Video: ಒಬ್ಬರಲ್ಲ, ಇಬ್ಬರಲ್ಲು ಕ್ಯಾಚ್‌ ಬಿಟ್ಟ ಮೂವರು ಆಟಗಾರರು! ಇವರ ಫೀಲ್ಡಿಂಗ್‌ ನೋಡಿದರೆ ನಾಚಿಕೆಯಾಗುವಂತಿದೆ ಎಂದ ನೆಟ್ಟಿಗರು

Pakistan Drop Catch Video: ಬಾಂಗ್ಲಾದೇಶ ವಿರುದ್ಧದ ಎರಡು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಪಾಕಿಸ್ತಾನದ ಫೀಲ್ಡಿಂಗ್ ಕೂಡ ದೊಡ್ಡ ಪ್ರಶ್ನಾರ್ಥಕ ಚಿಹ್ನೆಯಾಗಿ ಉಳಿದಿದೆ. ಬಾಬರ್ ಅಜಮ್ ಮೊದಲ ಟೆಸ್ಟ್ ಪಂದ್ಯದಲ್ಲಿ ಸರಳ ಕ್ಯಾಚ್ ಬಿಟ್ಟು ನೆಟ್ಟಿಗರ ಟೀಕೆಗೆ ಗುರಿಯಾಗಿದ್ದರು. ಇದೀಗ ಎರಡನೇ ಟೆಸ್ಟ್ ಪಂದ್ಯದಲ್ಲೂ ಒಂದಲ್ಲ ಎರಡಲ್ಲ ಮೂವರು ಪಾಕಿಸ್ತಾನಿ ಆಟಗಾರರು ಬಾಂಗ್ಲಾದೇಶದ ಮೊದಲ ಇನಿಂಗ್ಸ್ ನ ಮೊದಲ ಎಸೆತವನ್ನೇ ಕ್ಯಾಚ್ ಹಿಡಿಯಲು ಯತ್ನಿಸಿ ವಿಫಲವಾಗುವ ಮೂಲಕ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.

ಬಾಂಗ್ಲಾದೇಶ ವಿರುದ್ಧದ ಎರಡು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಪಾಕಿಸ್ತಾನದ ಫೀಲ್ಡಿಂಗ್ ಕೂಡ ದೊಡ್ಡ ಪ್ರಶ್ನಾರ್ಥಕ ಚಿಹ್ನೆಯಾಗಿ ಉಳಿದಿದೆ. ಬಾಬರ್ ಅಜಮ್ ಮೊದಲ ಟೆಸ್ಟ್ ಪಂದ್ಯದಲ್ಲಿ ಸರಳ ಕ್ಯಾಚ್ ವಂಚಿತರಾದರು. ಇದೀಗ ಎರಡನೇ ಟೆಸ್ಟ್ ಪಂದ್ಯದಲ್ಲೂ ಪಾಕಿಸ್ತಾನದ ಮೂವರು ಆಟಗಾರರು ಬಾಂಗ್ಲಾದೇಶದ ಮೊದಲ ಇನಿಂಗ್ಸ್ ನ ಮೊದಲ ಎಸೆತವನ್ನು ಒಂದಲ್ಲ ಎರಡಲ್ಲ ಕ್ಯಾಚ್ ಹಿಡಿಯಲು ಯತ್ನಿಸಿ ವಿಫಲರಾಗಿದ್ದಾರೆ. ಈ ವೀಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದ್ದು, ಆಟಗಾರರು ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ.

ಪಾಕಿಸ್ತಾನ ಮೊದಲ ಇನ್ನಿಂಗ್ಸ್‌ನಲ್ಲಿ 274 ರನ್‌ಗಳಿಗೆ ಆಲೌಟ್ ಆಗಿತ್ತು. ನಂತರ ಆಟ ಮುಗಿಯುವ ಹೊತ್ತಿಗೆ ಎರಡು ಓವರ್‌ಗಳು ಬಾಕಿ ಇರುವಾಗ ಬಾಂಗ್ಲಾದೇಶದ ಆರಂಭಿಕ ಬ್ಯಾಟ್ಸ್‌ಮನ್‌ಗಳು ಮೈದಾನಕ್ಕೆ ಎಂಟ್ರಿ ಕೊಟ್ಟಿದ್ದರು. ಪಾಕಿಸ್ತಾನದ ಮೊದಲ ಓವರ್ ಬೌಲಿಂಗ್ ಮಾಡಿದ ಎಡಗೈ ವೇಗಿ ಮೀರ್ ಹಮ್ಜಾ ಎಸೆದ ಚೆಂಡಿಗೆ ಬಾಂಗ್ಲಾದೇಶದ ಬ್ಯಾಟ್ಸ್‌ಮೆನ್‌ ಬ್ಯಾಟ್‌ ಬೀಸಿದ್ದರು, ಈ ಚೆಂಡು ಗಾಳಿಯಲ್ಲಿ ತೇಲಿ ಹೋಗಿತ್ತು. ಈ ಚೆಂಡನ್ನು ಹಿಡಿಯಲು ಒಬ್ಬರಲ್ಲ, ಇಬ್ಬರಲ್ಲ, ಮೂವರು ಪಾಕಿಸ್ತಾನಿ ಫೀಲ್ಡರ್‌ಗಳು ಯತ್ನಿಸಿದರಾದರೂ ಕ್ಯಾಚ್‌ ಹಿಡಿಯುವಲ್ಲಿ  ವಿಫಲವಾದರು.