಟಕ್ಕೆ ಜಾರ್ಕಂಡ್‌ ತಂಡ 8 ವಿಕೆಟ್‌ಗಳೊಂದಿಗೆ ಭರ್ಜರಿ ಗೆಲುವು ಸಾಧಿಸುವಲ್ಲಿ ಯಶಸ್ವಿಯಾಗಿದೆ. ಮಾನಸಿಕ ಸಮಸ್ಯೆಯಿಂದ ಟೀಂ ಇಂಡಿಯಾದಿಂದ ದೂರ ಉಳಿದಿದ್ದ ಇಶಾನ್ ಕಿಶನ್ ಮತ್ತೆ ಫಾರ್ಮ್ಗೆ ಮರಳಿದ್ದಾರೆ. ದೇಶೀಯ ಕ್ರಿಕೆಟ್‌ನಲ್ಲಿ ಸತತ ಟೂರ್ನಿಗಳಲ್ಲಿ ಶತಕ ಬಾರಿ ಸಂಚಲನ ಸೃಷ್ಟಿಸುತ್ತಿದ್ದಾರೆ. ರಣಜಿ ಟ್ರೋಫಿಯಲ್ಲಿ ಶತಕ ಸಿಡಿಸಿದ್ದ ಇಶಾನ್ ಕಿಶನ್ ವಿಜಯ್ ಹಜಾರೆ ಟ್ರೋಫಿಯಲ್ಲೂ ಅದೇ ಫಾರ್ಮ್‌ ಮುಂದುವರೆಸಿದ್ದಾರೆ. ಇದೇ ಆಟ ಮುಂದುವರೆಸಿದರೆ, ಇಶನ್‌ ಕಿಶನ್‌ ಮತ್ತೆ ಟೀಂ ಇಂಡಿಯಾ ತಂಡಕ್ಕೆ ಮರಳಲಿದ್ದಾರೆ ಎಂದು ಅಭಿಮಾನಿಗಳು ಕಾಮೆಂಟ್‌ ಮಾಡುತ್ತಿದ್ದಾರೆ.

ಇಶಾನ್ ಕಿಶನ್ ಅವರ ಅಬ್ಬರದ ಬ್ಯಾಟಿಂಗ್ ಬಗ್ಗೆ ಸನ್ ರೈಸರ್ಸ್ ಹೈದರಾಬಾದ್ ಅಭಿಮಾನಿಗಳು ಸಂತಸ ವ್ಯಕ್ತಪಡಿಸಿದ್ದಾರೆ. ಮುಂಬರುವ ಸೀಸನ್ ನಲ್ಲೂ ಇಶಾನ್ ಕಿಶನ್ ಇದೇ ಬಲ ಪ್ರದರ್ಶಿಸಿದರೆ ಆರೆಂಜ್ ಆರ್ಮಿ ಹಿಂದೆ ಸರಿಯುವುದಿಲ್ಲ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ. ಐಪಿಎಲ್ 2025 ರ ಮೆಗಾ ಹರಾಜಿನಲ್ಲಿ ಇಶಾನ್ ಕಿಶನ್ ಅವರನ್ನು ಸನ್ ರೈಸರ್ಸ್ ತಂಡ ರೂ. 11.25 ಕೋಟಿಗೆ ಸೇಲ್‌ ಆಗಿದ್ದಾರೆ.