ಎಲ್ಲರೂ ಇದ್ರೂ ಅನಾಥನಂತೆ ಬದುಕಿದ ಜಸ್ಪ್ರೀತ್ ಬುಮ್ರಾ: ವೇಗಿಯ ಬದುಕಲ್ಲೊಂದು ನೋವಿನ ಕಥೆ..?

Jasprit Bumrah: ಜಸ್ಪ್ರೀತ್ ಬುಮ್ರಾ, ಆಧುನಿಕ ಕ್ರಿಕೆಟ್‌ನಲ್ಲಿ ಅತ್ಯುತ್ತಮ ವೇಗದ ಬೌಲರ್‌ಗಳಲ್ಲಿ ಒಬ್ಬರು , ಜೀವನದ ಆರಂಭದಲ್ಲಿ ವೈಯಕ್ತಿಕ ಸವಾಲುಗಳನ್ನು ಎದುರಿಸಿದ್ದರೂ ಬೂಮ್ರಾ ಗಮನಾರ್ಹ ಯಶಸ್ಸನ್ನು ಸಾಧಿಸಿದ್ದಾರೆ. ಪಂಜಾಬಿ ಕುಟುಂಬದಲ್ಲಿ ಜನಿಸಿದ ಜಸ್ಪ್ರೀತ್ ಅವರು ಕೇವಲ ಆರು ವರ್ಷದ ಮಗುವಾಗಿದ್ದಾಗ ಅವರ ತಂದೆ ಜಸ್ವೀರ್ ಸಿಂಗ್ ಅವರನ್ನು ಕಳೆದುಕೊಂಡರು. ಈ ದುರಂತದ ನಂತರ ಬೂಮ್ರಾ ಅವರ ತಾಯಿ ದಲ್ಜಿತ್ ಕೌರ್, ಬುಮ್ರಾ  ಮತ್ತು ಅವರ ಸಹೋದರಿಯನ್ನು ಏಕಾಂಗಿಯಾಗಿ ಬೆಳೆಸಿದರು.

ಜಸ್ಪ್ರೀತ್ ಬುಮ್ರಾ, ಯಾವುದೇ ಪರಿಚಯದ ಅಗತ್ಯವಿಲ್ಲದ ಹೆಸರು. 150 ಕೋಟಿ ಭಾರತೀಯ ಕ್ರಿಕೆಟ್ ಅಭಿಮಾನಿಗಳು ಸೋಲನ್ನು ಒಪ್ಪಿಕೊಳ್ಳುತ್ತಿರುವ ಕ್ಷಣದಲ್ಲಿ, ಚೆಂಡನ್ನು ಸ್ವೀಕರಿಸಿ ಪಂದ್ಯವನ್ನು ನಮ್ಮತ್ತ ತಿರುಗಿಸಿದ ಯೋಧ. ಸೂಪರ್ ಬೌಲಿಂಗ್ ಮೂಲಕ 11 ವರ್ಷಗಳ ಸುದೀರ್ಘ ಕಾಯುವಿಕೆಯ ನಂತರ ಟೀಂ ಇಂಡಿಯಾವನ್ನು ಚಾಂಪಿಯನ್ ಮಾಡಿದ ಸೂಪರ್ ಸ್ಟಾರ್ ಈತ.

ಇದನ್ನೂ ಓದಿ: IND vs ZIM 3rd T20: ಮೂರನೇ ಟಿ20 ಪಂದ್ಯಕ್ಕೆ ಬ್ಯೂ ಬಾಯ್ಸ್‌ ರೆಡಿ..! ವಿರೋಧಿ ತಂಡದ ನಡುವೆ ಸೆಣಸಾಟ ಎಲ್ಲಿ? ಯಾವಾಗ..?

2024 ರ ಟಿ 20 ವಿಶ್ವಕಪ್ ಯಶಸ್ಸಿನಲ್ಲಿ ಪ್ರಮುಖ ಪಾತ್ರ ವಹಿಸಿದ ಜಸ್ಪ್ರೀತ್ ಬುಮ್ರಾ ಪ್ರಸ್ತುತ ಪ್ರಶಂಸೆಯ ಸುರಿಮಳೆಯಾಗುತ್ತಿದ್ದಾರೆ. ಎಲ್ಲರೂ ಬುಮ್ರಾ ಅವರನ್ನು ಸೂಪರ್ ಸ್ಟಾರ್‌ ಎಂದು ಕರೆಯುತ್ತಿದ್ದಾರೆ. ವಿಶ್ವದ ಅತ್ಯುತ್ತಮ ವೇಗಿ ಎಂದು ಹೊಗಳುತ್ತಿದ್ದಾರೆ ಆದರೆ ಅವರು ತಮ್ಮ ಬಾಲ್ಯದಲ್ಲಿ ಅನಾಥರಂತೆ ಬದುಕಿದ್ದರು ಎಂಬುದು ಅನೇಕರಿಗೆ ತಿಳಿದಿಲ್ಲ. ಅವರ ಯಶಸ್ಸಿನ ಹಿಂದೆ ಪುಟ್ಟೇಡುವಿನ ದುಃಖವಿದೆ. ಅದರಲ್ಲೂ ಅವರ ತಾಯಿ ದಲ್ಜಿತ್ ಕೌರ್ ಬುಮ್ರಾ ತುಂಬಾ ಶ್ರಮಜೀವಿ. 

ಪಂಜಾಬಿ ಕುಟುಂಬದಿಂದ ಬಂದ ಜಸ್ಪ್ರೀತ್ ಬುಮ್ರಾ ಅವರ ತಂದೆಯ ಹೆಸರು ಜಸ್ವಿರ್ ಸಿಂಗ್ ಮತ್ತು ತಾಯಿಯ ಹೆಸರು ದಲ್ಜಿತ್ ಕೌರ್ ಬುಮ್ರಾ. ಬುಮ್ರಾ ಆರು ವರ್ಷದವನಿದ್ದಾಗ ಅವರ ತಂದೆ ಜಸ್ವೀರ್ ಸಿಂಗ್ ನಿಧನರಾಗುತ್ತಾರೆ, ಮೊಮ್ಮಗ ಮತ್ತು ಸೊಸೆಗೆ ಆಸರೆಯಾಗಿ ನಿಲ್ಲಬೇಕಿದ್ದ ಬೂಮ್ರಾ ಅವರ ಅಜ್ಜ ಇಬ್ಬರನ್ನೆ ಬಿಟ್ಟು ಬೇರೆ ಊರಿಗೆ ಹೊರಟು ಬಿಡ್ತಾರೆ. 

ಇದನ್ನೂ ಓದಿ: ರೋಹಿತ್‌ ಶರ್ಮಾಗೆ ಸಿಕ್ತು ಲಾಟರಿ..! ಕೊನೆಗೂ ಹಿಟ್‌ಮ್ಯಾನ್‌ಗೆ ಹೊಡದೇ ಬಿಡ್ತು ಜಾಕ್‌ಪಾಟ್‌..?

ಗಂಡನ ಅಕಾಲಿಕ ಮರಣ ಹಾಗೂ ಮಾವನ ನಿರ್ಲಕ್ಷ್ಯದಿಂದ ಬುಮ್ರಾ ತಾಯಿಗೆ ದಿಕ್ಕೇ ತೋಚದಂತಾಗುತ್ತದೆ. ಇದನ್ನೇ ಸವಾಲಾಗಿ ತೆಗೆದುಕೊಂಡ ಬೂಮ್ರಾ ತಾಯಿ, ಏನೇ ಆಗಲಿ ತನ್ನ ಮಗನನ್ನು ದೊಡ್ಡವನನ್ನಾಗಿ ಮಾಡಬೇಕೆಂಬ ಸಂಕಲ್ಪ ತೊಡುತ್ತಾಳೆ. ವಸ್ತ್ರಾಪುರದ ಶಾಲೆಯೊಂದರಲ್ಲಿ ಪ್ರಿನ್ಸಿಪಾಲ್ ಆಗಿ ಕೆಲಸಕ್ಕೆ ಸೇರುತ್ತಾರೆ.

ಪತಿ ಇಲ್ಲದಿದ್ದರೂ.. ಅತ್ತೆ-ಮಾವಂದಿರು ತಲೆಕೆಡಿಸಿಕೊಳ್ಳದಿದ್ದರೂ.. ಬುಮ್ರಾ ಅವರನ್ನು ಯೋಧನಂತೆ ಶ್ರೇಷ್ಠ ಬೌಲರ್ ಮಾಡಿದ್ದು ಬುಮ್ರಾ ತಾಯಿ. ವಾಸ್ತವವಾಗಿ, ಈ ಮೂಲಕ  ದಲ್ಜಿತ್ ಕೌರ್ ದೇಶಕ್ಕೆ ವಜ್ರಾಯುಧವನ್ನು ಏಕಾಂಗಿಯಾಗಿ ತಯಾರು ಮಾಡಲು ಪ್ರಮುಖ ಪಾತ್ರ ವಹಿಸಿದ್ದಾರೆ. ತಾಯಿಯ ಪರಿಶ್ರಮದಿಂದ ಬುಮ್ರಾ ಶ್ರೇಷ್ಠ ಕ್ರಿಕೆಟಿಗನಾಗಿ ಬೆಳೆದು ನೀಮತಿದ್ದಾರೆ. ದೇಶದ ಹೆಮ್ಮೆಯ ಬೌಲರ್ ಎನಿಸಿಕೊಂಡಿದ್ದಾರೆ. ತಮ್ಮ ಸಹಜ ಬೌಲಿಂಗ್ ಮೂಲಕ ಟೀಂ ಇಂಡಿಯಾವನ್ನು ವಿಶ್ವ ಚಾಂಪಿಯನ್ ಪಟ್ಟಕ್ಕೆ ಏರಿಸಿದ್ದಾರೆ. ತಾಯಿಯ ಕಷ್ಟ ಅರಿತು ಗುರಿಯತ್ತ ಓಡುತ್ತಿರುವ ಬುಮ್ರಾ ಅದೆಷ್ಟೋ ಜನ ಯುವಕರಿಗೆ ಇಂದು ಮಾದರಿಯಾಗಿದ್ದಾರೆ.