IPL 2022: ಲಕ್ನೋ ತಂಡಕ್ಕೆ ಬಿಗ್ ಶಾಕ್, ಐಪಿಎಲ್ ನಿಂದ ಹೊರಕ್ಕೆ ಬಿದ್ದ ಈ ಆಟಗಾರ..!

ನವದೆಹಲಿ: ಲಕ್ನೋ ತಂಡಕ್ಕೆ ಐಪಿಎಲ್ ಟೂರ್ನಿ ಪ್ರಾರಂಭವಾಗುವ ಮೊದಲೇ ಭಾರಿ ಆಘಾತವಾಗಿದೆ.

ಹೌದು, ಈಗ ವಿದೇಶಿ ಆಟಗಾರ ಮಾರ್ಕ್ ವುಡ್ ಅವರು ಗಾಯಗೊಂಡಿರುವುದರಿಂದಾಗಿ ಐಪಿಎಲ್ 2022 ರಿಂದ ಹೊರಗೆ ಉಳಿಯಲಿದ್ದಾರೆ.

ಕಳೆದ ವಾರ ವೆಸ್ಟ್ ಇಂಡೀಸ್ ವಿರುದ್ಧದ ಮೊದಲ ಟೆಸ್ಟ್‌ನಲ್ಲಿ ಬಲ ಮೊಣಕೈಗೆ ಗಾಯವಾದ ನಂತರ ಮಾರ್ಚ್ 26 ರಿಂದ ಪ್ರಾರಂಭವಾಗುವ IPL 2022  ನಲ್ಲಿ ವುಡ್ ಲಕ್ನೋ ಸೂಪರ್ ಜೈಂಟ್ಸ್ ಅನ್ನು ಪ್ರತಿನಿಧಿಸುವುದಿಲ್ಲ ಎಂದು 'Espncricinfo' ವರದಿ ಮಾಡಿದೆ.

ಇದನ್ನೂ ಓದಿ: IPL 2022 ರಲ್ಲಿ ಬುಮ್ರಾಗಿಂತ ಬಲಿಷ್ಠ ಈ 3 ಬ್ಯಾಟ್ಸ್‌ಮನ್‌ಗಳು, ಇವರಿದ್ದರೆ ಬೌಂಡರಿ - ಸಿಕ್ಸರ್‌ಗಳ ಮಳೆನೆ

ಕಳೆದ ತಿಂಗಳು ನಡೆದ ಐಪಿಎಲ್ ಹರಾಜಿನಲ್ಲಿ ಲಕ್ನೋ ತಂಡವು ಮಾರ್ಕ್ ವುಡ್ ಅವರನ್ನು 7.5 ಕೋಟಿ ರೂಗೆ ಖರೀದಿಸಿತ್ತು. ಆದರೆ ನಾರ್ತ್ ಸೌಂಡ್‌ನಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧದ ಪಂದ್ಯದಲ್ಲಿ ಗಾಯಗೊಂಡಿದ್ದರಿಂದಾಗಿ ಅವರು ಕೇವಲ 17 ಓವರ್‌ಗಳನ್ನು ಮಾತ್ರ ಬೌಲ್ ಮಾಡಲು ಸಾಧ್ಯವಾಗಿದೆ.

ಈಗ ಲಕ್ನೋ ಸೂಪರ್ ಜೈಂಟ್ಸ್ ತಂಡವನ್ನು ಕೆಎಲ್ ರಾಹುಲ್ (KL Rahul) ಮುನ್ನಡೆಸಲಿದ್ದು, ಆಂಡಿ ಫ್ಲವರ್ ಅವರು ಕೋಚ್ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.