ಐಪಿಎಲ್ ಇತಿಹಾಸದ ಮೊದಲ ಮಹಿಳಾ ಹರಾಜುಗಾರ್ತಿ ಯಾರು ಗೊತ್ತಾ? ಈಕೆ SRH ಒಡತಿ ಕಾವ್ಯಾ ಮಾರನ್’ನಷ್ಟೇ ಅಂದಗಾತಿ

First female auctioneer in IPL history: ದುಬೈನಲ್ಲಿ ಇಂದು ಇಂಡಿಯನ್ ಪ್ರೀಮಿಯರ್ ಲೀಗ್ 2024ರ ಮಿನಿ ಹರಾಜು ಪ್ರಕ್ರಿಯೆ ನಡೆಯುತ್ತಿದೆ. ಈ ಸಂದರ್ಭದಲ್ಲಿ ಮಹಿಳಾ ಹರಾಜುಗಾರ್ತಿಯೊಬ್ಬರು ಮೊದಲ ಬಾರಿಗೆ ಭಾಗವಹಿಸಲಿದ್ದಾರೆ. ಈ ಮಹಿಳೆಯ ಹೆಸರು ಮಲ್ಲಿಕಾ ಸಾಗರ್. ಕ್ರಿಕ್‌ ಬಜ್‌ ವರದಿಯ ಪ್ರಕಾರ, ಮುಂಬರುವ ಋತುವಿನಲ್ಲಿ ಮಲ್ಲಿಕಾ ಹರಾಜುಗಾರ್ತಿಯಾಗಲಿದ್ದಾರೆ ಎಂದು ಬಿಸಿಸಿಐ ಖಚಿತಪಡಿಸಿದೆ.

ಇದನ್ನೂ ಓದಿ: IPL ಇತಿಹಾಸದಲ್ಲೇ ಅತ್ಯಂತ ದುಬಾರಿ ಬೆಲೆಗೆ ಈ ಆಟಗಾರ ಬಿಕರಿ: SRHಗೆ ಎಂಟ್ರಿಕೊಟ್ಟ ವಿಶ್ವಕಪ್ ಹೀರೋ

ಇತ್ತೀಚೆಗೆ ನಡೆದ ಮಹಿಳಾ ಪ್ರೀಮಿಯರ್ ‘ (ಡಬ್ಲ್ಯುಪಿಎಲ್) ಎರಡನೇ ಸೀಸನ್ ಹರಾಜಿನಲ್ಲಿ ಮಲ್ಲಿಕಾ ಹರಾಜುದಾರರಾಗಿದ್ದರು. ಇಲ್ಲಿಯವರೆಗೆ, ಇಂಡಿಯನ್ ಪ್ರೀಮಿಯರ್ ಲೀಗ್‌ ಇತಿಹಾಸದಲ್ಲಿ ಯಾವೊಬ್ಬ ಮಹಿಳೆಯೂ ಬಿಡ್ ಘೋಷಿಸುತ್ತಿರಲಿಲ್ಲ. ಆದರೆ ಈ ಬಾರಿ ಐಪಿಎಲ್ 2024ರ ಸೀಸನ್‌’ನಲ್ಲಿ ಮೊದಲ ಬಾರಿಗೆ ಮಲ್ಲಿಕಾ ಸಾಗರ್ ಎಂಬ ಮಹಿಳೆ ಹರಾಜುಗಾರ್ತಿಯಾಗಿ ಕಾಣಿಸಿಕೊಂಡಿದ್ದಾರೆ.

WPL ಹರಾಜಿಗೂ ಮುನ್ನ ಮಲ್ಲಿಕಾ ಸಾಗರ್ ಹಲವು ಪ್ರೊ ಕಬಡ್ಡಿ ಲೀಗ್‌’ಗಳಲ್ಲಿ ಹರಾಜುಗಾರ್ತಿಯಾಗಿದ್ದರು. 2001 ರಲ್ಲಿ ಬ್ರಿಟಿಷ್ ಆಕ್ಷನ್ ಹೌಸ್ ಕ್ರಿಸ್ಟೀಸ್‌’ನಲ್ಲಿ ಹರಾಜುಗಾರ್ತಿಯಾಗಿ ವೃತ್ತಿ ಜೀವನವನ್ನು ಪ್ರಾರಂಭಿಸಿದ್ದರು. ಈ ಸಾಧನೆ ಮಾಡಿದ ಭಾರತೀಯ ಮೂಲದ ಮೊದಲ ಮಹಿಳೆ ಎಂಬ ಹೆಗ್ಗಳಿಕೆಗೂ ಪಾತ್ರರಾದರು.

ಅಂದಹಾಗೆ, ರಿಚರ್ಡ್ ಮ್ಯಾಡ್ಲಿ ಮೊದಲ 10 ವರ್ಷಗಳ ಕಾಲ ಇಂಡಿಯನ್ ಪ್ರೀಮಿಯರ್ ಲೀಗ್’ನ ಹರಾಜುದಾರರಾಗಿದ್ದರು. ನಂತರ, 2018 ರಲ್ಲಿ ರಿಚರ್ಡ್ ಮ್ಯಾಡ್ಲಿ ಬದಲಿಗೆ ಅಧಿಕೃತ ಐಪಿಎಲ್ ಹರಾಜುದಾರರಾಗಿ ಹಗ್ ಎಡ್ಮೀಡ್ಸ್ ಜವಾಬ್ದಾರಿಯನ್ನು ವಹಿಸಿಕೊಂಡರು.

ಐಪಿಎಲ್ 2022ರ ಮೆಗಾ ಹರಾಜು ಐಟಿಸಿ ಗಾರ್ಡೇನಿಯಾ ಹೋಟೆಲ್‌’ನಲ್ಲಿ ನಡೆಯಿತು. ಈ ಹರಾಜಿನ ಸಮಯದಲ್ಲಿ, ಹಗ್ ಆಡಮ್ಸ್ ಅವರ ಆರೋಗ್ಯವು ಹದಗೆಟ್ಟ ಕಾರಣ ಕುಸಿದುಬಿದ್ದರು. ತಕ್ಷಣವೇ ವೈದ್ಯಕೀಯ ಸಿಬ್ಬಂದಿ ಚಿಕಿತ್ಸೆ ನೀಡಿ, ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಹೀಗಾಗಿ ಉಳಿದ ಹರಾಜಿಗೆ ಅವರ ಬದಲಿಗೆ ರಾಷ್ಟ್ರೀಯ ನಿರೂಪಕಿ ಚಾರು ಶರ್ಮಾ ಹರಾಜು ಘೋಷಿಸಿದರು.