MS Dhoni: ಸ್ನೇಹಿತನ ಪ್ರಾಣ ಉಳಿಸಲು ಹೆಲಿಕಾಪ್ಟರ್ ಕಳುಹಿಸಿದ್ದ ಧೋನಿ, ಆದರೆ...

ನವದೆಹಲಿ: ಮಹೇಂದ್ರ ಸಿಂಗ್ ಧೋನಿ (Mahendra Singh Dhoni) ಅವರ ಹೆಲಿಕಾಪ್ಟರ್ ಶಾಟ್ ಗೆ ವಿಶ್ವವೇ ಹಿಟ್ ಆಗಿದೆ. ಆದರೆ ಧೋನಿಯ ಹೆಲಿಕಾಪ್ಟರ್ ಶಾಟ್ ಹಿಂದೆ ಬೇರೊಬ್ಬರು ಇದ್ದಾರೆ ಎಂಬುದು ಕೆಲವರಿಗೆ ಮಾತ್ರವೇ ತಿಳಿದಿದೆ. ಎಂ.ಎಸ್. ಧೋನಿ (MS Dhoni) ಅವರನ್ನು ವಿಶ್ವ ಕ್ರಿಕೆಟ್‌ನಲ್ಲಿ ಅತ್ಯುತ್ತಮ ಮ್ಯಾಚ್ ಫಿನಿಶರ್ ಎಂದು ಕರೆಯಲಾಗುತ್ತದೆ. ಆದರೆ  ಎಂ.ಎಸ್. ಧೋನಿಗೆ ಈ ಹೊಡೆತವನ್ನು ಯಾರು ಕಲಿಸಿದರು ಎಂದು ಎಂದಾದರೂ ಯೋಚಿಸಿದ್ದೀರಾ?

ಧೋನಿಗೆ ಹೆಲಿಕಾಪ್ಟರ್ ಶಾಟ್ ಕಲಿಸಿದ್ದ ಅವರ ಸ್ನೇಹಿತ :
ಧೋನಿಯ ಬಾಲ್ಯ ಸ್ನೇಹಿತ ಸಂತೋಷ್ ಲಾಲ್ (Santosh Lal) ಅವರಿಗೆ ಹೆಲಿಕಾಪ್ಟರ್ ಶಾಟ್ ಆಡಲು ಕಲಿಸಿದರು. ಧೋನಿ ಮತ್ತು ಸಂತೋಷ್ ಬಾಲ್ಯದಿಂದಲೂ ಒಟ್ಟಿಗೆ ಕ್ರಿಕೆಟ್ ಆಡುತ್ತಿದ್ದರು. ಇಬ್ಬರೂ ಕ್ರಿಕೆಟ್ ಆಡಲು ಟೆನಿಸ್ ಚೆಂಡುಗಳನ್ನು ಬಳಸುತ್ತಿದ್ದರು ಮತ್ತು ರಾಜ್ಯಾದ್ಯಂತ ಪ್ರಯಾಣಿಸುತ್ತಿದ್ದರು. ಸಂತೋಷ್ ಅವರ ಬ್ಯಾಟಿಂಗ್ ನೋಡುವುದನ್ನು ಧೋನಿ ತುಂಬಾ ಇಷ್ಟಪಡುತ್ತಿದ್ದರು. ಸಂತೋಷ್ ಒಬ್ಬ ನಿರ್ಭೀತ ಬ್ಯಾಟ್ಸ್‌ಮನ್, ಧೋನಿಗೆ ಹೆಲಿಕಾಪ್ಟರ್ ಶಾಟ್ ಆಡಲು ಕಲಿಸಿದವರೂ ಕೂಡ ಇವರೇ ಅಂತೆ. ಸಂತೋಷ್ ಅವರಿಂದ ಹೆಲಿಕಾಪ್ಟರ್ ಶಾಟ್ ಕಲಿಯಲು ಧೋನಿ ಅವರಿಗೆ ಬಿಸಿ ಸಮೋಸಾಗಳನ್ನು ನೀಡುತ್ತಿದ್ದರಂತೆ.

ಸ್ನೇಹಿತನ ಪ್ರಾಣ ಉಳಿಸಲು ಹೆಲಿಕಾಪ್ಟರ್ ಕಳುಹಿಸಿದ  ಧೋನಿ:
ಸಂತೋಷ್ ಮತ್ತು ಎಂ.ಎಸ್. ಧೋನಿ (MS Dhoni) ಇಬ್ಬರೂ ಬಾಲ್ಯದಿಂದಲೂ ಉತ್ತಮ ಸ್ನೇಹಿತರಾಗಿದ್ದರು. ಇಬ್ಬರೂ ರೈಲ್ವೆಯಲ್ಲೂ ಕೆಲಸ ಮಾಡುತ್ತಿದ್ದರು. ಸಂತೋಷ್ ಹೆಲಿಕಾಪ್ಟರ್ ಶಾಟ್ ಕಂಡ ಧೋನಿ ತಕ್ಷಣ ಈ ಶಾಟ್ ಬಗ್ಗೆ ಸಂತೋಷ್ ಅವರನ್ನು ಕೇಳಿದರಂತೆ. ಆಗ ಸಂತೋಷ್ ಈ ಹೊಡೆತವನ್ನು 'ಸ್ಲ್ಯಾಪ್ ಶಾಟ್' ಎಂದು ಹೇಳಿದ್ದರಂತೆ. ಧೋನಿ ಮತ್ತು ಸಂತೋಷ್ ರಾಂಚಿಯಲ್ಲಿ ಟೆನಿಸ್ ಚೆಂಡಿನೊಂದಿಗೆ ಕ್ರಿಕೆಟ್ ಆಡುತ್ತಿದ್ದರು.

ಆದರೆ ಧೋನಿ ಅವರ ಆಪ್ತ ಸ್ನೇಹಿತರಲ್ಲಿ ಒಬ್ಬರಾಗಿದ್ದ ಸಂತೋಷ್‌ಗೆ ಮೇದೋಜ್ಜೀರಕ  (Pancreas) ಗ್ರಂಥಿಯಲ್ಲಿ ಉರಿಯೂತದ ಕಾಯಿಲೆ ಇತ್ತು. ಧೋನಿ ಟೀಮ್ ಇಂಡಿಯಾ ಜೊತೆ ಪ್ರವಾಸಕ್ಕೆ ಹೋಗುತ್ತಿದ್ದಾಗ, ಸಂತೋಷ್ ಅವರ ಗಂಭೀರ ಸ್ಥಿತಿಯ ಬಗ್ಗೆ ತಿಳಿದುಬಂದಿದೆ. ಸಂತೋಷ್ ಅವರನ್ನು ರಾಂಚಿಯಿಂದ ದೆಹಲಿಗೆ ಕರೆದೊಯ್ಯಲು ಧೋನಿ ತಕ್ಷಣ ಏರ್ ಆಂಬುಲೆನ್ಸ್ ವ್ಯವಸ್ಥೆ ಮಾಡಿದ್ದರು. ಆದರೆ ಕೆಟ್ಟ ಹವಾಮಾನದಿಂದಾಗಿ ಹೆಲಿಕಾಪ್ಟರ್ ವಾರಣಾಸಿಯಲ್ಲಿ ಇಳಿಯಬೇಕಾಯಿತು. ಅಷ್ಟೊತ್ತಿಗೆ ಸಂತೋಷ್‌ಗೆ ತಡವಾಗಿತ್ತು. 32 ನೇ ವಯಸ್ಸಿನಲ್ಲಿ ಸಂತೋಷ್ ಜಗತ್ತಿಗೆ ವಿದಾಯ ಹೇಳಿದ್ದರು.