ದೇಶದ ಪ್ರಖ್ಯಾತ ಆಟಗಾರನಿಗೆ ಪಬ್ಲಿಕ್‌ ಪ್ಲೇಸ್‌ನಲ್ಲೇ ವಾರ್ನಿಂಗ್‌ ಕೊಟ್ಟ ನಟಿ ರಶ್ಮಿಕಾ ಮಂದಣ್ಣ... ಅಸಲಿಗೆ ಆಗಿದ್ದೇನು?

National crush Rashmika: ಇತ್ತೀಚೆಗಷ್ಟೇ ರಶ್ಮಿಕಾ ಮಂದಣ್ಣ ಅವರು ಭಾರತದ ಬ್ಯಾಡ್ಮಿಂಟನ್ ಆಟಗಾರ ಕಿಡಂಬಿ ಶ್ರೀಕಾಂತ್ ಗೆ ಇನ್ ಸ್ಟಾಗ್ರಾಂನಲ್ಲಿ ವಾರ್ನಿಂಗ್ ನೀಡಿದ್ದಾರೆ ಎನ್ನಲಾಗಿದೆ. ಈ ವಿಚಾರ ಭಾರೀ ಚರ್ಚೆಗೆ ಗ್ರಾಸವಾಗಿದೆ. ಅಷ್ಟಕ್ಕೂ ನಡೆದಿದ್ದಾದರು ಏನು? ಎಂಬುದನ್ನು ಮುಂದೆ ತಿಳಿಯೋಣ.

ಇದನ್ನೂ ಓದಿ: BBK11 Elimination: ಬಿಗ್‌ ಬಾಸ್‌ ನಲ್ಲಿ ಡಬಲ್ ಎಲಿಮಿನೇಷನ್.! ಈ ವಾರ ಹೊರಬಂದವರು ಯಾರು?

ಸಾಮಾನ್ಯವಾಗಿ ಸೆಲೆಬ್ರಿಟಿಗಳು ಆಗಾಗ ಸುದ್ದಿಯಲ್ಲಿರುತ್ತಾರೆ. ಅದರಲ್ಲೂ ಪ್ರೀತಿ, ಮದುವೆ ಮತ್ತು ಅಫೇರ್ ವದಂತಿಗಳಂತೂ ಆಗಾಗ ಟ್ರೆಂಡಿಂಗ್ ಆಗುತ್ತವೆ. ಅಂತಹ ಸೆಲೆಬ್ರಿಟಿ ಲಿಸ್ಟ್‌ನಲ್ಲಿ ರಶ್ಮಿಕಾ ಮಂದಣ್ಣ ಕೂಡ ಒಬ್ಬರು. ಮದುವೆಗೂ ಮುನ್ನ ಭಾವಿ ಅತ್ತೆಯ ಮನೆಯಲ್ಲಿ ದೀಪಾವಳಿ ಆಚರಣೆ ಮಾಡಿದ್ದಾರೆ ಎಂದು ನೆಟಿಜನ್ಸ್‌ ಗುಸುಗುಸು ಮಾಡುತ್ತಿದ್ದಾರೆ.

ಇನ್ನೊಂದೆಡೆ ವಿಜಯ್ ದೇವರಕೊಂಡ ಜೊತೆ ರಶ್ಮಿಕಾ ಮದುವೆಯಾಗುವುದು ಕನ್ಫರ್ಮ್ ಆಗಿದೆ ಎಂದು ಕೂಡ ವದಂತಿ ಎಲ್ಲೆಡೆ ಹಬ್ಬುತ್ತಿದೆ. ಈ ವದಂತಿಗಳಿಗೆ ಪುಷ್ಟಿ ನೀಡುವಂತೆ... ಇತ್ತೀಚೆಗಷ್ಟೇ ಇವರಿಬ್ಬರು ಮುಂಬೈ ವಿಮಾನ ನಿಲ್ದಾಣದಲ್ಲಿ ಒಟ್ಟಾಗಿ ಕಾಣಿಸಿಕೊಂಡಿದ್ದರು, ಆ ಬಳಿಕ ವಿಜಯ್‌ ಅವರ ಮನೆಯಲ್ಲಿ ದೀಪಾವಳಿ ಆಚರಿಸಲಾಗಿತ್ತು ಎನ್ನಲಾಗಿದೆ.

ಇದನ್ನೂ ಓದಿ: ಬಿಗ್‌ ಬಾಸ್‌ ಸೀಸನ್‌ ಇನ್ಮುಂದೆ ಹೋಸ್ಟ್‌ ಮಾಡೋದು ಯಾರು ಗೊತ್ತಾ? ವೇದಿಕೆ ಮೇಲೆಯೇ ಮೀಸೆ ತಿರುವುತ್ತಾ ಗತ್ತಿನಲ್ಲಿ ಹೆಸರು ರಿವೀಲ್‌ ಮಾಡಿದ್ರ ಕಿಚ್ಚ ಸುದೀಪ್‌..!

ಈ ಎಲ್ಲದರ ಜೊತೆ ನಟಿ ರಶ್ಮಿಕಾ ಮಂದಣ್ಣ ತಮ್ಮ ಸ್ನೇಹಿತೆ ಸ್ಟೈಲಿಸ್ಟ್ ಶ್ರಾವ್ಯ ನೀಡಿದ ಬ್ಯಾಚುಲರ್ ಪಾರ್ಟಿಯಲ್ಲಿ ಭಾಗವಹಿಸಿದ್ದರು.  ಶ್ರಾವ್ಯ ಮತ್ತು ರಶ್ಮಿಕಾ ಒಳ್ಳೆಯ ಸ್ನೇಹಿತರು. ಶ್ರಾವ್ಯ ಭಾರತದ ಸ್ಟಾರ್ ಬ್ಯಾಡ್ಮಿಂಟನ್ ಆಟಗಾರ ಕಿಡಂಬಿ ಶ್ರೀಕಾಂತ್ ಜೊತೆ ಆಗಸ್ಟ್ 10 ರಂದು ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಇಬ್ಬರೂ ಶೀಘ್ರದಲ್ಲೇ ಮದುವೆಯಾಗಲಿದ್ದಾರೆ. ಇನ್ನು ಶ್ರಾವ್ಯ ನೀಡಿದ ಬ್ಯಾಚುಲರ್ ಪಾರ್ಟಿಗೆ ಕೆಲವರ ಜೊತೆ ರಶ್ಮಿಕಾ ಬಂದಿದ್ದರು. ಈ ಸಮಾರಂಭದ ಫೋಟೋವನ್ನು ಇನ್ಸ್ಟಾಗ್ರಾಮ್ ನಲ್ಲಿ ಪೋಸ್ಟ್ ಮಾಡಿದ್ದ ಶ್ರಾವ್ಯ, "ಇದು ನನ್ನ ಕೊನೆಯ ಬ್ಯಾಚುಲರ್ ಪಾರ್ಟಿ" ಎಂದು ಬರೆದುಕೊಂಡಿದ್ದರು. ಇದಕ್ಕೆ ರಶ್ಮಿಕಾ ಕಮೆಂಟ್‌ ಮಾಡಿದ್ದು, "ನಮ್ಮ ಮೇಡಂ... ಶ್ರಾವ್ಯಳನ್ನು ಚೆನ್ನಾಗಿ ನೋಡಿಕೊಳ್ಳಬೇಕು.. ಆಕೆ ಎಂದೆಂದೂ ನಿನ್ನವಳೇ ಎಂದು ಭಾವಿಸಬೇಕು" ಎಂದು ಅವಾಜ್‌ ಹಾಕಿರೋ ಥರ ಶ್ರೀಕಾಂತ್‌ ಕಾಲೆಳೆದಿದ್ದಾರೆ.