ಒಂದು ಎಸೆತ, ಎರಡು ಪ್ರತ್ಯೇಕ ದಾಖಲೆಗಳು… ಇತಿಹಾಸ ರಚಿಸಿಯೇ ಬಿಟ್ರು ವಿರಾಟ್-ಬುಮ್ರಾ!

Jasprit Bumrah and Virat Kohli: ಭಾರತವು ತನ್ನ ವಿಶ್ವಕಪ್ 2023 ರ ಆರಂಭಿಕ ಪಂದ್ಯದಲ್ಲಿ ಆಸ್ಟ್ರೇಲಿಯಾವನ್ನು ಎದುರಿಸುತ್ತಿದೆ. ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡಿರುವ ಆಸೀಸ್’ಗೆ ಟೀಂ ಇಂಡಿಯಾ ಆರಂಭಿಕ ಆಘಾತವನ್ನೇ ನೀಡಿದೆ.

ಇದನ್ನೂ ಓದಿ: ಏಷ್ಯನ್ ಗೇಮ್ಸ್ 2023ರಲ್ಲಿ ಪದಕ ಗೆದ್ದ ಭಾರತೀಯ ಕ್ರೀಡಾಳುಗಳ ಸಂಪೂರ್ಣ ವಿವರ ಇಲ್ಲಿದೆ

ಜಸ್ಪ್ರೀತ್ ಬುಮ್ರಾ ಅವರ ಎಸೆತಕ್ಕೆ ಆರಂಭಿಕ ಆಟಗಾರ ಮಿಚೆಲ್ ಮಾರ್ಷ್ ವಿರಾಟ್ ಕೊಹ್ಲಿಗೆ ಕ್ಯಾಚ್ ನೀಡಿ ಔಟ್ ಆಗಿದ್ದಾರೆ. ಈ ವೇಳೆ ಆಸ್ಟ್ರೇಲಿಯಾ 2.2 ಓವರ್‌’ಗಳಲ್ಲಿ 1 ವಿಕೆಟ್ ನಷ್ಟಕ್ಕೆ ಕೇವಲ 5 ರನ್ ಗಳಿಸಿತ್ತು.  

ಇದೀಗ ಈ ಕ್ಯಾಚ್ ಹಿಡಿಯುವ ಮೂಲಕ ಕೊಹ್ಲಿ, ಏಕದಿನ ವಿಶ್ವಕಪ್ ಇತಿಹಾಸದಲ್ಲಿ ಭಾರತದ ಪರ ಅತಿ ಹೆಚ್ಚು ಕ್ಯಾಚ್‌ ಹಿಡಿದ ಆಟಗಾರ ಎನಿಸಿಕೊಂಡಿದ್ದಾರೆ. ಅಂದರೆ ಇದುವರೆಗೆ ವಿರಾಟ್ ಏಕದಿನ ವಿಶ್ವಕಪ್ ಇತಿಹಾಸದಲ್ಲಿ 15 ಕ್ಯಾಚ್ ಹಿಡಿದಿದ್ದಾರೆ. ಇನ್ನುಳಿದಂತೆ ಅನಿಲ್ ಕುಂಬ್ಳೆ (14), ಕಪಿಲ್ ದೇವ್ (12) ಮತ್ತು ಸಚಿನ್ ತೆಂಡೂಲ್ಕರ್ (12) ಕ್ಯಾಚ್ ಹಿಡಿದಿದ್ದಾರೆ.

View this post on Instagram

A post shared by ICC (@icc)

ಇದನ್ನೂ ಓದಿ: Nushrratt Bharuccha: ಯುದ್ಧಪೀಡಿತ ಇಸ್ರೇಲ್‌ನಲ್ಲಿ ಸಿಲುಕಿಕೊಂಡಿದ್ದ ಬಾಲಿವುಡ್ ನಟಿ ಸುರಕ್ಷಿತವಾಗಿ ಭಾರತಕ್ಕೆ ವಾಪಸ್‌..! 

ಇನ್ನೊಂದೆಡೆ 48 ವರ್ಷಗಳಲ್ಲಿ ಯಾರೂ ಮಾಡಿರದ ಸಾಧನೆಯನ್ನು ಜಸ್ಪ್ರೀತ್ ಬುಮ್ರಾ ಮಾಡಿದ್ದಾರೆ. ಐಸಿಸಿ ವಿಶ್ವಕಪ್ 2023 ರ ಐದನೇ ಪಂದ್ಯದಲ್ಲಿ ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ರೋಚಕ ಪಂದ್ಯ ಮುಂದುವರೆದಿದೆ. ಇನಿಂಗ್ಸ್‌ನ ಮೂರನೇ ಓವರ್‌’ನಲ್ಲಿ ಮಿಚೆಲ್ ಮಾರ್ಷ್‌’ಗೆ ಪೆವಿಲಿಯನ್ ಹಾದಿ ತೋರಿಸುವ ಮೂಲಕ ಬುಮ್ರಾ ವಿಶ್ವಕಪ್‌’ನ 48 ವರ್ಷಗಳ ಬಳಿಕ ಇತಿಹಾಸ ಸೃಷ್ಟಿಸಿದ್ದಾರೆ. ಏಕದಿನ ವಿಶ್ವಕಪ್‌’ನ ಇತಿಹಾಸದಲ್ಲಿ ಭಾರತದ ಬೌಲರ್‌’ಗಳು ಕಾಂಗರೂ ಬ್ಯಾಟ್ಸ್‌ಮನ್‌’ಗಳನ್ನು ಡಕ್‌ ಔಟ್ ಮಾಡಿರುವುದು ಇದೇ ಮೊದಲು. ಬುಮ್ರಾ ಈ ವಿಶಿಷ್ಟ ದಾಖಲೆಯನ್ನು ತಮ್ಮ ಹೆಸರಿನಲ್ಲಿ ದಾಖಲಿಸಿದ್ದಾರೆ.