VIDEO: ರಸ್ತೆ ಮಧ್ಯೆ ಕಾರ್ ನಿಲ್ಲಿಸಿ ತನ್ನ ಪುಟ್ಟ ಅಭಿಮಾನಿಯೊಂದಿಗೆ ಮಾತನಾಡಿದ ಧೋನಿ

ನವದೆಹಲಿ: ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ, ಮೈದಾನದಲ್ಲಿ ಅಥವಾ ಹೊರಗಡೆ ಎಲ್ಲೆಡೆ ಚರ್ಚೆಯಲ್ಲಿದ್ದಾರೆ. ಇತ್ತೀಚೆಗೆ, ವೆಸ್ಟ್ ಇಂಡೀಸ್ ವಿರುದ್ಧ ಮತ್ತು ಮುಂಬರುವ ಆಸ್ಟ್ರೇಲಿಯಾ ಪ್ರವಾಸಕ್ಕಾಗಿ ಧೋನಿ T20 ತಂಡದಿಂದ ಹೊರಗುಳಿದಿದ್ದಾರೆ. ಟಿ -20 ತಂಡದಿಂದ ಧೋನಿ ಹೊರಗುಳಿದ ನಂತರ, ಬಿಸಿಸಿಐ ತೀವ್ರವಾಗಿ ಟೀಕಿಸಲ್ಪಟ್ಟಿತು, ನಂತರ ಯಾವುದೇ ಯುವ ವಿಕೆಟ್ ಕೀಪರ್ ಗೆ ಅವಕಾಶ ನೀಡಬೇಕೆಂದು ಧೋನಿ ಬಯಸಿದ್ದರು ಎಂದು ಸ್ಪಷ್ಟಪಡಿಸಲಾಯಿತು. ಈಗ ಮಹೇಂದ್ರ ಸಿಂಗ್ ಧೋನಿ ಸಾಮಾಜಿಕ ಮಾಧ್ಯಮದಲ್ಲಿ ಮತ್ತೆ ಸುದ್ದಿಯಲ್ಲಿದ್ದಾರೆ.

ವಾಸ್ತವವಾಗಿ, ಸಾಮಾಜಿಕ ಮಾಧ್ಯಮದಲ್ಲಿ ಮಹೇಂದ್ರ ಸಿಂಗ್ ಧೋನಿಯವರ ಒಂದು ವಿಡಿಯೋ ತುಂಬಾ ವೈರಲ್ ಆಗುತ್ತಿದೆ. ಈ ವಿಡಿಯೋದಲ್ಲಿ, ಧೋನಿ ತನ್ನ ಪುಟ್ಟ ಅಭಿಮಾನಿಯೊಂದಿಗೆ ಮಾತನಾಡುತ್ತಿದ್ದಾರೆ.  'ತುಂಬಿದ ಕೊಡ ತುಳುಕುವುದಿಲ್ಲ' ಎಂಬಂತೆ, ಕ್ರಿಕೆಟ್ ಜಗತ್ತಿನಲ್ಲಿ ಅಗ್ರಸ್ಥಾನದಲ್ಲಿರುವ ಧೋನಿ, ರಸ್ತೆ ಬದಿಯಲ್ಲಿ ತನ್ನ ಪುಟ್ಟ ಅಭಿಮಾನಿಗಾಗಿ ಕಾರು ನಿಲ್ಲಿಸಿ ಸಮಯ ಕಳೆದಿರುವುದು ಧೋನಿಯ ಸರಳತೆಯನ್ನು ಬಿಂಬಿಸುತ್ತದೆ. 

ಇದಕ್ಕಾಗಿಯೇ ಅವರು ಹೆಚ್ಚಿನ ಸಂಖ್ಯೆಯ ಅಭಿಮಾನಿಗಳನ್ನು ಹೊಂದಿದ್ದಾರೆ, ಆದರೆ ಧೋನಿ ಮಾತ್ರ ಇದನ್ನು ತಿಳಿದಿಲ್ಲ. ಅವರ ಈ ಮನೋಭಾವ 'ವ್ಯಕ್ತಿ ಎಷ್ಟೇ ಎತ್ತರಕ್ಕೆ ಏರಿದರೂ' ಅದು ಅವನ ವ್ಯಕ್ತಿತ್ವದಲ್ಲಿ ಸರಳತೆ ಹೊಂದಿರುವುದನ್ನು ಸಾಬೀತು ಪಡಿಸುತ್ತದೆ. ಅಲ್ಲದೆ ಸಹ ಆಟಗಾರರೊಂದಿಗೆ ಧೋನಿ ವರ್ತನೆಯು ಅವರ ಸರಳತೆಯ ಸಂಕೇತವಾಗಿದೆ. 

ಇತ್ತೀಚೆಗೆ ಮಾಜಿ ಕ್ಯಾಪ್ಟನ್ ತನ್ನ ಕಾರನ್ನು ಸಣ್ಣ ಅಭಿಮಾನಿಗಾಗಿ ನಿಲ್ಲಿಸುತ್ತಿದ್ದಾನೆ. ಧೋನಿ ತನ್ನ ಕಾರನ್ನು ನಿಲ್ಲಿಸುವ ಮೂಲಕ ಅಭಿಮಾನಿಗಳೊಂದಿಗೆ ಸ್ವಲ್ಪ ಸಮಯ ಮಾತನಾಡುತ್ತಿರುವ ದೃಶ್ಯದ ವಿಡಿಯೋವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಪೋಸ್ಟ್ ಮಾಡಲಾಗಿದೆ. ನಂತರ ಹೊರಡುವ ಮೊದಲು, ಧೋನಿ ಆ ಪುಟ್ಟ ಫ್ಯಾನ್ ಗೆ ಶೇಕ್ ಹ್ಯಾಂಡ್ ಮಾಡುತ್ತಾನೆ. ಬಹುಶಃ ಇದು ಧೋನಿಯ ಕಿರಿಯ ಅಭಿಮಾನಿಗಳಿಗೆ ಸಂತೋಷದ ಕ್ಷಣವಾಗಿದೆ.

ಈ ಹಿಂದೆ ಐಪಿಎಲ್ ಸಮಯದಲ್ಲಿ, ಮಹೇಂದ್ರ ಸಿಂಗ್ ಅವರ ಅಭಿಮಾನಿಗಳೊಂದಿಗಿದ್ದ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿತ್ತು. ಈ ವೀಡಿಯೋದಲ್ಲಿ, ಧೋನಿ ಅವರ ಕಿರಿಯ ಅಭಿಮಾನಿಗಳನ್ನು ಸ್ವಾಗತಿಸುವ ಪ್ರಯತ್ನ ಮಾಡುತ್ತಿದ್ದರು. ಈ ವೀಡಿಯೊ ತುಂಬಾ ತಮಾಷೆಯಾಗಿತ್ತು ಮತ್ತು ಇದು ಹೆಚ್ಚು ಜನರಿಂದ ಪ್ರಶಂಸೆಯನ್ನೂ ಪಡೆದಿತ್ತು.