T20 World Cup 2022, Jasprit Bumrah - ದಕ್ಷಿಣ ಆಫ್ರಿಕಾ ವಿರುದ್ಧ ನಡೆಯುತ್ತಿರುವ ಮೂರು ಪಂದ್ಯಗಳ ಟಿ20 ಸರಣಿಯಲ್ಲಿ ಟೀಂ ಇಂಡಿಯಾ ಭಾರೀ ಹಿನ್ನಡೆ ಅನುಭವಿಸಿದೆ. ತಂಡದ ಮಾರಕ ವೇಗದ ಬೌಲರ್ ಜಸ್ಪ್ರೀತ್ ಬುಮ್ರಾ ಗಾಯದ ಕಾರಣ ಈ ಸರಣಿಯಿಂದ ಹೊರಗುಳಿದಿದ್ದರು. ಬುಮ್ರಾ ಅವರ ಗಾಯದ ದೃಷ್ಟಿಯಿಂದ, ಅವರು ಟಿ 20 ವಿಶ್ವಕಪ್‌ನಲ್ಲಿ ಟೀಮ್ ಇಂಡಿಯಾದ ಭಾಗವಾಗುವುದಿಲ್ಲ ಎಂಬ ವರದಿಗಳು ಪ್ರಕಟಗೊಂಡಿದ್ದವು ಆದರೆ ವರದಿಯ ಪ್ರಕಾರ, ಅವರು ಇನ್ನೂ ತಂಡದ ಭಾಗವಾಗಿರಲಿದ್ದಾರೆ ಎನ್ನಲಾಗಿದೆ.


COMMERCIAL BREAK
SCROLL TO CONTINUE READING

ಭಾರತೀಯ ಅಭಿಮಾನಿಗಳಿಗೆ ಭಾರಿ ಸಂತಸದ ಸುದ್ದಿ
ದಕ್ಷಿಣ ಆಫ್ರಿಕಾ ವಿರುದ್ಧದ ಮೊದಲ T20 ಪಂದ್ಯದ ನಂತರ, ಜಸ್ಪ್ರೀತ್ ಬುಮ್ರಾ ಅವರ ಬೆನ್ನಿನ ಗಾಯ ಮರುಕಳಿಸಿದ ಕಾರಣ ಸರಣಿಯಿಂದ ಅವರು ಹೊರಗುಳಿದಿದ್ದರು. ವೈದ್ಯಕೀಯ ತಂಡವು 2022 ರ ಟಿ 20 ವಿಶ್ವಕಪ್‌ನಿಂದ ಅವರನ್ನು ಇನ್ನೂ ಹೊರಗಿಡಲಾಗಿಲ್ಲ. ಅವರಿಗೆ ಉಂಟಾದ ಬೆನ್ನಿನ ಗಾಯಕ್ಕೆ ಯಾವುದೇ ಶಸ್ತ್ರಚಿಕಿತ್ಸೆಯ ಅಗತ್ಯವಿಲ್ಲ. ಆದ್ದರಿಂದ, ಜಸ್ಪ್ರೀತ್ ಬುಮ್ರಾ ಅಕ್ಟೋಬರ್ 6 ರಂದು ತಂಡದೊಂದಿಗೆ ಆಸ್ಟ್ರೇಲಿಯಾಕ್ಕೆ ಪ್ರಯಾಣಿಸುವ ನಿರೀಕ್ಷೆಯಿದೆ ಎಂದಿದ್ದಾರೆ. ಆದಾಗ್ಯೂ, ಟಿ20 ವಿಶ್ವಕಪ್‌ನಲ್ಲಿ ಅವರ ಭವಿಷ್ಯವನ್ನು ಅಕ್ಟೋಬರ್ 15 ರ ನಂತರ ನಿರ್ಧರಿಸಲಾಗುತ್ತದೆ ಎಂದು ವರದಿಗಳು ಹೇಳಿವೆ.


ಇದನ್ನೂ ಓದಿ-IND vs SA : ಈ ಸ್ಟಾರ್ ಆಟಗಾರನಿಗೆ ಶನಿಯಾಗಿ ಕಾಡುತ್ತಿದ್ದಾನೆ ಮೊಹಮ್ಮದ್ ಸಿರಾಜ್!


ಟಿ20 ವಿಶ್ವಕಪ್‌ನಲ್ಲಿ ಸ್ಥಾನ ಪಡೆಯುವ ಸಾಧ್ಯತೆ
ಈ ಕುರಿತು ಇನ್‌ಸೈಡ್‌ಸ್ಪೋರ್ಟ್‌ಗೆ ಮಾಹಿತಿ ನೀಡಿರುವ ಬಿಸಿಸಿಐನ ಹಿರಿಯ ಅಧಿಕಾರಿಯೊಬ್ಬರು, “ಬುಮ್ರಾ ಅವರಿಗೆ ವಿಶ್ರಾಂತಿಯ ಅಗತ್ಯವಿದೆ, ಏಕೆಂದರೆ ಇದು ಅವರ ಬೆನ್ನುನೋವಿಗೆ ಅತ್ಯುತ್ತಮ ಮದ್ದಾಗಿದೆ. ಸದ್ಯಕ್ಕೆ ಅವರು ಎನ್‌ಸಿಎಯ ವೈದ್ಯಕೀಯ ಸಿಬ್ಬಂದಿಯೊಂದಿಗೆ ಸಂಪರ್ಕದಲ್ಲಿರುತ್ತಾರೆ. ನಿತೀನ್ ಅವರ ಚೇತರಿಕೆಯ ಮೇಲೆ ನೇರವಾಗಿ ನಿಗಾ ಇರಿಸಿದ್ದಾರೆ. ನಾವು ಅವರನ್ನು ಟಿ20 ವಿಶ್ವಕಪ್‌ನಿಂದ ಸಂಪೂರ್ಣವಾಗಿ ಹೊರಗಿಡುತ್ತಿಲ್ಲ. ತಂಡದೊಂದಿಗೆ ಆಸ್ಟ್ರೇಲಿಯಾಕ್ಕೆ ತೆರಳಿ ಅಲ್ಲಿ ಚೇತರಿಕೆ ಮುಂದುವರಿಸಲಿದ್ದಾರೆ. ಬದಲಾವಣೆಗಳನ್ನು ಮಾಡಲು ನಮಗೆ ಅಕ್ಟೋಬರ್ 15 ರವರೆಗೆ ಸಮಯಾವಕಾಶ ಇದೆ ಎಂದು ಹೇಳಿದ್ದಾರೆ.


ಇದನ್ನೂ ಓದಿ-ಉಮ್ರಾನ್ ಮಲಿಕ್‍ಗೆ ನೀವು ಯಾವಾಗ ಅವಕಾಶ ನೀಡುತ್ತೀರಿ?: ಆಯ್ಕೆ ಸಮಿತಿ ವಿರುದ್ಧ ಮಾಜಿ ಕ್ರಿಕೆಟಿಗನ ಆಕ್ರೋಶ


ತೀವ್ರ ಬೆನ್ನುನೋವಿನ ಸಮಸ್ಯೆ
ಏಷ್ಯಾ ಕಪ್ 2022 ರ ಮೊದಲು  ಜಸ್ಪ್ರೀತ್ ಬುಮ್ರಾ ಗಂಭೀರವಾದ ಸ್ಟ್ರೆಸ್ ಫ್ರ್ಯಾಕ್ಚರ್  ಬೆನ್ನುನೋವಿನ ಸಮಸ್ಯೆಯಿಂದ ತೊಂದರೆಗೊಳಗಾಗಿದ್ದರು, ಈ ಕಾರಣದಿಂದಾಗಿ ಅವರು ಏಷ್ಯಾ ಕಪ್ 2022 ನಲ್ಲಿ ಭಾಗವಹಿಸಲು ಸಾಧ್ಯವಾಗಿರಲಿಲ್ಲ. 2019 ರಲ್ಲಿ ಜಸ್ಪ್ರೀತ್ ಬುಮ್ರಾ ಇದೇ ಸಮಸ್ಯೆಯ ಕಾರಣ ಟೀಮ್ ಇಂಡಿಯಾದಿಂದ ಹೊರಗುಳಿದಿದ್ದರು. ಆದರೆ ಅವರ ವಾಪಸಾತಿ ತುಂಬಾ ಬೇಗನೆ ನಡೆದಿತ್ತು, ಅವರಿಗೆ ಹೆಚ್ಚಿನ ವಿಶ್ರಾಂತಿ ಸಿಗಬೇಕಿತ್ತು ಎಂದು ಅನುಭವಿಗಳು ಅಭಿಪ್ರಾಯ ಪಟ್ಟಿದ್ದಾರೆ. ಜಸ್ಪ್ರೀತ್ ಬುಮ್ರಾ ಇತ್ತೀಚೆಗೆ ಆಸ್ಟ್ರೇಲಿಯಾ ವಿರುದ್ಧದ ಸರಣಿಯಲ್ಲಿ ಪುನರಾಗಮನ ಮಾಡಿದ್ದರು.


ಇದನ್ನೂ ನೋಡಿ-


https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.