W,W,W,W,W,W...ವೇಸ್ಟ್ ಎಂದು ನಿರ್ಲಕ್ಷ್ಯಕ್ಕೊಳಗಾದ ಈ ಆಟಗಾರ ಕಬಳಿಸಿದ್ದು ಸಾಲು ಸಾಲು ವಿಕೆಟ್ !ಆಟದ ಮೂಲಕವೇ ಆಯ್ಕೆಗಾರರಿಗೆ ಉತ್ತರ ಕೊಟ್ಟ ಫಾಸ್ಟ್ ಬೌಲರ್

India Tour of Australia 2024-25 : ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಐದು ಪಂದ್ಯಗಳ ಉನ್ನತ ಮಟ್ಟದ ಟೆಸ್ಟ್ ಸರಣಿಯು ನವೆಂಬರ್ 22 ರಿಂದ ಪರ್ತ್‌ನಲ್ಲಿ ಪ್ರಾರಂಭವಾಗಲಿದೆ.ಆಸ್ಟ್ರೇಲಿಯಾ ನೆಲದಲ್ಲಿ ಭಾರತ 5 ಪಂದ್ಯಗಳ ಟೆಸ್ಟ್ ಸರಣಿಯನ್ನು ಆಡಬೇಕಿದೆ.ಭಾರತ ಮತ್ತು ಆಸ್ಟ್ರೇಲಿಯಾ ನಡುವೆ 22 ನವೆಂಬರ್ 2024 ರಿಂದ ಜನವರಿ 7,2025 ರವರೆಗೆ 5 ಪಂದ್ಯಗಳ ಟೆಸ್ಟ್ ಸರಣಿ ನಡೆಯಲಿದೆ. ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಈ ಐದು ಟೆಸ್ಟ್ ಪಂದ್ಯಗಳು ಕ್ರಮವಾಗಿ ಪರ್ತ್, ಅಡಿಲೇಡ್, ಬ್ರಿಸ್ಬೇನ್, ಮೆಲ್ಬೋರ್ನ್ ಮತ್ತು ಸಿಡ್ನಿಯಲ್ಲಿ ನಡೆಯಲಿವೆ. ಆಸ್ಟ್ರೇಲಿಯಾದಲ್ಲಿ ಭಾರತ ಕಳೆದ ಎರಡು ಸರಣಿಗಳನ್ನು ಗೆದ್ದಿದೆ.   2018-19 ಮತ್ತು 2020-21ರ ಆಸ್ಟ್ರೇಲಿಯಾ ಪ್ರವಾಸದಲ್ಲಿ ಭಾರತ ಟೆಸ್ಟ್ ಸರಣಿ ಗೆದ್ದು ಇತಿಹಾಸ ನಿರ್ಮಿಸಿತ್ತು. ಭಾರತ ಎರಡೂ ಸಂದರ್ಭಗಳಲ್ಲಿ ಕಾಂಗರೂ ತಂಡವನ್ನು 2-1 ಗೋಲುಗಳಿಂದ ಸೋಲಿಸಿತ್ತು.

ಭಾರತದ ವೇಗದ ಬೌಲರ್ ಮುಖೇಶ್ ಕುಮಾರ್ ಆಸ್ಟ್ರೇಲಿಯಾ ಪ್ರವಾಸದಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದಾರೆ.ಮ್ಯಾಕೆಯಲ್ಲಿ ಭಾರತ-ಎ ಮತ್ತು ಆಸ್ಟ್ರೇಲಿಯಾ-ಎ ನಡುವೆ ಮೊದಲ ಅನೌಪಚಾರಿಕ ಟೆಸ್ಟ್ ಪಂದ್ಯ ನಡೆಯುತ್ತಿದೆ. ಆಸ್ಟ್ರೇಲಿಯಾ-ಎ ವಿರುದ್ಧದ ಮೊದಲ ಇನ್ನಿಂಗ್ಸ್‌ನಲ್ಲಿ ಭಾರತದ ವೇಗದ ಬೌಲರ್ ಮುಖೇಶ್ ಕುಮಾರ್ 46 ರನ್‌ಗಳಿಗೆ 6 ವಿಕೆಟ್‌ಗಳನ್ನು ಕಬಳಿಸಿದರು.ಬಾರ್ಡರ್ ಗವಾಸ್ಕರ್ ಟೆಸ್ಟ್ ಸರಣಿಗಾಗಿ 18 ಸದಸ್ಯರ ಟೀಮ್ ಇಂಡಿಯಾದಿಂದ ಮುಖೇಶ್ ಕುಮಾರ್ ಅವರನ್ನು ಹೊರಗಿಡುವ ಮೂಲಕ ಆಯ್ಕೆದಾರರು ತಪ್ಪು ನಿರ್ಧಾರ ತೆಗೆದುಕೊಂಡಿದ್ದಾರೆ ಎನ್ನುವುದನ್ನು ಈ ಮೂಲಕ ಸಾಬೀತುಪಡಿಸಿದ್ದಾರೆ. ಬಾರ್ಡರ್ ಗವಾಸ್ಕರ್ ಟೆಸ್ಟ್ ಸರಣಿಗಾಗಿ ಭಾರತದ ರಿಸರ್ವ್ ಆಟಗಾರರಲ್ಲಿ ಮುಖೇಶ್ ಕುಮಾರ್ ಅವರನ್ನು ಇರಿಸಲಾಗಿದೆ. ಇದೀಗ ಮುಕೇಶ್ ಕುಮಾರ್ ಆಸ್ಟ್ರೇಲಿಯಾ-ಎ ವಿರುದ್ಧ 6 ವಿಕೆಟ್ ಪಡೆಯುವ ಮೂಲಕ ಆಯ್ಕೆದಾರರಿಗೆ ತಕ್ಕ ಉತ್ತರ ನೀಡಿದ್ದಾರೆ.

ಇದನ್ನೂ ಓದಿ : ಟೆಸ್ಟ್‌ ಸೋಲಿನ ಬೆನ್ನಲ್ಲೆ ಶಾಕ್‌ ಕೊಟ್ಟ ಟೀಂ ಇಂಡಿಯಾ ಆಟಗಾರ..! ತಂಡಕ್ಕೆ ವಿದಾಯ ಹೇಳಿದ ಸ್ಟಾರ್‌ ಆಟಗಾರ

ಆಯ್ಕೆಗಾರರು ಮಾಡಿದ ದೊಡ್ಡ ತಪ್ಪು :
ಮುಖೇಶ್ ಕುಮಾರ್ ಅವರು ವಿಶಾಖಪಟ್ಟಣಂನಲ್ಲಿ ಇಂಗ್ಲೆಂಡ್ ವಿರುದ್ಧ ಫೆಬ್ರವರಿ 2, 2024 ರಂದು ಭಾರತಕ್ಕಾಗಿ ತಮ್ಮ ಕೊನೆಯ ಟೆಸ್ಟ್ ಪಂದ್ಯವನ್ನು ಆಡಿದರು. ಬಾರ್ಡರ್ ಗವಾಸ್ಕರ್ ಟೆಸ್ಟ್ ಸರಣಿಗೆ, 18 ಸದಸ್ಯರ ಭಾರತ ತಂಡದಲ್ಲಿ ಮುಖೇಶ್ ಕುಮಾರ್ ಅವರಂತಹ ವೇಗದ ಬೌಲರ್‌ನ ಅಗತ್ಯವಿತ್ತು. ನವೆಂಬರ್ 22 ರಿಂದ ಆಸ್ಟ್ರೇಲಿಯಾ ವಿರುದ್ಧದ ಬಾರ್ಡರ್ ಗವಾಸ್ಕರ್ ಟೆಸ್ಟ್ ಸರಣಿಗೆ, ವೇಗದ ಬೌಲಿಂಗ್ ವಿಭಾಗದಲ್ಲಿ ಜಸ್ಪ್ರೀತ್ ಬುಮ್ರಾ, ಮೊಹಮ್ಮದ್ ಸಿರಾಜ್, ಆಕಾಶದೀಪ್, ಪ್ರಸಿದ್ಧ್ ಕೃಷ್ಣ ಮತ್ತು ಹರ್ಷಿತ್ ರಾಣಾ ಅವರನ್ನು ಆಯ್ಕೆಗಾರರು ಆಯ್ಕೆ ಮಾಡಿದ್ದಾರೆ. ಇದಲ್ಲದೇ ಆಲ್ ರೌಂಡರ್ ಆಗಿ ನಿತೀಶ್ ಕುಮಾರ್ ರೆಡ್ಡಿಗೆ ಅವಕಾಶ ನೀಡಲಾಗಿದೆ.

ಮುಖೇಶ್ ಕುಮಾರ್ ಭಾರತದ ಪರ 6 ಏಕದಿನ ಪಂದ್ಯಗಳಲ್ಲಿ 5 ವಿಕೆಟ್ ಪಡೆದಿದ್ದಾರೆ. ಇದಲ್ಲದೇ ಮುಖೇಶ್ ಕುಮಾರ್ 17 ಟಿ20 ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ 20 ವಿಕೆಟ್ ಹಾಗೂ 3 ಟೆಸ್ಟ್ ಪಂದ್ಯಗಳಿಂದ 7 ವಿಕೆಟ್ ಪಡೆದಿದ್ದಾರೆ. ಮುಖೇಶ್ ಕುಮಾರ್ ಬಲಗೈ ಫಾಸ್ಟ್ ಬೌಲರ್. ಮುಕೇಶ್ ಕುಮಾರ್  ಬಿಹಾರ ಪರ 19 ವರ್ಷದೊಳಗಿನವರ ಕ್ರಿಕೆಟ್ ಆಡಿದ್ದರು.

ಇದನ್ನೂ ಓದಿ : IPL ಹರಾಜಿಗೂ ಮುನ್ನ ಬಿಗ್ ಅಪ್ಡೇಟ್!ಈ ದಿಗ್ಗಜ ಆಟಗಾರರನ್ನೇ ರಿಲೀಸ್ ಮಾಡಲಿದೆ ಫ್ರಾಂಚೈಸಿಗಳು !

ಬಾರ್ಡರ್-ಗವಾಸ್ಕರ್ ಟ್ರೋಫಿ ಟೆಸ್ಟ್ ಸರಣಿಗೆ ಭಾರತ ತಂಡ: 
ರೋಹಿತ್ ಶರ್ಮಾ (ನಾಯಕ), ಜಸ್ಪ್ರೀತ್ ಬುಮ್ರಾ (ಉಪನಾಯಕ), ಯಶಸ್ವಿ ಜೈಸ್ವಾಲ್, ಅಭಿಮನ್ಯು ಈಶ್ವರನ್, ಶುಭಮನ್ ಗಿಲ್, ವಿರಾಟ್ ಕೊಹ್ಲಿ, ಕೆಎಲ್ ರಾಹುಲ್, ರಿಷಭ್ ಪಂತ್ (ವಿಕೆಟ್ ಕೀಪರ್), ಸರ್ಫರಾಜ್ ಖಾನ್, ಧ್ರುವ ಜುರೆಲ್ (ವಿಕೆಟ್ ಕೀಪರ್), ರವಿಚಂದ್ರನ್ ಅಶ್ವಿನ್, ರವೀಂದ್ರ ಜಡೇಜಾ, ರವೀಂದ್ರ ಜಡೇಜಾ ಮೊಹಮ್ಮದ್ ಸಿರಾಜ್, ಆಕಾಶದೀಪ್, ಪ್ರಸಿದ್ಧ್ ಕೃಷ್ಣ, ಹರ್ಷಿತ್ ರಾಣಾ, ನಿತೀಶ್ ಕುಮಾರ್ ರೆಡ್ಡಿ, ವಾಷಿಂಗ್ಟನ್ ಸುಂದರ್.

 ರಿಸರ್ವ್ : ಮುಖೇಶ್ ಕುಮಾರ್, ನವದೀಪ್ ಸೈನಿ, ಖಲೀಲ್ ಅಹ್ಮದ್.

ಭಾರತ vs ಆಸ್ಟ್ರೇಲಿಯಾ ಟೆಸ್ಟ್ ಸರಣಿ ವೇಳಾಪಟ್ಟಿ (ಭಾರತೀಯ ಕಾಲಮಾನ) :
1 ನೇ ಟೆಸ್ಟ್ ಪಂದ್ಯ - 22 ನವೆಂಬರ್ 2024 ರಿಂದ 26 ನವೆಂಬರ್ 2024, ಬೆಳಿಗ್ಗೆ 8:00 ಗಂಟೆ ಪರ್ತ್
2ನೇ ಟೆಸ್ಟ್ ಪಂದ್ಯ - 6 ಡಿಸೆಂಬರ್ 2024 ರಿಂದ 10 ಡಿಸೆಂಬರ್ 2024, ಬೆಳಿಗ್ಗೆ  9:30 ಅಡಿಲೇಡ್
3ನೇ ಟೆಸ್ಟ್ ಪಂದ್ಯ - 14 ಡಿಸೆಂಬರ್ 2024 ರಿಂದ 18 ಡಿಸೆಂಬರ್ 2024, ಬೆಳಿಗ್ಗೆ  5:30 ಬ್ರಿಸ್ಬೇನ್
4 ನೇ ಟೆಸ್ಟ್ ಪಂದ್ಯ - 26 ಡಿಸೆಂಬರ್ 2024 ರಿಂದ 30 ಡಿಸೆಂಬರ್ 2024,ಬೆಳಿಗ್ಗೆ   5:30 ಮೆಲ್ಬೋರ್ನ್
ಐದನೇ ಟೆಸ್ಟ್ ಪಂದ್ಯ - 3 ಜನವರಿ 2025 ರಿಂದ 7 ಜನವರಿ 2025, ಬೆಳಿಗ್ಗೆ  5:30 ಸಿಡ್ನಿ